 (ທ່ານນາງປະທານສະພາແຫ່ງຊາດຫງວຽນທິກິມເງິນ ພົບປະການນຳ, ນັກຂ່າວບັນດາອົງການສຳນັກຂ່າວສານ,ສື່ມວນຊົນ) |
ກ່າວຄຳເຫັນທີ່ການພົບປະ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຕີລາຄາສູງ ບັນດາການປ່ຽນແປງໃໝ່ຂອງບາງອົງການສຳນັກຂ່າວສານ, ສື່ມວນຊົນໃນທົ່ວປະເທດ ໃນວຽກງານຖະແຫຼງຂ່າວກ່ຽວກັບການເຄື່ອນໄຫວຂອງສະພາແຫ່ງຊາດ. ທ່ານນາງປະທານສະພາແຫ່ງຊາດ ຫງວຽນທິກິມເງິນ, ຖືວ່າ.
“ເມື່ອໃຫ້ຂ່າວກ່ຽວກັບການເຄື່ອນໄຫວນິຕິບັນຍັດຂອງສະພາແຫ່ງຊາດ, ບັນດານັກຂ່າວ ແມ່ນຜູ້ທີ່ມີຄວາມເຂົ້າໃຈຢ່າງເລິກເຊິ່ງກ່ຽວກັບເນື້ອໃນຂອງບັນດານະໂຍບາຍໃນບັນດາຮ່າງກົດໝາຍທີ່ພວມຄົ້ນຄວ້າ, ສ້າງ. ຖ້າຫາກວ່າ, ສື່ມວນຊົນລາຍງານຂ່າວຕາມບັນດາເຫດການຕາມບັນດາບັນຫາການເມືອງຂອງສະພາແຫ່ງຊາດ ຫາກບໍ່ມີການສຳຫຼວດ, ໄຈ້ແຍກຢ່າງເລິກເຊິ່ງ ຍາກທີ່ຈະສາມາດສ່ອງແສງຢ່າງຖືກຕ້ອງ, ຊັດເຈນເນື້ອໃນຂອງບັນດາຮ່າງກົດໝາຍໄດ້. ສື່ມວນຊົນຕ້ອງແມ່ນຊ່ອງສະໜອງບັນດາຂໍ້ມູນຂ່າວຢ່າງຄົບຖ້ວນແກ່ມະຫາຊົນ ກ່ຽວກັບເນື້ອໃນຂອງບັນດານະໂຍບາຍກົດໝາຍໃກ້ຈະປະກາດ ແລະ ໄດ້ປະກາດໃຊ້ແລ້ວ”.
ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ, ປີ 2019 ສືບຕໍ່ແມ່ນປີວາງອອກບັນດາໜ້າທີ່າຄັນໃນການເຄື່ອນໄຫວນິຕິບັນຍັດ. ທ່ານນາງປະທານສະພາແຫ່ງຊາດປາດຖະໜາວ່າ ບັນດາອົງການສຳນັກຂ່າວສານ, ສື່ມວນຊົນສືບຕໍ່ຮ່ວມເດີນທາງພ້ອມກັບສະພາແຫ່ງຊາດ, ເສີມຂະຫຍາຍບົດບາດໃນການສົ່ງຖະແຫຼງຂ່າວກ່ຽວກັບການເຄື່ອນໄຫວຂອງສະພາແຫ່ງຊາດ, ກ່ຽວກັບບັນດາກົດໝາຍເຊິ່ງສະພາແຫ່ງຊາດພິຈາລະນາ, ຮັບຮອງເອົາ.
