(ພາບ: BNG)
ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ບັນດາປະເທດສະມາຊິກສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ຢູ່ສຳນັກງານ ສະຫະປະຊາຊາດ, ທີ່ ນິວຢອກ, ປະເທດ ອາເມລິກາ, ທ່ານຮອງສາດສະດາຈານ, ປະລິນຍາເອກ ນາງ ຫງວຽນທິລານແອັງ, ຮອງຫົວໜ້າສະຖາບັນພົວພັນຕ່າງປະເທດ, ຜູ້ສະໝັກຮັບເລືອກຕັ້ງຂອງ ຫວຽດນາມ ໄດ້ຮັບການເລືອກຕັ້ງດຳລົງຕຳແໜ່ງຜູ້ພິພາກສາສານກົດໝາຍວ່າດ້ວຍທະເລສາກົນ (ITLOS) ອາຍຸການ 2026–2035 ດ້ວຍຈຳນວນບັດເລືອກຕັ້ງຫຼາຍທີ່ສຸດຢູ່ພາກພື້ນ ອາຊີ - ປາຊີຟິກ.
ນີ້ແມ່ນຄັ້ງທຳອິດທີ່ ຫວຽດນາມ ອອກສະໝັກຮັບເລືອກຕັ້ງ ແລະ ມີຜູ້ຕາງໜ້າຢູ່ ITLOS ນັບແຕ່ເມື່ອສານນຳເຂົ້າເຄື່ອນໄຫວໃນປີ 1996. ເລື່ອງທ່ານຮອງສາດສະດາຈານ, ປະລິນຍາເອກ ນາງ ຫງວຽນທິລານແອັງ, ໄດ້ຮັບຈຳນວນບັດເລືອກຕັ້ງສູງ ແລະ ພາຍຫຼັງການປ່ອນບັດຮອບທຳອິດນັ້ນ ໄດ້ສະແດງໃຫ້ເຫັນຄວາມໄວ້ເນື້ອເຊື່ອໃຈຂອງປະຊາຄົມສາກົນຕໍ່ກັບບົດບາດ, ທີ່ຕັ້ງຂອງ ຫວຽດນາມ, ແມ່ນສິ່ງພິສູດໃຫ້ເຫັນບາດກ້າວພັດທະນາໃໝ່ຂອງການທູດຫຼາຍຝ່າຍ ແລະ ການເຊື່ອມໂຍງດ້ານນິຕິກຳສາກົນຂອງປະເທດຊາດ. ໝາກຜົນດັ່ງກ່າວກໍ່ສະແດງໃຫ້ເຫັນການຫັນປ່ຽນຈາກການເຂົ້າຮ່ວມຢ່າງຕັ້ງໜ້າ ໄປສູ່ການປະກອບສ່ວນທີ່ແທດຈິງເຂົ້າໃນວິວັດການສ້າງ, ພັດທະນາ ແລະ ປະຕິບັດບັນດາມາດຕະຖານ, ຂໍ້ກຳນົດລວມຂອງປະຊາຄົມສາກົນ; ຢືນຢັນໜ້າທີ່ຄວາມຮັບຜິດຊອບ ແລະ ກຳລັງຄວາມສາມາດປະກອບສ່ວນທີ່ນັບມື້ນັບມີປະສິດທິຜົນຂອງ ຫວຽດນາມ ໃນລະບົບຄຸ້ມຄອງທົ່ວໂລກ ໂດຍອີງໃສ່ກົດໝາຍ.
ພ້ອມກັນນັ້ນ, ຜົນສຳເລັດນີ້ກໍ່ຢືນຢັນການຕີລາຄາຢ່າງຕັ້ງໜ້າຂອງບັນດາປະເທດສະມາຊິກ UNCLOS ກ່ຽວກັບບັນດາການປະກອບສ່ວນທີ່ນັບມື້ນັບແທ້ຈິງຂອງ ຫວຽດນາມ ຕໍ່ກັບບັນດາອົງການສະຫະປະຊາຊາດ ແລະ ກົດໝາຍສາກົນ.
