ນບຸນມະຫາສາມັກຄີທົ່ວປວງຊົນທັງຊາດຢູ່ ເອີລົບ ໄດ້ຈັດຂຶ້ນໃນວັນທີ 31 ຕຸລາ, ຢູ່ ສ.ເຊັກໂກ. ກ່າວຄຳເຫັນໄຂລາຍການ, ທ່ານ ຮວ່າງດິ່ງທັງ, ປະທານສະຫະພັນສະມາຄົມຊາວ ຫວຽດນາມ ອາໃສຢູ່ ເອີລົບ, ໄດ້ຢືນຢັນວ່າ ວັນບຸນແມ່ນຈຸດນັດພົບດ້ານວັດທະນະທຳ, ແຫ່ງເຊື່ອມຕໍ່ລຸ້ນຊາວ ຫວຽດນາມ, ພິເສດແມ່ນລຸ້ນໜຸ່ມ ກັບກົກເຄົາເຫງົ້າກໍຂອງຊາດ.
ທີ່ເຫດການ, ທ່ານ ເຢືອງຮວ່າຍນາມ, ເອກອັກຄະລັດຖະທູດ ຫວຽດນາມ ປະຈຳ ສ.ເຊັກໂກ ໃຫ້ຮູ້ວ່າ ນີ້ແມ່ນຄັ້ງທຳອິດວັນບຸນສາມັກຄີທົ່ວປວງຊົນທັງຊາດ ໄດ້ຈັດຂຶ້ນຢູ່ຕ່າງປະເທດ. ເຫດການແມ່ນບາດກ້າວຜັນຂະຫຍາຍການປະຕິບັດມະຕິເລກທີ 23 ສະບັບອອກວັນທີ 2 ສິງຫາ 2026, ຂອງກົມການເມືອງກ່ຽວກັບວຽກງານຊາວ ຫວຽດນາມ ອາໄສຢູ່ຕ່າງປະເທດ; ຢືນຢັນວ່າ ພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດແມ່ນສ່ວນໜຶ່ງທີ່ບໍ່ສາມາດຕັດແຍກອອກຈາກປະຊາຄົມບັນດາເຜົ່າ ຫວຽດນາມ ໄດ້. ເຫດການກໍ່ແມ່ນໂອກາດໃຫ້ປະຊາຄົມຊາວ ຫວຽດນາມ ອາໃສຢູ່ ເອີລົບ ເພີ່ມທະວີການພົບປະແລກປ່ຽນ, ແບ່ງປັນບົດຮຽນ, ເຊື່ອມຕໍ່ບັນດາສະມາຄົມ, ຜ່ານນັ້ນເສີມຂະຫຍາຍກຳລັງແຮງສັງລວມ ແລະ ປຸກລຸກນ້ຳໃຈຄວາມຮັບຜິດຊອບຕໍ່ການພັດທະນາຂອງປະເທດຊາດ.
