ວັນທີ 23 ກັນຍາ ຢູ່ ນິວຢອກ, ອາເມລິກາ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ໄດ້ເປັນປະທານພິທີສະເຫຼີມສະຫຼອງວັນຊາດ ຫວຽດນາມ ຄົບຮອບ 77 ປີ ແລະ 45 ປີ ແຫ່ງວັນຫວຽດນາມ ເຂົ້າເປັນສະມາຊິກ ສປຊ (20 ກັນຍາ 1977 – 20 ກັນຍາ 2022). ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຟ້າມບິ່ງມິງ ໄດ້ເນັ້ນໜັກຄືນໃໝ່ກ່ຽວກັບບົດບາດທີ່ຈຳເປັນຂອງຄວາມສາມັກຄີສາກົນ ແລະ ລັດທິຫຼາຍຝ່າຍ ສຳລັບ ສປຊ ເຊິ່ງມີທີ່ຕັ້ງເປັນໃຈກາງ; ຢັ້ງຢືນຄວາມສະໜັບສະໜູນ ແລະ ຄຳໝັ້ນສັນຍາຢ່າງແຮງຂອງ ຫວຽດນາມ ສຳລັບບົດບາດຂອງ ສປຊ ໃນການຊີ້ນຳ, ນຳພາ, ປະສານບັນດາຄວາມມານະພະຍາຍາມຫຼາຍຝ່າຍ ເພື່ອແນໃສ່ຮັບມືກັບສິ່ງທ້າທາຍທົ່ວໂລກ. ທ່ານຮອງນາຍົກລັດຖະມົນຕີ ສະແດງຄວາມຫວັງວ່າ ປະຊາຄົມສາກົນ ຈະສະໜັບສະໜູນ ຫວຽດນາມ ເຂົ້າໃນສະພາສິິດທິມະນຸດ ອາຍຸການ 2023 – 2025 ເພື່ອໃຫ້ ຫວຽດນາມ ສາມາດປະກອບສ່ວນຫຼາຍກວ່າເຂົ້າໃນວຽກງານລວມຂອງ ສປຊ ໃນພາລະກຳທີ່ສຳຄັນ ເພື່ອຮັບປະກັນ ແລະ ຊຸກຍູ້ສິດທິມະນຸດ.
 ທ່ານຮອງນາຍົກລັດຖະມົນຕີຜູ້ປະຈຳການ ຟ້າມບິ່ງມິງ ພົບປະກັບທ່ານເລຂາທິການໃຫຍ່ ສປຊ Antonio Guterres |
ໃນວັນດຽວກັນ, ທ່ານຮອງນາຍົກລັດຖະມົນຕີ ຜູ້ປະຈຳການ ຟ້າມບິ່ງມິງ ກໍ່ໄດ້ເຂົ້າຢ້ຽມຂ່ຳນັບທ່ານນາຍົກລັດຖະມົນຕີ ໂຮນລັງ Mark Rutte; ພົບປະກັບທ່ານປະທານ ສະມັດຊາໃຫຍ່ ສປຊ ຊຸດທີ 77, ຕ້ອນຮັບລັດຖະມົນຕີການຕ່າງປະເທດ Sierra Leon; ລັດຖະມົນຕີການຕ່າງປະເທດ Guinea – Bissau ແລະ ທ່ານລັດຖະມົນຕີການຕ່າງປະເທດ Malawi. ຟ້າມຮວັນ, ນັກຂ່າວ VOV ປະຈຳ ອາເມລິກາ.
