 ທ່ານ ເຢືອງກວ໊ກແທັງ ເອກອັກຄະລັດຖະທູດ ຫວຽດນາມ ໄດ້ມີການຕ້ອນຮັບ ແລະ ເຮັດວຽກກັບທ່ານ Alejandro Pont Lezica ຜູ້ອຳນວຍການສະຖານີວິທະຍຸກະຈາຍສຽງແຫ່ງຊາດ ອາກຊັງຕີນ (ພາບ: TTXVN) |
ທີ່ການຕ້ອນຮັບ, ທ່ານ ເຢືອງກວ໊ກແທັງ ຕີລາຄາສູງຕໍ່ວິວັດການຮ່ວມມືລະຫວ່າງ RNA ແລະ ວິທະຍູກະຈາຍສຽງ ຫວຽດນາມ (VOV) ໃນໄລຍະຜ່ານມາຢ່າງແທດຈິງ, ມີປະສິດທິຜົນ, ປະກອບສ່ວນເຂົ້າໃນການໂຄສະນາ, ແນະນຳສະຖານີວິທະຍຸກ່ຽວກັບປະເທດຊາດ, ປະຊາຊົນຂອງແຕ່ລະປະເທດຜ່ານບັນດາລາຍການກະຈາຍສຽງຂອງສອງສະຖານີ, ໄດ້ຮັບການຕ້ອນຮັບ ແລະ ກະທົບຕອບຢ່າງສຸດໃຈຈາກທ່ານຜູ້ຟັງສອງປະເທດ. ໃນໄລຍະຈະມາເຖິງທ່ານ ເຢືອງກວ໊ກແທັງ ແລະ ຜູ້ອຳນວຍການ RNA ເຫັນດີສືບຕໍ່ຜັນຂະຫາຍບັນດາເນື້ອໃນຂອງບົດບັນທຶກຊ່ວຍຈຳຮ່ວມມືຢ່າງມີປະສິທິຜົນດ້ວຍບັນດາເນື້ອໃນລະອຽດ, ພິເສດແມ່ນສືບຕໍ່ສົມທົບກັນຜະລິດລາຍການ, ແລກປ່ຽນລາຍການກະຈາຍສຽງ “ອາກຊັງຕີນ ສະບາຍດີ ຫວຽດນາມ” ແລະ “ຫວຽດນາມ ສະບາຍດີ ອາກຊັງຕີນ”.
ສອງຝ່າຍກໍ່ເຫັນດີເພີ່ມເຕີມບັນດາເນື້ອໃນກ່ຽວກັບເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດ; ເພີ່ມທະວີການໂຄສະນາ, ແນະນຳກ່ຽວກັບປະເທດຊາດ, ປະຊາຊົນສອງປະເທດຢູ່ເວັບໄຊຂອງສອງສະຖານີວິທະຍຸ; ຜັນຂະຫຍາຍປະຕິບັດແຜນການແລກປ່ຽນບົດຮຽນ, ນັກຊຽວຊານລະຫວ່າງສອງສະຖານີວິທະຍຸ, ສົມທົບກັນຜະລິດບັນດາລາຍການລວມແນະນຳກ່ຽວກັບປະເທດຊາດ,ປະຊາຊົນສອງປະເທດເພື່ອອອກອາກາດຢູ່ແຕ່ລະສະຖານີວິທະຍຸ.
