(ພາບ: kinhdoanh.vnexpress.net) |
ກ່າວຄໍາເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເນັ້ນໜັກເຖິງເລື່ອງຍົກສູງປະສິດທິຜົນຂອງການເຄື່ອນໄຫວຂອງລັດວິສາຫະກິດ, ຕາມນັ້ນແລ້ວ ຍົກສູງກໍາລັງຄວາມສາມາດໃນການແກ້ງແຍ້ງຂອງພື້ນຖານເສດຖະກິດ ແມ່ນຄວາມຮຽກຮ້ອງຕ້ອງການພື້ນຖານຂອງພັກ, ລັດ ເຊິ່ງໄດ້ວາງອອກແຕ່ດົນນານມາແລ້ວ. ນີ້ແມ່ນພາກສ່ວນສໍາຄັນຂອງເສດຖະກິດແຫ່ງລັດ ໃນພື້ນຖານເສດຖະກິດຕະຫຼາດຕາມກໍານົດທິດສັງຄົມນິຍົມຂອງຫວຽດນາມ. ນີ້ກໍແມ່ນຄວາມເອົາໃຈໃສ່ພິເສດ ຢ່າງຕໍ່ເນື່ອງໃນຫຼາຍປີຜ່ານມາຂອງພັກ, ລັດ ແລະສັງຄົມ ສໍາລັບການຄົງຕົວຂອງພາກສ່ວນສໍາຄັນ ນັ້ນແມ່ນລັດວິສາຫະກິດໃນພື້ນຖານເສດຖະກິດ.
ທ່ານ ຫງວຽນຊວນຟຸກ ກໍຖືວ່າ ການກໍາເນີດຂອງຄະນະກໍາມະການ ແມ່ນບາດກ້າວສໍາຄັນ ເພື່ອຈໍາແນກຢ່າງຈະແຈ້ງກວ່າ ກ່ຽວກັບໜ້າທີ່ຄຸ້ມຄອງລັດ ແລະ ໜ້າທີ່ດໍາເນີນທຸລະກິດຂອງວິສາຫະກິດ, ເຊິ່ງແມ່ນໜຶ່ງໃນບັນດາບັນຫາທີ່ສົບສົນໃນໄລຍະຜ່່ານມາ.
ເມື່ອເຕື້ອງເຖິງພັນທະໜ້າທີ່ຂອງຄະນະກໍາມະການຄຸ້ມຄອງທຶນແຫ່ງລັດຢູ່ວິສາຫະກິດ ແມ່ນປະຕິບັດສິດເປັນຜູ້ຕາງໜ້າຖືກໍາມະສິດທຶນແຫ່ງລັດຢູ່ວິສາຫະກິດ, ທ່ານນາຍົກລັດຖະມົນຕີ ຊີ້ແຈ້ງວ່າ, ຫາງສຽງສັງຄົມພວມຕິດຕາມ ແລະຕັ້ງຄວາມຫວັງຢ່າງຫຼວງຫຼາຍ ຕໍ່ການເຄື່ອນໄຫວຂອງຄະນະກໍາມະການດັ່ງກ່າວ ໃນການປ່ຽນແປງໃໝ່ຈິນຕະນາການ, ການບໍລິຫານ ແລະ ຮູບແບບການຄຸ້ມຄອງ, ຈາກນັ້ນ ແກ້ໄຂບັນດາຈຸດອ່ອນ, ປັບປຸງ ແລະ ບັນລຸປະສິດທິຜົນທີ່ກະໂດດຂັ້ນຂອງລັດວິສາຫະກິດ.
ທີ່ພິທີ, ໂດຍການເປັນສັກຂີພິຍານຂອງທ່ານນາຍົກລັດຖະມົນຕີ ຫງວຽນຊວນຟຸກ,ຄະນະກໍາມະການຄຸ້ມຄອງທຶນແຫ່ງລັດຢູ່ວິສາຫະກິດ ພ້ອມດ້ວຍ 5 ກະຊວງ ຄືກະຊວງອຸດສາຫະກໍາ - ການຄ້າ, ກະຊວງການຄົມມະນາຄົມ - ຂົນສົ່ງ,ກະຊວງ ກະສິກໍາ - ພັດທະນາຊົນນະບົດ,ກະຊວງຖະແຫຼງຂ່າວ - ສື່ສານ ແລະ ກະຊວງການເງິນ ໄດ້ລົງນາມໃນບົດບັນທຶຶກຊ່ວຍຈໍາ ກ່ຽວກັບການໂອນມອບສິດຕາງໜ້າເຈົ້າຂອງຖືກໍາມະສິດທຶນແຫ່ງລັດຢູ່ວິສາຫະກິດ 19 ແຫ່ງ.
