ສັບປະດາດິນຟ້າອາກາດ ຫວຽດນາມ ເປັນຄັ້ງທຳອິດຈະຈັດຂຶ້ນແຕ່ວັນທີ 19 ຫາ 22 ຕຸລາ ຢູ່ ຮ່າໂນ້ຍ, ນະຄອນ ດ່ານັ້ງ, ນະຄອນ ໂຮ່ຈິມິນ ແລະ ເກີນເທີ. ດ້ວຍການສົນທົບ, ໜູນຊ່ວຍຂອງບັນດາຫົວໜ່ວຍຂຶ້ນກັບກະຊວງກະສິກຳ ແລະ ສິ່ງແວດລ້ອມ ຫວຽດນາມ ແລະ ບັນດາທ້ອງຖິ່ນ, ສັບປະດາດິນຟ້າອາກາດ ຫວຽດນາມ ໂດຍບັນດາຄູ່ຮ່ວມມື, ລວມມີ: New Energy Nexus ຫວຽດນາມ (NEXVN), ອົງການພັດທະນາ ໂຮນລັງ (SNV), ແລະ ອົງການໜູນຊ່ວຍມະຫາວິທະຍາໄລໂລກຂອງ ການາດາ (WUSC).
ເປີດສາກສັບປະດາດິນຟ້າອາກາດ ຫວຽດນາມ ໃນວັນທີ 19 ຕຸລາ ແມ່ນກອງປະຊຸມຂັ້ນສູງຈັດຂຶ້ນຢູ່ ຮ່າໂນ້ຍ, ໂດຍເຕົ້າໂຮມຜູ້ຕາງໜ້າການນຳບັນດາອົງການສຳນັກງານຂອງລັດ, ອົງການການທູດ, ຄູ່ຮ່ວມມືພັດທະນາ, ບັນດາສຳນັກການເງິນເພື່ອການພັດທະນາ ແລະ ການນຳບັນດາກຸ່ມບໍລິສັດພາກເອກະຊົນເຂົ້າຮ່ວມ. ເວທີປາໄສດິນຟ້າອາກາດສີຂຽວ ຈັດຂຶ້ນຢູ່ນະຄອນ ດ່ານັ້ງ ໃນວັນທີ 20 ຕຸລາ, ຈະເຕົ້າໂຮມບັນດານັກວາງນະໂຍບາຍ, ບັນດາທະນາຄານການຄ້າ, ບັນດາສຳນັກການເງິນເພື່ອການພັດທະນາ, ນັກລົງທຶນ, ກຸ່ມວິສາຫພະກິດ ແລະ ນັກເຄືື່ອນໄຫວໃນຂົງເຂດນະວັດຕະກຳດິນຟ້າອາກາດເຂົ້າຮ່ວມ. ໃນວັນທີ 21 ຕຸລາ, ຢູ່ນະຄອນ ໂຮ່ຈີມິນ ຈະຈັດງານວາງສະແດງວິສາຫະກິດດ້ານດິນຟ້າອາກາດ. ພິທີປິດເຫດການຈະຈັດຂຶ້ນໃນວັນທີ 22 ຕຸລາ, ລາຍການຢູ່ ເກີນເທີ ສົມທົບກັນລະຫວ່າງການສົນທະນານະໂຍບາຍ ແລະ ການຢ້ຽມຊົມຕົວຈິງບັນດາຮູບແບບກະສິກຳປ່ອຍອາຍພິດຕ່ຳ, ການຮັບມືກັບການປ່ຽນແປງຂອງດິນຟ້າອາກາດຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ.
