 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ການເຮັດວຽກ |
ກ່າວຄຳເຫັນສະຫຼຸບການເຮັດວຽກ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກວ່າ ແຂວງ ກວ໋າງນາມ ຕ້ອງເສີມຂະຫຍາຍຄວາມສາມາດບົ່ມຊ້ອນ, ກາລະໂອກາດ, ໝາກຜົນທີ່ບັນລຸໃຫ້ສຸດຂີດເພື່ອພັດທະນາຢ່າງວ່ອງໄວ, ຍືນຍົງ ແລະ ພັດທະນາຂຽວ. ແຂວງ ກວ໋າງນາມ ຕ້ອງສ້າງລາຍການ, ແຜນການ ແລະ ຈັດຕັ້ງປະຕິບັດໃຫ້ແທດເໝາະກັບສະພາບການຕົວຈິງຂອງທ້ອງຖິ່ນ. ໃນນັ້ນ ສຸມໃສ່ໂຄງການຟື້ນຟູຢ່າງວ່ອງໄວ ແລະ ພັດທະນາແບບຍືນຍົງ. ໃນປີ 2022, ຕ້ອງສຸມໃສ່ວຽກງານວາງແຜນຜັງ. ນີ້ແມ່ນໜ້າທີ່ຈຸດສຸມ, ປີນີ້ຕ້ອງເຮັດໃຫ້ສຳເລັດ, ໂດຍສະເພາະແມ່ນການວາງແຜນຜັງແຂວງ ຕ້ອງປະຕິບັດສຳເລັດໃນໄຕມາດທີ III ປີ 2022, ຖັດຈາກນັ້ນແມ່ນການວາງແຜນຜັງຂັ້ນເມືອງ ແລະ ຕາແສງ. ພ້ອມດຽວກັນນັ້ນ, ທາງແຂວງຕ້ອງສຸມໃສ່ການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງພໍ່ແມ່ປະຊາຊົນເຂດຫ່າງໄກສອກຫຼີກ, ເຂດພູດອຍ ແລະ ເຂດຊົນເຜົ່າສ່ວນໜ້ອຍ; ຜັນຂະຫຍາຍບັນດາມາດຕະການຮັບມືກັບໄພທຳມະຊາດ ແລະ ການປ່ຽນແປງຂອງດິນຟ້າອາກາດຢ່າງມີປະສິດທິຜົນ.
