ເນື່ອງໃນໂອກາດວັນບຸນໄຫວ້ພະຈັນປີ 2026, ໃນຕອນເຊົ້າວັນທີ 25 ກັນຍາ, ທ່ານ ເລມິນຮຶງ, ນາຍົກລັດຖະມົນຕີ ຫວຽດນາມ ໄດ້ມອບຂອງຂວັນຂອງທ່ານ ໂຕເລີມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ໃຫ້ແກ່ຄົນເຈັບໄວເດັກຢູ່ໂຮງໝໍ K ສາຂາ ເຕິນຈ່ຽວ (ຮ່າໂນ້ຍ).
ເມື່ອໂອ້ລົມກັບພະນັກງານແພດໝໍ, ທ່ານນາຍົກລັດຖະມົນຕີ ເລມິນຮຶງ ໄດ້ຍ້ອງຍໍຊົມເຊີຍ, ລະດົມກຳລັງແກ່ບັນດາພະນັກງານ, ແພດໝໍຢູ່ໂຮງໝໍ K. ທ່ານນາຍົກລັດຖະມົນຕີປາດຖະໜາວ່າ ໂຮງໝໍຈະສືບຕໍ່ພະຍາຍາມ, ຍົກສູງຄຸນນະພາບດ້ານວິຊາການ ໄປພ້ອມກັບການສ້າງສະພາບແວດລ້ອມແຫ່ງການປິ່ນປົວທີ່ເປັນມິດ, ມີຄວາມອົບອຸ່ນ ຊ່ວຍໃຫ້ຄົນເຈັບໄວເດັກຟື້ນຟູສຸຂະພາບໂດຍໄວ..
ປະຈຸບັນ, ໂຮງໝໍມີຄົນເຈັບໄວເດັກ 64 ຄົນທີ່ໄດ້ຮັບການປິ່ນປົວແບບກິນນອນຢູ່ໂຮງໝໍ. ໃນໂອກາດວັນບຸນໄຫວ້ພະຈັນປີນີ້, ລາຍການ "ວັນບຸນໄຫວ້ພະຈັນໃຫ້ນ້ອງ" ໄດ້ຈັດຂຶ້ນດ້ວຍການເຄື່ອນໄຫວທີ່ເປັນປະໂຫຍດ, ມ່ວນຊື່ນຫຼາຍຢ່າງໃຫ້ແກ່ຄົນເຈັບໄວເດັກ.
