(ພາບ: VOV)
ຕອນບ່າຍວັນທີ 13 ຕຸລາ, ຢູ່ສຳນັກງານສູນກາງພັກ, ທ່ານ ເຈິ່ນເກິ້ມຕູ ກຳມະການກົມການເມືອງ, ຜູ້ປະຈຳການຄະນະເລຂາທິການ, ໃຫ້ການຕ້ອນຮັບຄະນະພະນັກງານຂັ້ນສູງພັກປະຊາຊົນປະຕິວັດ ລາວໂດຍທ່ານ ແກ້ວວິສຸກ ສົນລະພົມ ຮອງລັດຖະມົນຕີກະຊວງເຕັກໂນໂລຢີ ແລະ ການສື່ສານ ລາວ ເປັນຫົວໜ້າຄະນະ, ມາຄົ້ນຄ້ວາ ແລະ ແລກປ່ຽນຫົວເລື່ອງສະເພາະຢູ່ ຫວຽດນາມ. ນະທີ່ນີ້, ທ່ານເຈິ່ນເກິມຕູ້ ໄດ້ຢັ້ງຢືນວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດແຖວໜ້າໃຫ້ແກ່ພົວພັນກັບລາວ, ຍາມໃດກໍ່ ຮ່ຽງບ່າຮ່ຽງໄຫຼ່, ສະໜັບສະໜູນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດຂອງປະຊາຊົນລາວ ຢ່າງສະເໝີຕົ້ນສະເໝີປາຍ; ທ່ານສະເໜີບັນດາອົງການທີ່ກ່ຽວຂ້ອງຂອງ ຫວຽດນາມ ແລະ ລາວສືບຕໍ່ປະສານສົມທົບກັນຢ່າງແໜ້ນແຟ້ນ; ຍົກສູງຄຸນນະພາບ ແລະ ປະສິດທິຜົນບັນດາລາຍການຄົ້ນຄ້ວາ, ແລກປ່ຽນຫົວເລື່ອງສະເພາະ; ປະສານສົມທົບກັນແລກປ່ຽນທິດສະດີ ກັບການສຳຫຼວດຕົວຈິງ; ຄັດເລືອກບັນດາບົດຮຽນປະສົບການແທ້ຈິງ; ເໝາະສົມກັບເງື່ອນໄຂຂອງແຕ່ລະປະເທດເພື່ອໝູນໃຊ້ເຂົ້າການປະຕິບັດງານ; ທ່ານປາດຖະໜາຢາກໃຫ້ ບັນດາສະມາຊິກໃນຄະນະຕັ້ງໜ້າແລກປ່ຽນ, ແບ່ງປັນບົດຮຽນປະສົບການ, ຜ່ານນັ້ນປະກອບສ່ວນຊຸກຍູ້ການຮ່ວມມືລະຫວ່າງບັນດາອົງການຂອງສອງພັກ, ສອງລັດ.
ສ່ວນທ່ານ ແກ້ວວິສຸກ ສົນລະພົມ ປາດຖະໜາຢາກສືບຕໍ່ໄດ້ຮັບການແບ່ງປັນບົດຮຽນປະສົບການ ແລະ ການປະສົມປະສານຂອງບັນດາອົງການຫວຽດນາມ, ພ້ອມທັງຢັ້ງຢືນວ່າ ຄະນະຈະຄົ້ນຄ້ວາ, ໝູນໃຊ້ບັນດາຄວາມຮູ້ທີ່ຖອດຖອນມາໄດ້ເຂົ້າການປະຕິບັດວຽກງານຕົວຈິງຢູ່ລາວ, ປະກອບສວ່ນເພີ່ມພູນຄູນສ້າງສາຍພົວພັນແບບພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ.
