ຕອນເຊົ້າວັນທີ 31 ພຶດສະພາ, ສູນກາງສະມາຄົມພຸດທະສາສະໜາ ຫວຽດນາມ ໄດ້ຈັດງານບຸນວິສາຂະບູຊາ ພສ. 2570 (ປີ 2026) ຢູ່ວັດກວານຊື (ຮ່າໂນ້ຍ). ໃນພິທີ, ພະມະຫາອາຈານ ທິກແທັງຫຍຽວ, ຮອງປະທານຜູ້ປະຈຳການສະພາບໍລິຫານງານສູນກາງສະມາຄົມພຸດທະສາສະໜາ ຫວຽດນາມ ໄດ້ກ່າວປະກາດສານຂໍ້ຄວາມຂອງສະມາຄົມພຸດທະສາສະໜາ ຫວຽດນາມ ເຖິງບັນດາພະສົງສຳມະເນນ, ພຸດທະສາສະນິກກະຊົນ ຫວຽດນາມ ຢູ່ພາຍໃນປະເທດ ແລະ ຕ່າງປະເທດ ເນື່ອງໃນໂອກາດງານບຸນວິສາຂະບູຊາ ພສ. 2570. ກໍໃນພິທີ, ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນຟີລອງ ຮັບຮູ້, ຍ້ອງຍໍຊົມເຊີຍບັນດາການປະກອບສ່ວນສຳຄັນຂອງສະມາຄົມພຸດທະສາສະໜາ ຫວຽດນາມ ແລະ ພຸດທະສາສະນິກກະຊົນເຂົ້າໃນບັນດາຜົນງານລວມຂອງປະເທດຊາດ. ທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນຟີລອງ ປາດຖະໜາວ່າ ສະມາຄົມພຸດທະສາສະໜາ ຈະສືບຕໍ່ເສີມຂະຫຍາຍບົດບາດໃນວຽກງານການທູດປະຊາຊົນ, ພົບປະແລກປ່ຽນກັບພຸດທະສາສະໜາສາກົນ, ປະກອບສ່ວນໂຄສະນາເຜີຍແຜ່ພາບພົດຂອງປະເທດຊາດ, ປະຊາຊົນ ຫວຽດນາມ ທີ່ຮັກຫອມສັນຕິພາບ, ເມດຕາປານີ ແລະ ເຕັມໄປດ້ວຍມູນເຊື້ອວັດທະນະທຳ ກັບພຸດທະສາສະໜາບັນດາປະເທດ ແລະ ເພື່ອນມິດສາກົນ.
