 ທ່ານປະທານາທິບໍດີ ອາເມລິກາ Joe Biden (ພາບ: Reuters) |
ເນື້ອໃນຫຼັກໆຂອງລັດຖະດຳລັດສະບັບນີ້ ແມ່ນສຸມໃສ່ການເປີດກວ້າງຂອບເຂດການກວດກາຊີວະປະຫວັດຜູ້ຊື້ປືນ ເພື່ອແນໃສ່ສະກັດກັ້ນອາດຊະຍາກອນ ຫຼືບັນດາເປົ້າໝາຍທີ່ມີການກະທຳທາລຸນນຳໃຊ້ປືນ, ລັດຖະດຳລັດດັ່ງກ່າວກໍຮຽກຮ້ອງໃຫ້ຮ້ານຈຳໜ່າຍປືນທີ່ໄດ້ຮັບອະນຸຍາດແລ້ວ ກໍຕ້ອງປະຕິບັດຂັ້ນຕອນການກວດກາຊີວະປະຫວັດກໍຄືຂໍ້ສະແນະສຳລັບບຸກຄົນທີ່ນອນໃນເປົ້າໝາຍຕ້ອງກວດກາຊີວະປະຫວັດ ຢ່າງຄົບຖ້ວນ. ນອກຈາກນັ້ນແລ້ວ, ລັດຖະດຳລັດສະບັບນີ້ກໍເລັ່ງໃສ່ກຸ່ມບໍລິສັດຜະລິດປືນຢູ່ ອາເມລິກາ ເມື່ອຮຽກຮ້ອງຄະນະກຳມະການການຄ້າສະຫະລັດ ຕີລາຄາການເຄື່ອນໄຫວໂຄສະນາປືນໃຫ້ປະຊາຊົນ ອາເມລິກາ, ນັບທັງເປົ້າໝາຍທີ່ເປັນເດັກທີ່ຍັງບໍ່ທັນເຖິງກະສຽນອາຍຸອີກດ້ວຍ.
