 ພາບປະກອບ: TTXVN |
ຕາມບົດຂຽນແລ້ວ, ຫວຽດນາມ ໄດ້ຮັບມືກັບໂລກລະບາດໂຄວິດ - 19 ຢ່າງມີປະສິດທິຜົນດີພໍສົມຄວນ ຍ້ອນມີບັນດາຄວາມມານະພະຍາຍາມຢ່າງບໍ່ຢຸດຢັ້ງ ໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ຜ່ານບັນດາການກະທຳທີ່ຮີບດ່ວນ ແລະ ຂ້ຽວຂາດຂອງລັດຖະບານ, ໃນຂະນະນັ້ນ ປະຊາຊົນ ກໍ່ປະຕິບັດ ແລະ ຮັກສາບັນດາມາດຕະການປ້ອງກັນ, ສະກັດກັ້ນໂລກລະບາດໂຄວິດ - 19, ໃນນັ້ນມີການແຍກຫ່າງສັງຄົມ. ບົດຂຽນໄດ້ຕີລາຄາວ່າ ໂລກລະບາດໂຄວິດ - 19 ຍັງສະແດງໃຫ້ເຫັນກຳລັງທົນທານຢ່າງໝັ້ນແກ່ນຂອງ ພື້ນຖານເສດຖະກິດ ຫວຽດນາມ. ປີ 2020, ໃນຂະນະທີ່ສ່ວນຫຼາຍປະເທດມີການເຕີບໂຕເປັນລົບ ຍ້ອນຜົນກະທົບຈາກໂລກລະບາດໂຄວິດ - 19 ຫວຽດນາມ ຍັງແມ່ນໜຶ່ງໃນຈຳນວນໜ້ອຍ ຂອງພື້ນຖານເສດຖະກິດທີ່ ມີການເຕີບໂຕບັນລຸລະດັບສູງ, ດ້ວຍຍອດຜະລິດຕະພັນພາຍໃນປະເທດ ເພີ່ມຂຶ້ນ 2,91%. ຄາດວ່າ, ການເຕີບໂຕຂອງພື້ນຖານເສດຖະກິດ ຫວຽດນາມ ອາດຈະບັນລຸລະດັບ 6,5% ໃນປີ 2021.
