ກວາງງ້າຍ ແລະ ເຂດເສດຖະກິດ ຢຸງກວັດ ຕ້ອງຫັນປ່ຽນໄປສູ່ຮູບແບບເຕີບໂຕສີຂຽວ, ເສດຖະກິດໝູນວຽນ, ໃຫ້ບຸລິມະສິດດຶງດູດບັນດາໂຄງການເຕັກໂນໂລຊີສູງ, ເປັນມິດກັບສິ່ງແວດລ້ອມ. ນີ້ແມ່ນຄຳຮຽກຮ້ອງຂອງທ່ານ ຟ້າມຢາຕຸກ, ຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ທີ່ພິທີສະເຫຼີມສະຫຼອງ 30 ປີແຫ່ງວັນສ້າງຕັ້ງຄະນະຄຸ້ມຄອງເຂດເສດຖະກິດ ຢຸງກວັດ ແລະ ບັນດາເຂດອຸດສາຫະກຳ ກວາງງ້າຍ, ຈັດຂຶ້ນໃນຕອນເຊົ້າວັນທີ 15 ສິງຫາ, ຢູ່ ກວາງ້າຍ.
ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຟ້າມຢາຕຸກ ຮຽກຮ້ອງຕ້ອງຮູ້ແຮງວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ; ສ້າງພື້ນຖານໂຄງລ່າງດີຈີຕອນຢ່າງຄົບຊຸດ, ນຳໃຊ້ວິທະຍາສາດເຕັກໂນໂລຊີໃນການຄຸ້ມຄອງ, ບໍລິຫານ, ໃຫ້ກາຍເປັນບັນດາເຂດອຸດສາຫະກຳຈຸດສຸມກ່ຽວກັບການນຳໃຊ້ວິທະຍາສາດເຕັກໂນໂລຊີ.
“ຂ້າພະເຈົ້າສະເໜີໃຫ້ແຂວງ ກວາງງ້າຍ, ຄະນະຄຸ້ມຄອງເຂດເສດຖະກິດ ຢຸງກວັດ ແລະ ບັນດາເຂດອຸດສາຫະກຳຂອງແຂວງ ກວາງງ້າຍ ພ້ອມກັບບັນດາກະຊວງ, ຂະແໜງການກ່ຽວຂ້ອງ ສຸມໃສ່ຫັນປ່ຽນໄປສູ່ຮູບແບບເສດຖະກິດສີຂຽວ, ເສດຖະກິດໝູມວຽນ. ພ້ອມກັນນັ້ນ, ກໍ່ເປັນເຈົ້າສ້າງທິດທາງລະອຽດເພື່ອຍົກລະດັບ, ຫັນປ່ຽນບັນດາເຂດອຸດສາຫະກຳທີ່ພວມມີຢູ່ ໃຫ້ກາຍເປັນເຂດອຸດສາຫະກຳຊີວະພາບ, ຕອບສະໜອງຄວາມຮຽກຮ້ອງທີ່ເຄັ່ງຄັດກ່ຽວກັບສິ່ງແວດລ້ອມ, ຕະຫຼາດທົ່ວໂລກ”
