ງານວາງສະແດງສາກົນສະເພາະຂະແໜງການແພດ, ການຢາ ຫວຽດນາມ ຄັ້ງທີ 34 ປີ 2026 (Vietnam Medipharm 2026) ໄດ້ຈັດຂຶ້ນແຕ່ວັນທີ 06 – 09 ພຶດສະພາ, ຢູ່ ຮ່າໂນ້ຍ ດ້ວຍຂອບຂະໜາດຮ້າງວາງສະແດງ 400 ຮ້ານຂອງ 300 ອົງການ, ວິສາຫະກິດຢູ່ພາຍໃນ ແລະ ຕ່າງປະເທດເຂົ້າຮ່ວມ, ຄື: ແບນຊິກ, ເຢຍລະມັນ, ລັດເຊຍ, ອາເມລິກາ, ອິນເດຍ, ຍີ່ປຸ່ນ, ສ.ເກົາຫຼີ…
ຕາມທ່ານ ວູແມ້ງຮ່າ, ຮອງລັດຖະມົນຕີຜູ້ປະຈຳການກະຊວງສາທາລະນະສຸກ ຫວຽດນາມ ແລ້ວ, ງານວາງສະແດງໄດ້ເປີດກວ້າງໄປສູ່ຫຼາຍຂົງເຂດໃໝ່, ຄື: ເຕັກໂນໂລຊີການແພດອັດສະລິຍະ, ການສົ່ງເສີມສຸຂະພາບສຳລັບຜູ້ມີອາຍຸສູງ, ການບໍລິການເບິ່ງແຍງດູແລໄລຍະຍາວ… ນີ້ແມ່ນບັນດາຂົງເຂດທີ່ມີຄວາມສາມາດບົ່ມຊ້ອນພັດທະນາຢ່າງໃຫຍ່ຫຼວງ, ສອດຄ່ອງກັບທ່າອ່ຽງຫັນເປັນດີຈີຕອນ ແລະ ຄວາມຕ້ອງການສົ່ງເສີມສຸຂະພາບຮອບດ້ານຂອງປະຊາຊົນ.
ໃນຂອບເຂດງານວາງສະແດງ ກໍ່ໄດ້ຈັດການເຄື່ອນໄຫວຫຼາຍຢ່າງ, ຄື: ກອງປະຊຸມສຳມະນາ, ການໂອ້ລົມສົນທະນາ; ເຂດກວດພະຍາດໂດຍນຳໃຊ້ເຕັກໂນໂລຊີ Health Kiosk.
