ຕອນເຊົ້າວັນທີ 04 ກໍລະກົດ, ໄດ້ອັດກອງປະຊຸມປະຈຳເດືອນ ມິຖຸນາ 2026 ຂອງລັດຖະບານ ແລະ ກອງປະຊຸມທາງໄກລະຫວ່າງລັດຖະບານກັບທ້ອງຖິ່ນ, ທ່ານ ເລມິນຮຶງ, ນາຍົກລັດຖະມົນຕີ ຫວຽດນາມ ຢືນຢັນວ່າ ລັດຖະບານ, ບັນດາກະຊວງ, ຂະແໜງການ, ທ້ອງຖິ່ນຕ້ອງຮັບເອົາຄຳເຫັນຊີ້ນຳຂອງທ່ານເລຂາທິການໃຫຍ່, ປະທານປະເທດ ໂຕເລິມ ຢ່າງເຂັ້ມງວດ; ພ້ອມກັນນັ້ນ ກໍ່ຊາບຊຶມວຽກງານຊີ້ນຳ, ບໍລິຫານຢ່າງເຂັ້ມງວດ ເພື່ອບັນລຸໝາກຜົນທີ່ດີກວ່າ, ສູງກວ່າອີກໃນໄລຍະ 6 ເດືອນທ້າຍປີ ແລະ ໃນໄລຍະຈະມາເຖິງ.
ເມື່ອເນັ້ນໜັກເຖິງຄວາມຢຶດໝັ້ນ ແລະ ຄວາມຕັດສິນໃຈໃນການປະຕິບັດເປົ້າໝາຍການເຕີບໂຕປີ 2026 ແລະ ໄລຍະ 2026 – 2030 ບັນລຸ 2 ຕົວເລກ, ພ້ອມກັບຄວາມຮຽກຮ້ອງຮັກສາເສດຖະກິດມະຫາພາກໃຫ້ເປັນປົກກະຕິ, ຄວບຄຸມໄພເງິນເຟີ້ ແລະ ຮັບປະກັນບັນດາຄວາມດຸ່ນດ່ຽງໃຫຍ່ຂອງພື້ນຖານເສດຖະກິດ, ທ່ານນາຍົກລັດຖະມົນຕີ ເລມິນຮຶງ ໃຫ້ຮູ້ວ່າ ລັດຖະບານໄດ້ອັບເດດແຜນການເຕີບໂຕ ແລະ ວຽກງານຊີ້ນຳ, ບໍລິຫານ. ຂະແໜງການ, ທ້ອງຖິ່ນໃດທີ່ບັນລຸໄດ້ ແລະ ລື່ນຄາດໝາຍເຕີບໂຕໃນ 6 ເດືອນຕົ້ນປີ ຕ້ອງສືບຕໍ່ສູ້ຊົນເພື່ອບັນລຸຢູ່ລະດັບສູງກວ່າ. ບັນດາຂະແໜງ, ທ້ອງຖິ່ນໃດທີ່ຍັງບໍ່ທັນບັນລຸໄດ້ ກໍ່ຕ້ອງມີຄວາມຕັດສິນໃຈປະຕິບັດໃຫ້ສຳເລັດ.
