ຕາມທະນາຄານ UOB ແລ້ວ, ການດັດປັບດັ່ງກ່າວໄດ້ຮັບການໜູນຊ່ວຍດ້ວຍທ່າເຕີບໂຕທີ່ຕັ້ງໜ້າຂອງຂົງເຂດຜະລິດ, ການລົງທຶນ ແລະ ກະແສເງິນລົງທຶນ FDI, ເຖິງວ່າພື້ນຖານເສດຖະກິດຍັງຄົງປະເຊີນໜ້າກັບຄວາມສ່ຽງຫຼາຍຢ່າງຈາກຄວາມເຄັ່ງຕຶງດ້ານພູມີສາດການເມືອງງແລະ ບັນດາສິ່ງຂາດສະຖຽນລະພາບຂອງການຄ້າທົ່ວໂລກ. UOB ຕີລາຄາວ່າ ເສດຖະກິດ ຫວຽດນາມ ພວມກ້າວເຂົ້າສູ່ໄລຍະ 6 ເດືອນທ້າຍປີ ດ້ວຍພື້ນຖານທີ່ຕັ້ງໜ້າກວ່າການຄາດຄະເນ.
UOB ຖືວ່າ ໝາກຜົນນີ້ລື່ນກາຍຄວາມຫວັງກ່ອນໜ້ານັ້ນຫຼາຍພໍສົມຄວນ, ໃນສະພາບການຄວາມເຄັ່ງຕຶງດ້ານພູມີສາດການເມືອງຢູ່ຕາເວັນອອກກາງແກ່ຍາວ ແລະ ລາຄາພະລັງງານຮັກສາຢູ່ໃນລະດັບສູງ. ທ່ວງທ່າເຕີບໂຕໄດ້ຮັບຮູ້ໃນວົງກວ້າງໃນບັນດາຂົງເຂດຄື ອຸດສາຫະກຳ, ການກໍ່ສ້າງ, ການບໍລິການ ແລະ ກະສິກຳ, ຊ່ວຍໃຫ້ ຫວຽດນາມ ສືບຕໍ່ຮັກສາທີ່ຕັ້ງເປັນພື້ນຖານເສດຖະກິດທີ່ມີລະດັບການເຕີບໂຕໄວກວ່າໝູ່ໃນ ອາຊຽນ.
ຕາມຕົວເລກໂດຍກົມສະຖິຕິໄດ້ປະກາດຫວ່າງມໍ່ໆມານີ້, GDP ໄຕມາດທີ II/2026 ເພີ່ມຂຶ້ນ 8,39% ເມື່ອທຽບໃສ່ໄລຍະດຽວກັນ, ສູງກວ່າລະດັບ 7,94% ຂອງໄຕມາດທີ I, ຍົກລະດັບການເຕີບໂຕ 6 ເດືອນຕົ້ນປີ 2026 ຂຶ້ນເປັນ 8,18%. ໃນຂະນະນັ້ນ, ໄພເງິນເຟີ້ ມີສັນຍານຫຼຸດລົງພາຍຫຼັງໄລຍະເພີ່ມຂຶ້ນຢ່າງແຮງ. ຕາມທະນາຄານ UOB ແລ້ວ, ເລື່ອງລັດຖະບານສືບຕໍ່ຮັກສາບັນດານະໂຍບາຍໜູນຊ່ວຍລາຄາເຊື້ອເພີງ ແລະ ຊຸກຍູ້ການນຳໃຊ້ລົດໄຟຟ້າ, ເຊື້ອເພີງຊີວະພາບ ໄດ້ປະກອບສ່ວນຫຼຸດຜ່ອນກຳລັງກົດດັນໄພເງິນເຟີ້.
