ຕອນເຊົ້າວັນທີ 25 ສິງຫາ, ຢູ່ຫ້ອງການສູນກາງພັກ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ໄດ້ເປັນປະທານການເຮັດວຽກກັບບັນດາອົງການທີ່ກ່ຽວຂ້ອງເພື່ອຕີລາຄາໝາກຜົນ 1 ປີແຫ່ງການຜັນຂະຫຍາຍການປະຕິບັດມະຕິເລກທີ 71 ຂອງກົມການເມືອງ ກ່ຽວກັບການບຸກທະລຸພັດທະນາການສຶກສາ ແລະ ບຳລຸງສ້າງ. ກ່າວຄຳເຫັນຊີ້ນຳກອງປະຊຸມ, ທ່ານເລຂາທິການໃຫຍ່, ປະທານປະເທດ ເນັ້ນໜັ້ກວ່າໃນໄລຍະຈະມາເຖິງ, ຂະແໜງການສຶກສາຕ້ອງຫັນປ່ຽນຢ່າງແຮງໄປສູ່ການຈັດຕັ້ງປະຕິບັດ ແລະ ສ້າງໝາກຜົນຢ່າງແທ້ຈິງ, ນຳມະຕິເຂົ້າການດຳລົງຊີວິດ ແລະ ສ້າງໝາກຜົນຢ່າງລະອຽດ. ພ້ອມທັງ, ສຸມໃສ່ຮັບປະກັນບັນດາເງື່ອນໄຂຈຳເປັນໃຫ້ແກ່ການສຶກສາ, ກ່ອນອື່ນໆໝົດຕ້ອງປະຕິບັດໃຫ້ໄດ້ເປົ້າໝາຍ “ມີໂຮງຮຽນ, ມີຫ້ອງຮຽນ, ມີຄູອາຈານຢ່າງພຽງພໍ”
ທ່ານເລຂາທິການໃຫຍ່, ປະທານປະເທດ ຮຽກຮ້ອງຕ້ອງສ້າງການປ່ຽນແປງໃໝ່ຂະແໜງການສຶກສາຢ່າງແທ້ຈິງຈາກພາຍໃນ, ນັບແຕ່ການຄຸ້ມຄອງບໍລິຫານໂຮງຮຽນ, ຖັນແຖນຄູອາຈານຕະຫຼອດຮອດເນື້ອໃນ, ວິທີການສິດສອນ ແລະ ການຮຽນ, ການສອບເສັງ, ການກວດກາ, ຕີລາຄາ. ທ່ານໃຫ້ຮູ້ວ່າ:
ນີ້ແມ່ນຄວາມຮຽກຮ້ອງຕ້ອງການສຳຄັນພິເສດພາຍຫຼັງກອງປະຊຸມໃຫຍ່ຄັ້ງທີ XIV. ພວກເຮົາຕ້ອງແກ້ໄຂສອງບັນຫາພ້ອມກັນ, ນັ້ນແມ່ນ: ຍົກລະດັບທັກສະຂອງກຳລັງແຮງງານໂດຍໄວເມື່ອອັດຕາແຮງງານມີໃບປະກາດ, ໃບຢັ້ງຢືນຍັງຕ່ຳ, ແລະ ບຳລຸງສ້າງຖັນແຖວບຸກຄະລາກອນຍອດຢ້ຽມ, ຊັບພະຍາກອນມະນຸດນຳໃຊ້ເຕັກໂນໂລຢີຍຸດທະສາດໃຫ້ແກ່ບັນດາຂົງເຂດຕັດສິນກຳລັງແກ້ງແຍ້ງໃນອະນາຄົດຂອງປະເທດຊາດ.
ທ່ານເລຂາທິການໃຫຍ່, ປະທານປະເທດ ເນັ້ນໜັກວ່າ ວັນທີ 5 ກັນຍາ, ທົ່ວປະເທດກ້າວເຂົ້າສູ່ສົກຮຽນ 2026 – 2027, ນີ້ແມ່ນຂີດໝາຍແຫ່ງການປ່ຽນແປງສະພາບການໃນການປະຕິບັດມະຕິເລກທີ 71: ຈາກການສ້າງພື້ນຖານໃຫ້ນະວັດຕະກຳ, ໄປສູ່ການປ່ຽນແປງໃໝ່ຢ່າງແທ້ຈິງ.
