ຕອນເຊົ້າວັນທີ 19 ສິງຫາ, ຢູ່ນະຄອນ ໂຮ່ຈີມິນ, ໄດ້ໄຂລາຍການ “ກັບຄືນໄປຫາຈຸດເວລາອັນສັກກະລະບູຊາ”, ເນື່ອງໃນໂອກາດສະເຫຼີມສະຫຼອງ 81 ປີແຫ່ງວັນການປະຕິວັດເດືອນ ສິງຫາ ບັນລຸຜົນສຳເລັດ (19 ສິງຫາ 1945 – 18 ສິງຫາ 2026) ແລະ ວັນຊາດ ສສ. ຫວຽດນາມ ທີ 2 ກັນຍາ. ເຫດການໂດຍວິທະຍຸກະຈາຍສຽງ ຫວຽດນາມ (VOV) ຊີ້ນຳ, ສື່ເອກເລັກໂຕນິກ VTC New ແລະ ສະຖາບັນເຕັກໂນໂລຊີຂໍ້ມູນຂ່າວສານ ແລະ ການສື່ສານ CDIT ຂຶ້ນກັບສະຖາບັນໄປສະນີໂທລະຄົມ ສົມທົບກັນຈັດຂຶ້ນ.
ຜ່ານເຕັກໂນໂລຊີສະເໝືອນຈິງ, ຜູ້ຊົມຄືດັ່ງເຂົ້າຮ່ວມຈຸດເວລາຢູ່ສະໜາມຫຼວງ ບາດິ່ງ, ຮ່າໂນ້ຍ ກ່ອນນີ້ 81 ປີ, ເຫັນປະຈັກຕາຈຸດເວລາປະທານ ໂຮ່ຈີມິນ ອ່ານບົດຖະແຫຼງປະກາດເອກະລາດ ໃນວັນທີ 02 ກັນຍາ 1945, ສະຖາປະນາປະເທດສະຖາປະນາປະເທດສາທາລະນະລັດປະຊາທິປະໄຕ ຫວຽດນາມ, ປະຈຸບັນແມ່ນປະເທດສາທາລະນະລັດ, ສັງຄົມນິຍົມ ຫວຽດນາມ.
ທີ່ເຫດການ, ທ່ານ ໂງມິນຫຽນ, ຮອງຜູ້ອຳນວຍການໃຫຍ່ VOV, ໃຫ້ຮູ້ວ່າ:
“ຢູ່ແຕ່ລະສະຖານທີ່ກໍ່ລ້ວນແຕ່ມີຈຸດພິເສດ. ຢູ່ ຮ່າໂນ້ຍ, ແຫ່ງເລີ່ມຈັດລາຍການ ກໍ່ແມ່ນແຫ່ງທີ່ປະທານ ໂຮ່ຈີມິນ ກ່າວຖະແຫຼງການປະກາດອກະລາດ, ມີຄວາມໝາຍສັກກະລະບູຊາ. ແຕ່ພວກຂ້າພະເຈົ້າໄດ້ນຳເອົາລາຍການ “ກັບຄືນໄປຫາຈຸດເວລາອັນສັກກະລະບູຊາ” ໄປບັນດາແຂວງ, ນະຄອນທີ່ແຕກຕ່າງກັນ, ຄື: ກວາງນິງ, ເງະອານ - ບ້ານເກີດເມືອງນອນຂອງປະທານ ໂຮ່ຈີມິນ, ແຕ່ລະແຫ່ງລ້ວນແຕ່ສະແດງອາລົມຈິດທີ່ແຕກຕ່າງກັນ. ພວກຂ້າພະເຈົ້າຫວັງວ່າ, ລາຍການຄັ້ງນີ້ຈະສືບຕໍ່ສ້າງອາລົມຈິດພິເສດໃຫ້ແກ່ຜູ້ມາຊົມ”.
ທີ່ລາຍການ, ມີແຂກທ່ອງທ່ຽວຫຼາຍຄົນໄດ້ສະແດງຄວາມເອກອ້າງທະນົງໃຈ, ຕື້ນຕັນໃຈເພື່ອໄດ້ກັບຄືນໄປຫາຈຸດເວລາອັນສັກກະລະບູຊາ.
“ຂ້າພະເຈົ້າມີຄວາມປິຕິຊົມຊື່ນ, ເຫັນວ່າພວກເພື່ອນສາມາດສ້າງບັນດາບັນຍາກາດເໝືອນຈິງ, ເພື່ອເຫັນແຈ້ງ, ດີທີ່ສຸດ”.
“ເມື່ອສຽງເວົ້າຂອງປະທານ ໂຮ່ຈີມິນ ດັ່ງຂຶ້ນນັ້ນ, ຂ້າພະເຈົ້າຮູ້ສຶກຕື້ນຕັນໃຈທີ່ສຸດ. ລາຍການໄດ້ຊ່ວຍໃຫ້ຂ້າພະເຈົ້າມີຄວາມເອກອ້າງທະນົງໃຈຕື່ມອີກ ຍ້ອນເປັນຊາວ ຫວຽດນາມ, ໂຊກດີທີ່ໄດ້ດຳລົງຊີວິດໃນໄລຍະສັນຕິພາບ”.
ລາຍການ “ກັບຄືນໄປຫາຈຸດເວລາອັນສັກກະລະບູຊາ” ປະກອບສ່ວນເພີ່ມພູນຄຸນສ້າງນ້ຳໃຈຮັກຊາດ, ຄວາມເອກອ້າງທະນົງໃຈຕໍ່ຊາດ ແລະ ສະຕິຄວາມຮັບຜິດຊອບ, ໂດຍສະເພາະແມ່ນສຳລັບລຸ້ນໜຸ່ມ.
