ຈາກພື້ນຖານການຮ່ວມມືທີ່ໄດ້ຮັບການເພີ່ມພູນຄຸນສ້າງ, 50 ປີຕໍ່ໄປຈະເປີດອະນາຄົດແຫ່ງຄຳໝັ້ນສັນຍາ, ມຸ່ງໄປເຖິງການພົວພັນ ຫວຽດນາມ - ຟີລິບປິນ ນັບມື້ນັບເລິກເຊິ່ງ, ກວ້າງຂວາງ ແລະ ຮອບດ້ານ. ສານດັງກ່າວໄດ້ຍົກອອກມາທີ່ການໂອ້ລົມສົນທະນາ “50 ປີແຫ່ງການພົວພັນ ຫວຽດນາມ - ຟີລິບປິນ: ໃນຂອບເຂດຮ່ວມມືກວ້າງໃຫຍ່ກວ່າ” ໂດຍວິທະຍຸກະຈາຍສຽງ ຫວຽດນາມ (VOV) - ອົງການຂອງຄະນະບໍລິຫານງານສູນກາງພັກກອມມູນິດ ຫວຽດນາມ, ຈັດຂຶ້ນໃນຕອນເຊົ້າວັນທີ 21 ສິງຫາ, ຢູ່ ຮ່າໂນ້ຍ.
ທີ່ການໂອ້ລົມສົນທະນາ, ຫວນຄືນໄລຍະທາງ 50 ປີນັບແຕ່ເມື່ອ 2 ປະເທດສ້າງຕັ້ງການພົວພັນທາງການທູດ (12 ກໍລະກົດ 1976 – 12 ກໍລະກົດ 2026), ທ່ານ Francisco Fernandez, ເອກອັກຄະລັດຖະທູດ ຟີລິບປິນ ປະຈຳ ຫວຽດນາມ ເນັ້ນໜັກວ່າ ການຮ່ວມມືລະຫວ່າງ 2 ປະເທດໄດ້ຮັບການປັບປຸງຢ່າງບໍ່ຢຸດຢັ້ງ ແລະ ພັດທະນາໃນຫຼາຍຂົງເຂດ.
ພາຍຫຼັງການໂອ້ລົມສົນທະນາແມ່ນການມອບລາງວັນການແຂ່ງຂັນ “ຊອກຮູ້ກ່ຽວກັບການພົວພັນ ຫວຽດນາມ - ຟິລີບປິນ” ໂດຍ VOV, ສະຖານທູດ ຟີລິບປິນ ປະຈຳ ຫວຽດນາມ ສົມທົບກັນຈັດຂຶ້ນ. ທ່ານ ວູຫາຍກວາງ, ຮອງຜູ້ອຳນວຍການໃຫຍ່ VOV, ຢືນຢັນວ່າ:
“ຫວຽດນາມ ແລະ ຟີລິບປິນ ແມ່ນ 2 ປະເທດຢູ່ໃນຊາຍຄາລວມ ອາຊຽນ. ຜ່ານຫຼາຍທົດສະວັດ, ການພົວພັນມິດຕະພາບ ແລະ ຮ່ວມມືຫຼາຍດ້ານລະຫວ່າງ 2 ປະເທດໄດ້ຮັບການປັບປຸງຢ່າງບໍ່ຢຸດຢັ້ງ, ພັດທະນານັບມື້ນັບເລິກເຊິ່ງ, ກວ້າງຂວາງ ແລະ ມີປະສິດທິຜົນໃນຫຼາຍຂົງເຂດ. VOV ໃຫ້ຄຳໝັ້ນສັນຍາຈະສືບຕໍ່ຍູ້ແຮງບັນດາການເຄື່ອນໄຫວສື່ສານ, ໂຄສະນາການຕ່າງປະເທດ, ສົມທົບກັນຢ່າງແໜ້ນແຟ້ນກັບບັນດາອົງການການທູດເພື່ອຈັດການເຄື່ອນໄຫວພົບປະແລກປ່ຽນວັດທະນະທຳ, ສື່ມວນຊົນທີ່ມີຄວາມໝາຍໃນໄລຍະຈະມາເຖິງ”.
ການແຂ່ງຂັນດັ່ງກ່າວໄດ້ດຶງດູດເກືອບ 300 ບົດຂຽນຈາກຊາວ ຫວຽດນາມ ແລະ ຟິລິບປິນ.
