ຊູດານໃຕ້: ບັນດາມືປືນບຸກໂຈມຕີ, ສາມັນຊົນນັບສິບຄົນເສຍຊີວິດ

ກ່າວຄຳເຫັນຕໍ່ວົງການສື່ມວນຊົນ, ຫົວໜ້າອົງການສື່ສານລັດ Jonglei Akech Dengdit ໃຫ້ຮູ້ວ່າ: ເຫດການເກີດຂຶ້ນຢູ່ປ້ອມກວດກາຄວາມສະຫງົບໃນເຂດຫ່າງໄກຊອກຫຼີກ Gemeza, ຫ່າງຈາກນະຄອນຫຼວງ Juba 75 ກມ. ທ່ານ Dengdit ໄດ້ຊີ້ແຈ້ງວ່າ ກຸ່ມມືປືນໄດ້ສະກັດກັ້ນລົດໂອໂຕ 2 ຄັນພວມເດີນທາງຈາກ Juba ເຖິງນະຄອນ Bor ຢູ່ພາກຕາເວັນອອກ, ຫຼັງຈາກນັ້ນໄດ້ຍິງປືນໃສ້ບັນດາຜູ້ປະສົບເຄາະຮ້າຍ, ໃນນັ້ນມີແມ່ຍິງ ແລະ ເດັກນ້ອຍຫຼາຍຄົນ. ປະຈຸບັນ, ຍັງບໍ່ທັນໄດ້ຮູ້ສາຍເຫດຂອງບັນດາມືປືນດັ່ງກ່າວ. ວົງການເຈົ້າໜ້າທີ່ພວມດຳເນີນການສືບສວນເຫດການນີ້.