 (ທ່ານເລຂາທິການໃຫຍ່ ຫງວຽນຟຸຈ້ອງ ກ່າວຄຳເຫັນທີ່ພິທີ) |
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ຍ້ອງຍໍຊົມເຊີຍບັນດາຜົນງານທີ່ບັນລຸໄດ້ ແລະ ຄວາມມານະພະຍາຍາມຂອງທົ່ວຂະແໜງກໍ່ສ້າງໃນໄລຍະ 60 ປີຜ່ານມາ ແລະ ເນັ້ນໜັກວ່າ, ຂະແໜງກໍ່ສ້າງຄວນພັດທະນາກຳລັງຄວາມສາມາດຂອງຂະແໜງກໍ່ສ້າງໃຫ້ບັນລຸລະດັບກ້າວໜ້າ, ສຳຜັດ ແລະ ເປັນເຈົ້າດ້ານວິທະຍາສາດ, ເຕັກໂນໂລຊີ - ເຕັກນິກ, ຕອບສະໜອງຄວາມຮຽກຮ້ອງຕ້ອງການກໍ່ສ້າງຢູ່ພາຍໃນປະເທດ; ມີຄວາມສາມາດແກ່ງແຍ້ງໃນຕະຫຼາດກໍ່ສ້າງພາກພື້ນ ແລະ ສາກົນ… ທ່ານເລຂາທິການໃຫຍ່ ຫງວຽນຟຸຈ້ອງ ກ່າວວ່າ.
“ສືບຕໍ່ສ້າງລະບົບກົດໝາຍ, ກົນໄກ, ນະໂຍບາຍໃຫ້ສົມບູນແບບ ເພື່ອໃຫ້ຕະຫຼາດອະສັງຫາລິມະຊັບເຄື່ອນໄຫວສະດວກ, ມີສະຖຽນລະພາບ, ກະຈ່າງແຈ້ງ, ປະກອບສ່ວນຮັບປະກັນເສດຖະກິດມະຫາພາກໃຫ້ເປັນປົກກະຕິ ແລະ ຊຸກຍູ້ການເຕີບໂຕ. ຕ້ອງຖືວຽກງານພັດທະນາເຮືອນຢູ່ໃຫ້ແກ່ປະຊາຊົນແມ່ນໜຶງໃນບັນດາເສົາຄ້ຳຂອງນະໂຍບາຍຮັບປະກັນຊີວິດສັງຄົມ; ເພີ່ມເຕີມກົນໄກ, ນະໂຍບາຍສົ່ງເສີມທຸກພາກສ່ວນເສດຖະກິດເຂົ້າຮ່ວມ, ສ້າງບາດກ້າວຫັນປ່ຽນຢ່າງແຮງໃນການກໍ່ສ້າງເຮືອນຢູ່ໃຫ້ແກ່ຄົນທຸກຍາກຢູ່ເຂດຕົວເມືອງ ແລະ ຊົນນະບົດ, ເຮືອນຢູ່ໃຫ້ແກ່ກຳມະກອນຢູ່ເຂດອຸດສາຫະກຳ”.
ທີ່ພິທີ, ໂດຍຕາງໜ້າໃຫ້ການນຳພັກ, ລັດ, ທ່ານຮອງນາຍົກລັດຖະມົນຕີ ຈິ້ງດິ່ງຢຸງ ໄດ້ມອບຫຼຽນໄຊແຮງງານຊັ້ນໜຶ່ງ, ເຊິ່ງເປັນຂອງຂວັນອັນສູງສົ່ງຂອງພັກ, ລັດ ໃຫ້ແກ່ຂະແໜງກໍ່ສ້າງ, ຮັບຮູ້ບັນດາການປະກອບສ່ວນອັນໃຫຍ່ຫຼວງຂອງຂະແໜງໃນພາລະກິດສ້າງສາ ແລະ ພັດທະນາປະເທດຊາດ.
