ວັນທີ 29 ຕຸລາ, ກົມພາສີໃຫ້ຮູ້ວ່າ ຍອດມູນຄ່າການສົ່ງອອກ - ນຳເຂົ້າສິນຄ້າຂອງ ຫວຽດນາມ ໃນ 10 ເດືອນທຳອິດຂອງປີ 2006 ລື່ນກາຍຕົວເລກ 1.000 ຕື້ USD, ສ້າງຂີດໝາຍປະຫວັດສາດໃນການເຄື່ອນໄຫວດ້ານການຄ້າສາກົນຂອງ ຫວຽດນາມ. ລະອຽດແມ່ນ, ວົງເງິນສົ່ງອອກບັນລຸ 493,64 ຕື້ USD, ເພີ່ມຂຶ້ນ 105,56 ຕື້ USD, ເທົ່າກັບ 27,2%, ເມື່ອທຽບກັບໄລຍະດຽວກັນຂອງປີ 2025. ກົງກັນຂ້າມ, ການນຳເຂົ້າບັນລຸ 507,66 ຕື້ USD, ເພີ່ມຂຶ້ນ 138,72 ຕື້ USD, ເທົ່າກັບ 37,6%. ການນຳເຂົ້າເກີນດຸນກໍ່ຫຼຸດລົງຢ່າງແຮງ, ຈາກກວ່າ 20 ຕື້ USD ຫຼຸດລົງເຫຼືອພຽງປະມານ 14 ຕື້ USD.
ບັນດາໝາກຜົນດັ່ງກ້າວໄດ້ຮັບການຕີລາຄາສູງຈາກວົງການນັກຊ່ຽວຊານ. ທ່ານ ເຈິ່ນຮ່ວາງເງິນ, ສະມາຊິກສະພາແຫ່ງຊາດ ນະຄອນ ໂຮ່ຈິມິນ, ເນັ້ນໜັກວ່າ:
“ນີ້ແມ່ນຄວາມພະຍາຍາມອັນໃຫຍ່ຫຼວງ ແລະ ພວກເຮົາຕ້ອງສືບຕໍ່ປັບປຸງດຸນການຄ້າ. ພິເສດໃນສະພາບການນັ້ນ, ຍອດວົງເງິນການຄ້ານຳເຂົ້າ -ສົ່ງອອກຂອງ ຫວຽດນາມ ໄດ້ບັນລຸເຖິງ 1.000 ຕື້ USD, ນຳ ຫວຽດນາມ ນອນໃນກຸ່ມ 20 ປະເທດທີ່ຂອບຂະຫາດການຄ້າຫຼາຍທີ່ສຸດໃນໂລກ. ນີ້ແມ່ນສິ່ງພິສູດໃຫ້ເຫັນກຳລັງຄວາມສາມາດ, ທີ່ຕັ້ງ ແລະ ອິດທິພົນຊື່ສຽງຂອງ ຫວຽດນາມ ໃນເວທີສາກົນ, ກໍຄືບົດບາດຂອງ ຫວຽດນາມ ໃນການຄ້າທົ່ວໂລກ.”
ຕາມນັກຊ່ຽວຊານດ້ານເສດຖະສາດ, ທ່ານຮອງສາດສະດາຈານ, ປະລິນຍາດອກ ດິງຈ້ອງທິ້ງ ແລ້ວ, ນີ້ແມ່ນຂີດໝາຍສຳຄັນ, ແລະ ພ້ອມກັນນັ້ນກໍ່ວາງອອກຄວາມຮຽກຮ້ອງສືບຕໍ່ຮັກສາການເຕີບໂຕ, ຮັກສາການເຄື່ອນໄຫວນຳເຂົ້າ - ສົ່ງອອກ ແລະ ຍົກສູງປະສິດທິຜົນດ້ານການຄ້າໃນໄລຍະຈະມາເຖິງ.
