ທ່ານນາງຮອງປະທານປະເທດດ​ັ້ງທິຫງອກທິງຢ້ຽຢາມແລະມອບຂອງຂວັນໃຫ້ຄອບຄົວນະໂຍບາຍຢູ່ກວາງນາມ

ຢູ່ໂຮງຮຽນມັດທະຍົມຕອນຕົ້ນຟູ່ດົ່ງ, ຕາແສງຢູຍຈິງ, ເມືອງຢູຍຊວຽນ, ທ່ານນາງຮອງປະທານປະເທດ ຫວຽດນາມ ດັງທິຫງອກທິງ ໄດ້ມອບ 60 ທຶນການສຶກສາ ໃຫ້ນັກຮຽນທຸກຍາກແຕ່ຮຽນເກັ່ງ ໃນຢູຍຊວຽນ (ແຕ່ລະທຶນມີມູນຄ່າ 1 ລ້ານດົ່ງ). ໃນໂອກາດນີ້, ທ່ານນາງຮອງປະທານປະເທດ ຫວຽດນາມ ດັ້ງທິຫງອກທິງ ກໍ່ໄດ້ມອບຂອງຂວັນ 50 ພູດ ໃຫ້ບັນດາຄອບຄົວນະໂຍບາຍ, ຄອບຄົວຜູ້ປະສົບເຄາະຮ້າຍຈາກສານຜິດສີສົ້ມ (ແຕ່ລະພູດມີມູນຄ່າ 2 ລ້ານດົ່ງ); ພ້ອມທັງມອບເຮືອນແຫ່ງການກຸສົນ 10 ຫຼັງ, ແຕ່ລະຫ້ອງມີມູນຄ່າ 50 ລ້ານດົ່ງ ໃຫ້ຄອບຄົວນະໂຍບາຍໃນເມືອງ. ກ່າວປາໄສຕໍ່ພໍ່ແມ່ປະຊາຊົນ ແລະ ການນຳແຂວງກວາງນາມ, ເມືອງຢູຍຊວຽນ, ທ່ານນາງຮອງປະທານປະເທດ ຫວຽດນາມ ດັ້ງທິຫງອກທິງ ເນັ້ນໜັກວ່າ: ແຂວງກວາງນາມ ຄວນຮ່ວມແຮງຮ່ວມໃຈເບິ່ງແຍງບັນດາເປົ້າໝາຍນະໂຍບາຍ, ຜູ້ມີຄຸນງາມຄວາມດີ. ຄຽງຂ້າງນັ້ນ, ແຂວງຄວນເບິ່ງແຍງດ້ານສຸຂະພາບຮ່າງກາຍ ແລະ ພູມປັນຍາໃຫ້ນັກຮຽນ, ຊ່ວຍບັນດານ້ອງນັກຮຽນໃຫ້ພັດທະນາ, ເຕີບໃຫຍ່ເພື່ອປະກອບສ່ວນສ້າງສາປະເທດຊາດໃນພາຍພາກໜ້າ.