ພິທີປຸກລະດົມການຜັນຂະຫຍາຍຈຸດສຸມສູງສຸດໃນການຮັບເອົາຕົວຢ່າງວິໄຈ ADN ຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດທີ່ຍັງບໍ່ທັນສາມາດຢັ້ງຢືນຂໍ້ມູນຕົວຕົນໃນທົ່ວປະເທດ ໄດ້ຈັດຂຶ້ນໃນຕອນເຊົ້າວັນທີ 24 ມິຖຸນາ, ຢູ່ ຮ່າໂນ້ຍ. ນີ້ແມ່ນໜຶ່ງໃນບັນດາການເຄື່ອນໄຫວນອນໃນຂອບເຂດ “ບັ້ນເຄື່ອນໄຫວ 500 ວັນ ແລະ ຄືນຍູ້ແຮງວຽກງານຄົ້ນຫາ, ທ້ອນໂຮມ ແລະ ຢັ້ງຢືນຊື່ອັດຖິນັກຮົບເສຍສະຫຼະຊີວິດເພື່ອຊາດ” ເພື່ອມຸ່ງໄປເຖິງພິທີສະເຫຼີມສະຫຼອງ 80 ປີແຫ່ງວັນທະຫານເສຍອົງຄະ - ນັກຮົບເສຍສະຫຼະຊີວິດເພື່ອຊາດ (27 ກໍລະກົດ 1947 – 27 ກໍລະກົດ 2027).
ທີ່ພິທີປຸກລະດົມ, ທ່ານນາງ ຟ້າມທິແທັງຈ່າ, ຮອງນາຍົກລັດຖະມົນຕີ ຫວຽດນາມ ໃຫ້ຮູ້ວ່າ, ປະຈຸບັນ ໃນທົ່ວປະເທດຍັງມີອັດຖິນັກຮົບເສຍສະຫຼະຊີວີດເພື່ອຊາດ ກວ່າ 175.000 ອັດຖິ ຍັງບໍ່ທັນຊອກຫາໄດ້, ຂຸມຝັງສົບນັກຮົບທີ່ເສຍສະຫຼະຊີວິດເພື່ອຊາດກວ່າ 300.000 ຂຸມຍັງຂາດຂໍ້ມູນຢູ່.
“ປະຈຸບັນ, ຍາດຕິພີ່ນ້ອງຂອງນັກຮົບເສຍສະຫຼະຊີວິດເພື່ອຊາດມີອາຍຸສູງແລ້ວ, ສຸຂະພາບກໍ່ບໍ່ແຂງແຮງແລ້ວ, ຫຼາຍຄົນໄດ້ມີຄວາມຄາດຫວັງຢາກຊອກຫາໄດ້ຍາດຕິພີ່ນ້ອງໃນຕະຫຼອດຊີວິດຂອງຕົນ. ໃນຂະນະນັ້ນ, ເລື່ອງຢັ້ງຢືນຊື່ອັດຖິນັກຮົບທີ່ເສຍສະຫຼະຊີວິດເພື່ອຊາດ, ໂດຍສະເພາະແມ່ນກໍລະນີຍັງຂາດຂໍ້ມູນ, ຮຽກຮ້ອງຕ້ອງມີວິທີເຮັດຢ່າງມີແບບມີແຜນ, ມີວິທະຍາສາດ, ຄົບຊຸດ, ຍາວນານ. ຂ້າພະເຈົ້າສະເໜີໃຫ້ບັນດາກະຊວງ, ຂະແໜງການ, ທ້ອງຖິ່ນ ຕ້ອງຖືນີ້ແມ່ນໜ້າທີ່ການເມືອງສຳຄັນພິເສດ, ບໍ່ໃຫ້ຊັກຊ້າ”.
ພາຍຫຼັງພິທີປຸກລະດົມ, ໄດ້ຈັດບັນດາການເຄື່ອນໄຫວເກັບຕົວຢ່າງ ADN ສຳລັບຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດໃນບໍລິເວນນະຄອນ ຮ່າໂນ້ຍ; ໃຫ້ຄຳປຶກສາ, ມອບຢາ ແລະ ຜະລິດຕະພັນເບິ່ງແຍງສຸຂະພາບໃຫ້ແກ່ຍາດຕິພີ່ນ້ອງນັກຮົບເສຍສະຫຼະຊີວິດເພື່ອຊາດ.
