(ພາບ: qdnd.vn)
ວັນທີ 30 ກໍລະກົດ, ຄະນະຊີ້ນຳທະຫານເຂດ 7 ກ່ຽວກັບການຊອກຫາ, ທ້ອນໂຮມ ແລະ ຢັ້ງຢືນຊື່ ແລະ ນາມສະກຸນອັດຖິນັກຮົບເສຍສະຫຼະຊີວິດເພື່ອຊາດ ໄດ້ຈັດກອງປະຊຸມສະຫຼຸບເບື້ອງຕົ້ນກ່ຽວກັບໜ້າທີ່ຊອກຫາ, ທ້ອນໂຮມ ແລະ ຢັ້ງຢືນຊື່ ແລະ ນາມສະກຸນອັດຖິນັກຮົບເສຍສະຫຼະຊີວິດເພື່ອຊາດໃນ 6 ເດືອນຕົ້ນປີ, ຜັນຂະຫຍາຍໜ້າທີ່ໃນ 6 ເດືອນທ້າຍປີ 2026.
ໃນ 6 ເດືອນຕົ້ນປີ 2026, ທົ່ວທະຫານເຂດ 7 ໄດ້ຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດໄດ້ 814 ອັດຖິ. ສະເພາະໃນໄລຍະປະຕິບັດບັ້ນເຄື່ອນໄຫວ 500 ວັນ ແລະ ຄືນ (ແຕ່ວັນທີ 15 ມີນາ - 29 ກໍລະກົດ 2026), ບັນດາກຳລັງໄດ້ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດ 584 ອັດຖິ, ລວມມີ ອັດຖິນັກຮົບເສຍສະຫຼະຊີວິດເພື່ອຊາດຢູ່ພາຍໃນປະເທດ 191 ອັດຖິ, ຢູ່ ກຳປູເຈຍ 393 ອັດຖິ.
ກ່າວຄຳເຫັນທີ່ກອງປະຊຸມ, ທ່ານພົນຕີ ເຈິ່ນງອັກວິງ, ຫົວໜ້າການເມືອງທະຫານເຂດ 7, ຮຽກຮ້ອງໃຫ້ທະຫານເຂດ 7 ນຳໃຊ້ເຕັກໂນໂລຊີທັນສະໄໝ ເພື່ອຍົກສູງປະສິດທິຜົນການເກັບ, ແກ້ໄຂຂໍ້ມູນຮັບໃຊ້ວຽກງານຊອກຫາ; ຍູ້ແຮງການກວດ, ຢັ້ງຢືນຂໍ້ມູນນັກຮົບເສຍສະຫຼະຊີວິດເພື່ອຊາດ; ຜັນຂະຫຍາຍການເກັບເອົາຕົວຢ່າງທາງຊີວະສາດ, ຫັນເປັນດີຈີຕອນ ແລະ ມອບຕົວຢ່າງອັດຖິນັກຮົບເສຍສະຫຼະຊີວິດເພື່ອຊາດທີ່ຍັງບໍ່ທັນຢັ້ງຢືນໄດ້ຊື່ເພື່ອຮັບໃຊ້ການວິໄຈ ADN.
