ສປປ.ເກົາຫຼີ ຢືນຢັນ ການທ້ອນໂຮມສອງພາກເປັນເອກະພາບຄືນໃໝ່ຕ້ອງອີງໃສ່ຫຼັກການເອກະລາດແຫ່ງຊາດ

ໃນບົດວິຈານກ່ຽວກັບຖະແຫຼງການຮ່ວມປານມູນຈອມ, ທີ່ການນຳສປປ.ເກົາຫຼີ Kim Jong Un ແລະ ທ່ານປະທານາທິບໍດີ ສ.ເກົາຫຼີ Moon Jae-in ຫາກໍໄດ້ລົງນາມເມື່ອວັນທີ 27 ເມສາຜ່ານມາ, ໜັງສືພິມ Rodong Sinmun ຢືນຢັນວ່າ “ການຮັກສາຫຼັກການເອກະລາດແຫ່ງຊາດສວມບົດບາດສຳຄັນຍິ່ງສຳລັບແງ່ຫວັງຂອງການພົວພັນລະຫວ່າງ ສປປ.ເກົາຫຼີ ແລະ ສ.ເກົາຫຼີ”. ໜັງສືພິມດັ່ງກ່າວ ຊີ້ແຈ້ງວ່າ: “ກ່ຽວກັບເນື້ອແທ້, ການທ້ອນໂຮມປະເທດຊາດເປັນເອກະພາບແມ່ນການເຊື່ອມຕໍ່ຄືນເລືອດເນື້ອເຊື້ອສາຍ ແລະ ບັນຫາທ້ອນໂຮມປະເທດຊາດເປັນເອກພາບຄືນໃໝ່ຈະບໍ່ໄດ້ຮັບການແກ້ໄຂ ຖ້າຫາກວ່າມີ ຝ່າຍໜຶ່ງຍັງຂຶ້ນກັບບັນດາປະເທດພາຍນອກ”.