(ພາບ: tapchikinhtetaichinh.vn)
ປະຈຸບັນ, ອາເມລິກາ ແມ່ນຕະຫຼາດສົ່ງອອກທີ່ໃຫຍ່ທີ່ສຸດຂອງ ຫວຽດນາມ, ກວມເອົາປະມານ 28-30% ຍອດມູນຄ່າການສົ່ງອອກທັງໝົດ. ພິເສດ, ຕະຫຼາດນີ້ມີລະດັບເຕີບໂຕທີ່ໜ້າປະທັບໃຈ, ຈາກລະດັບ 450 ລ້ານ USD ໃນປີ 1995, ເພີ່ມຂຶ້ນເກືອບ 210 ຕື້ USD ໃນປີ 2025, ດ້ວຍລະດັບການເຕີບໂຕຄິດສະເລ່ຍ 17%/ປີ. ເຖິງຢ່າງໃດກໍ່ຕາມ, ຫວຽດນາມ ມີທ່າໄດ້ປຽບເມື່ອສົ່ງອອກໄປຍັງຕະຫຼາດ ອາເມລິກາ, ແຕ່ກໍ່ຍັງມີສິ່ງທ້າທາຍຫຼາຍຢ່າງ. ທ່ານ ອານເທຢຸງ, ອະດີດທີ່ປຶກສາດ້ານການຄ້າປະຈຳ ອາເມລິກາ ແລະ ລາຊະອານາຈັກ ອັງກິດ, ມີຂໍ້ສະເໜີແນະວ່າ:
"ເມື່ອວິສາຫະກິດ ຫວຽດນາມ ສົ່ງອອກໄປຍັງ ອາເມລິກາ ຕ້ອງສຸມໃສ່, ເອົາໃຈໃສ່ເປັນພິເສດເຖິງຕົ້ນກຳເນີດຂອງຜະລິດຕະພັນ. ຢາກເຮັດໄດ້ຄືແນວນັ້ນ, ພວກເຮົາຕ້ອງມີເອກະສານທີ່ໂປ່ງໃສທີ່ສຸດ. ເຮັດຄືແນວນັ້ນຈະສ້າງຄວາມໄວ້ເນື້ອເຊື່ອໃຈຕໍ່ກັບຄູ່ຮ່ວມມື."
ອາເມລິກາ ແມ່ນຕະຫຼາດໃຫຍ່ ແລະ ມີຄຸນນະພາບສູງ, ສະນັ້ນ, ວິສາຫະກິດ ຫວຽດນາມ ທີ່ສົ່ງອອກໄປຍັງຕະຫຼາດນີ້ ຈະເປັນການຢັ້ງຢືນດີທີ່ສຸດເພື່ອເປີດກວ້າງອອກສູ່ຕະຫຼາດທົ່ວໂລກ.
