 (ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິ່ງ) |
ເຂົ້າຮ່ວມ ແລະ ກ່າວປາໄສທີ່ກອງປະຊຸມ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານຫວຽດນາມ ເຈືອງຮ່ວາບິ່ງ ໃຫ້ຂໍ້ສັງເກດວ່າ, ໃນໄລຍະປະຈຸບັນແມ່ນຈຸດເວລາທີ່ດີເພື່ອໃຫ້ບັນດາວິສາຫະກິດ, ນັກລົງທຶນກຳແໜ້ນກາລະໂອກາດລົງທຶນ, ດຳເນີນທຸລະກິດຢູ່ຫວຽດນາມ. ດ້ວຍຈຸດພິເສດແມ່ນພື້ນຖານເສດຖະກິດເປີດ, ຫວຽດນາມ ພວມຊຸກຍູ້ບັນດາຮູບແບບເຕີບໂຕ ໂດຍອີງໃສ່ບັນດາທ່າແຮງກ່ຽວກັບແຮງງານໜຸ່ມ, ຄວາມມີສະຖຽນລະພາບທາງດ້ານການເມືອງ, ສັງຄົມ, ເສດຖະກິດມະຫາພາກເປັນປົກກະຕິ… ມຸ່ງໄປເຖິງການສ້າງເງື່ອນໄຂໃຫ້ແກ່ນັກລົງທຶນ, ວິສາຫະກິດພັດທະນາຢ່າງຍາວນານ. ທ່ານຮອງນາຍົກລັດຖະມົນຕີ ເຈືອງຮ່ວາບິ່ງ, ກ່າວວ່າ.
“ລັດຖະບານໄດ້ ແລະ ພວມຖືເປັນສຳຄັນການພັດທະນາຕະຫຼາດທຶນ, ຕະຫຼາດຫຼັກຊັບຢ່າງມີປະສິດທິຜົນ, ເພື່ອສວມບົດບາດຢ່າງແທ້ຈິງໃນການລະດົມ, ຈັດແບ່ງທຶນໄລຍະກາງ ແລະ ໄລຍະຍາວໃຫ້ພື້ນຖານເສດຖະກິດ. ໃນໄລຍະຜ່ານມາ, ລັດຖະບານໄດ້ມີຄວາມເພິງພໍໃຈກັບລະດັບເຕີບໂຕ ແລະ ບົດບາດຂອງຕະຫຼາດຫຼັກຊັບໃນການໜູນຊ່ວຍໃຫ້ລະບົບສິນເຊື່ອ, ສ້າງກຳລັງໜູນໃຫ້ແກ່ການພັດທະນາ ແລະ ເຊື່ອມຕໍ່ແຫຼ່ງເງິນລົງທຶນທາງອ້ອມເຂົ້າຫວຽດນາມ. ໃນການພັດທະນາລວມຂອງຫວຽດນາມ, ມີການຮ່ວມແຮງຮ່ວມໃຈປະກອບສ່ວນສຳຄັນຂອງວິສາຫະກິດ, ນັກລົງທຶນຕ່າງປະເທດ”.
