ມະຫາວິທະຍາໄລສັບພະວິຊາ ຮ່າໂນ້ຍ ຕ້ອງເລືອກຖືກທິດບຸລິມະສິດ, ກຳນົດແຈ້ງວ່າ ກຳລັງຄວາມສາມາດທີ່ຕ້ອງສ້າງ, ຜະລິດຕະພັນທີ່ຕ້ອງສ້າງ ແລະ ຄູ່ຮ່ວມມືທີ່ຈະພ້ອມກັນປະຕິບັດກັບຄູ່ຮ່ວມມື. ຍົກສູງຄວາມສາມາດໃນການອອກແບບ, ປະດິດແຕ່ງ, ຊ່ວຍວິສາຫະກິດ ປັບປຸງການຜະລິດ ແລະ ເຂົ້າຮ່ວມລະບົບສະໜອງຢ່າງເລິກເຊິ່ງ. ນັ້ນແມ່ນຄຳຮຽກຮ້ອງຂອງທ່ານເລຂາທິການໃຫຍ່, ປະທານປະເທດ ໂຕເລິມ ຢູ່ພິທີໂຮມຊຸມນຸມມິດຕິງ ສະເຫຼີມສະຫຼອງ 70 ປີແຫ່ງວັນສ້າງຕັ້ງ ມະຫາວິທະຍາໄລສັບພະວິຊາ ຮ່າໂນ້ຍ (15/10/1956 - 15/10/2026) ແລະ ພິທີປະດັບຫຼຽນໄຊແຮງງານຊັ້ນໜຶ່ງ.
ພິທີປະດັບຫຼຽນໄຊແຮງງານຊັ້ນໜຶ່ງໃຫ້ແກ່ ມະຫາວິທະຍາໄລສັບພະວິຊາ ຮ່າໂນ້ຍ ແລະ ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ ເລຂາທິການໃຫຍ່, ປະທານປະເທດ ໂຕເລິມ ຮູ້ສຶກພາກພູມໃຈຕໍ່ບັນດາພື້ນຖານໂດຍ ມະຫາວິທະຍາໄລສັບພະວິຊາ ຮ່າໂນ້ຍ ສ້າງຂຶ້ນ, ໂດຍມີຄູອາຈານທີ່ກ່ຽວຂ້ອງຂະແໜງກວ່າ 1000 ຄົນ, 76,2% ຈຳນວນຄູອາຈານມີລະດັບປະລິນຍາເອກ ແລະ ມີທ່າແຮງລະຫວ່າງຂະແໜງທີ່ກວ້າງໃຫຍ່ ດ້ວຍຄວາມສຸດຈິດສຸດໃຈຂອງຖັນແຖວຄູອາຈານ, ນັກວິທະຍາສາດ ແມ່ນທ່າແຮງບົ່ມຊ້ອນເພື່ອພ້ອມກັນແກ້ໄຂບັນດາບັນຫາໃຫຍ່ຂອງປະເທດຊາດ. ບົນຈິດໃຈນັ້ນ, ທ່ານເລຂາທິການໃຫຍ່, ປະທານປະເທດ ສະເໜີ ສ້າງ ມະຫາວິທະຍາໄລສັບພະວິຊາ ຮ່າໂນ້ຍ ກາຍເປັນມະຫາວິທະຍາໄລຄົ້ນຄວ້າດີເດັ່ນ, ມີກຳລັງຢ່າງພຽງພໍເພື່ອຮັບເອົາບັນດາໜ້າທີ່ໃຫຍ່ຂອງປະເທດຊາດ. ເປົ້າໝາຍນອນໃນກຸ່ມ 100 – 150 ມະຫາວິທະຍາໄລແຖວໜ້າອາຊີ ໃນປີ 2035 ຕ້ອງໄດ້ຮັບການເສີມສ້າງດ້ວຍຄຸນນະພາບບຳລຸງກໍ່ສ້າງ, ຄົ້ນຄ້ວາ, ອິດທິພົນຊື່ສຽງດ້ານວິຊາການ ແລະ ປະກອບສ່ວນໃຫ້ປະເທດຊາດ.
