ຕອນບ່າຍວັນທີ 18 ສິງຫາ, ຢູ່ຮ່າໂນ້ຍ, ກະຊວງອຸດສາຫະກຳ ການຄ້າ ໄດ້ຈັດພິທີປະກາດປະມວນດັດຊະນີຕີລາຄາໝາກຜົນຂອງການປະຕິບັດບັນດາສັນຍາການຄ້າເສລີຢູ່ບັນດາທ້ອງຖິ່ນ (FTA Index) ປີ 2025. ຜົນຕິດຕາມຄວາມສາມາດໃນການປະຕິບັດ FTA ຂອງບັນດາທ້ອງຖິ່ນ ໃນປີ 2025 ສະແດງໃຫ້ເຫັນວ່າ: ຄະແນນ FTA Index ສະເລ່ຍໃນທົ່ວປະເທດແມ່ນ 21,66/40 ຄະແນນ, ນະຄອນຫ໋າຍຝ່ອງແມ່ນ ທ້ອງຖິ່ນນຳໜ້າໃນທົ່ວປະເທດດ້ວຍ 35,62/40 ຄະແນນ.
ເຂົ້າຮ່ວມ ແລະ ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຟ້າມຢາຕຸກ ເນັ້ນໜັກວ່າ ໃນສະພາບການປັດຈຸບັນ, ການເຊື່ອມໂຍງເຂົ້າກັບເສດຖະກິດສາກົນບໍ່ພຽງແຕ່ຢຸດຢູ່ບັນດາຂໍ້ຕົກລົງ, ຄຳໝັ້ນສັນຍາເທົ່ານັ້ນ ຫາກຍັງຕ້ອງໄດ້ຫັນເປັນລະອຽດ, ມີຈຳນວນຈະແຈ້ງໃນການຜັນຂະຫຍາຍບັນດາ FTA ກາຍເປັນໝາກຜົນ, ຜະລິດຕະພັນຢ່າງແທ້ຈິງ. ດັ່ງນັ້ນ, FTA Index ຕ້ອງໄດ້ສັງເກດຄືແມ່ນເຄື່ອງມືສຳຄັນເພື່ອຄວບຄຸມການເຊື່ອມໂຍງເຂົ້າກັບເສດຖະກິດສາກົນ. ຈາກໝາກຜົນ FTA Index 2025, ທ່ານຮອງນາຍົກລັດຖະມົນຕີ ຟ້າມຢາຕຸກສະເໜີບັນດາທ້ອງຖິ່ນຕ້ອງຖືການປະຕິບັດ FTA ແມ່ນພາກສ່ວນໜຶ່ງຂອງຍຸດທະສາດພັດທະນາເສດຖະກິດສັງຄົມ, ດັດຊະນີສຳຄັນຕີລາຄາຄວາມສາມາດໃນການບໍລິຫານ ແລະ ການເຊື່ອມໂຍງເຂົ້າກັບສາກົນ.
ແຕ່ລະທ້ອງຖິ່ນຕ້ອງນຳການປະຕິບັດ FTA ແລະ ໂຄງການບໍລິຫານພັດທະນາເສດຖະກິດ ສັງຄົມຕິດພັນກັບຄວາມຮັບຜິດຊອບຂອງການນຳ. ສ້າງໂຄງການກະທຳພາຍຫຼັງການປະກາດ FTA Index, ເລືອກຈຸດອຸດຕັ້ນເພື່ອແກ້ໄຂຢ່າງເດັດຂາດ, ພ້ອມທັງຜູກມັດການປະຕິບັດ FTA ກັບການດຶງດູດການລົງທຶນທີ່ມີການຄັດເລືອກ, ການຫັນເປັນດີຈີຕອນ, ການຫັນເປັນສີຂຽວ, ບຳລຸງສ້າງແຫຼ່ງຊັບພະຍາກອນທີ່ມີຄຸນນະພາບສູງ ແລະ ຍົກສູງຄວາມສາມາດຂອງວິສາຫະກິດຂະໜາດກາງ ແລະ ນ້ອຍ.
