ພາຍຫຼັງໄດ້ດຳເນີນການແຂ່ງຂັນມາເປັນເວລາກ່ວາ 1 ເດືອນ, World Cup 2026 ຈະສີ້ນສຸດລົງດ້ວຍນັດແຂ່ງຂັນຊິງຊະນະເລີດລະຫວ່າງທິມຊາດ ອັກຊັງຕິນ ແລະ ທິມຊາດ ແອັດສະປາຍ ຢູ່ສະໜາມກິລາ Met Life New Jersey ປະເທດ, ອາເມລິກາ ໃນວັນທີ 19 ກໍລະກົດຕາມເວລາທ້ອງຖິ່ນ. ລາງວັນໃຫ້ແກ່ທິມຊະນະເລີດຈະແມ່ນຂັນຄຳ-ສັນຍາລັກສູງສຸດຂອງບານເຕະໂລກ.
ຂັນຄຳ World Cup ປະຈຸບັນສູງ 36 ແຊັນ, ມີນ້ຳໜັກປະມານ 6.2 ໂລ, ໄດ້ເຮັດຈາກຄຳ 18 carat, ຊື່ງແມ່ນຜົນງານຂອງທ່ານ Silvio Gazzaniga ນັກແກະຄັວດສະຫຼັກຊາວ ອີຕາລີ. ຂັນຄຳໄດ້ອອກແບບຮູບສອງຄົນຍົກໜ່ວຍໂລກ ອັນໄດ້ສະແດງໃຫ້ເຫັນຄວາມມານະພະຍາຍາມ, ຈຸດເວລາເປັນກຽດສະຫງ່າ ແລະ ຄວາມຜາສຸກຂອງແຟນບານ.
