ທູດພິເສດ ອາເມລິກາ ເດີນທາງໄປ ມົດສະກູ ແລະ ກີແອັບ ເພື່ອເລີ່ມການເຄື່ອນໄຫວເຈລະຈາສັນຕິພາບ ລັດເຊຍ - ຢູແກຼນ ຄືນໃໝ່

ທ​ູດ​ພິ​ເສດ 2 ທ່ານ​ຂອງ ​ທ່ານ​ປະ​ທາ​ນາ​ທິ​ບໍ​ດີ Donald Trump ແມ່ນ ທ່ານ Steve Witkoff ແລະ ທ່ານ Jared Kushner, ຄາດ​ວ່າ​ຈະ​ໄປ ມົດ​ສະ​ກູ ແລະ ກີ​ແອັບ ໃນ​ທ້າຍ​ອາ​ທິດນີ້ ໃນ​ຄວາມ​ມາ​ນະ​ພະ​ຍາ​ຍາມ​ໃໝ່​ຂອງ ວ​ໍ​ຊິງ​ຕັນ ແນ​ໃສ່​ຟື້ນ​ຟູ​ວິ​ວັດ​ທະ​ນາ​ການ​ເຈ​ລະ​ຈາ​ຢຸ​ດ​ຕິ​ການ​ປະ​ທະ​ກັນ ລັ​ດ​ເຊຍ - ຢູ​ແກຼນ ທີ່​ຖືກ​ໂຈະ​ໄວ້​ໃນ​ຫຼາຍ​ເດືອນ​ຜ່ານ​ມາ. ​ຄາດ​ວ່າ ທູດ​ພິ​ເສດ 2 ທ່ານຈະ​ພົບ​ປະ​ກັບ ​ທ່ານ Vladimir Putin, ປະ​ທາ​ນາ​ທິ​ບໍ​ດີ​ ລັດ​ເຊຍ ຢູ່ ມົດ​ສະ​ກູ ໃນ​ວັນ​ທີ 05 ກັນ​ຍາ, ກ່ອນ​ທີ່ຈະເດີນທາງ​ໄປ​ນະ​ຄອນ​ຫຼວງ ກີ​ແອັ​ບ ພົບ​ປະ​ກັບ ​ທ່ານ Volodymyr Zelensky, ປະ​ທາ​ນາ​ທິ​ບໍ​ດີ ຢ​ູ​ແກຼນ ໃນ​ວັນ​ທີ 06 ກັນ​ຍາ.