ວັນທີ 15 ຕຸລາ ເປັນຂີດໝາຍວັນພົນລະເມືອງ ຫວຽດນາມ ຄັ້ງທຳອິດຕາມດຳລັດ ເລກທີ 66.22/2026 ຂອງລັດຖະບານ, ເພື່ອແນໃສ່ຍົກສູງຄວາມຮັບຮູ້, ສົ່ງເສີມແຕ່ລະຄົນເປັນເຈົ້າການຮ່ຳຮຽນທັກສະດີຈີຕອນ ແລະ ນຳໃຊ້ເຕັກໂນໂລຢີໃນຊີວິດປະຈຳວັນ.
ຕາມມະຕິຂອງລັດຖະບານ, ການພັດທະນາພົນລະເມືອງດີຈີຕອນແມ່ນ ຖືປະຊາຊົນເປັນໃຈກາງ, ຮັບປະກັນສິດທິມະນຸດ, ສິດທິພົນລະເມືອງ; ບໍ່ເຮັດໃຫ້ເກີດມີພັນທະໃໝ່ຂຶ້ນຕື່ມ, ຈຳກັດສິດນອກຂອບເຂດທີ່ກົດໝາຍກຳນົດ. ວິວັດການນີ້ຕ້ອງຄົບຊຸດກັບຍຸດທະສາດການຫັນເປັນດີຈີຕອນແຫ່ງຊາດ, ການພັດທະນາລັດຖະບານດີຈີຕອນ, ສັງຄົມດີຈີຕອນ ແລະ ເສດຖະກິດດີຈີຕອນ.
ເງື່ອນໄຂສຳຄັນເພື່ອສ້າງບັນດາພົນລະເມືອງດີຈີຕອນແມ່ນຮັດແຄບໄລຍະຫ່າງດີຈີຕອນ. ການຫັນເປັນດີຈີຕອນຈະ ມີຄວາມປົກຄຸມກວດລວມຢ່າງແທ້ຈິງ ກໍ່ໍຕໍ່ເມື່ອ ຜູ້ມີອາຍຸສູງ, ຄົນພິການ, ປະຊາຊົນເຂດຫ່າງໄກສອກຫຼີກ ແລະ ຜູ້ທີ່ມີຄວາມຈຳກັດດ້ານທັກສະ ແລະ ເງື່ອນໄຂເຂົ້າເຖິງເຕັກໂນໂລຢີ ບໍ່ຖືກປະໄວ້ຢູ່ເບື້ອງຫຼັງ. ການພັດທະນາພົນລະເມືອງດີຈີຕອນ ຕ້ອງໄປຄຽງຄູ່ກັບການໜູນຊ່ວຍດ້ານທັກສະ, ວັດຖຸອຸປະກອນ, ການເຊື່ອມຕໍ່ ແລະ ບັນດາແບບວິທີການຮັບໃຊ້ທີ່ເໝາະສົມກັບແຕ່ລະກຸ່ມຊຸມຊົນ. ເພື່ອໃຫ້ຫຼາຍຄົນຮູ້ຈັກເຖິງ ບັນດາຜົນປະໂຫຍດດ້ານດີຈີຕອນນັ້ນ, ໃນໄລຍະຜ່ານມາ ຢູ່ຫຼາຍທ້ອງຖິ່ນ ຂະບວນການປະຊາສຶກສາດີຈີຕອນ ໄດ້ຮັບການຈັດຕັ້ງປະຕິບັດໃນວົງກວ້າງ ແລະ ນຳມາເຊິ່ງ ປະສິດທິຜົນຢ່າງຈະແຈ້ງ.
