ໂດຍຕອບສະໜອງວັນສິ່ງແວດລ້ອມໂລກ, ວັນມະຫາສະໝຸດໂລກ, ເດືອນກະທຳເພື່ອສິ່ງແວດລ້ອມ ແລະ ສັບປະດາທະເລ ແລະ ໝູ່ເກາະ ຫວຽດນາມ ປີ 2026, ຕອນເຊົ້າວັນທີ 06 ມິຖຸນາ, ຢູ່ແຂວງ ເງະອານ ໄດ້ດຳເນີນພິທີປຸກລະດົມຂະບວນການລະດັບຊາດ “ທົ່ວປວງຊົນຮ່ວມແຮງຮ່ວມໃຈປົກປັກຮັກສາສິ່ງແວດລ້ອມ, ເພື່ອປະເທດ ຫວຽດນາມ ສີຂຽວ - ສະອາດ - ງາມຕາ”. ເມື່ອກ່າວຄຳເຫັນທີ່ພິທີປຸກລະດົມ, ທ່ານ ໂຮ່ກວັກຢຸງ ຮອງນາຍົກລັດຖະມົນຕີ ຫວຽດນາມ ເນັ້ນໜັກວ່າ:
“ປະເທດ ຫວຽດນາມ ສີຂຽວກວ່າ, ສະອາດກວ່າ, ງາມຕາກວ່າ ໄດ້ສ້າງຂຶ້ນດ້ວຍການກະທຳລະອຽດ, ດ້ວຍການຮ່ວມແຮງຮ່ວມໃຈຂອງທັງລະບົບການເມືອງ, ປະຊາຄົມວິສາຫະກິດ ແລະ ທົ່ວປວງຊົນ. ການປົກປັກຮັກສາສິ່ງແລດລ້ອມໃນວັນນີ້ ແມ່ນການປົກປ້ອງອະນາຄົດຂອງປະເທດຊາດ, ປົກປັກຮັກສາຊີວິດຂອງຄົນລຸ້ນຫຼັງ. ຂ້າພະເຈົ້າເຊື່ອໝັ້ນວ່າ ຂະບວນການ “ທົ່ວປວງຊົນຮ່ວມແຮງຮ່ວມໃຈປົກປັກຮັກສາສິ່ງແວດລ້ອມ, ເພື່ອປະເທດ ຫວຽດນາມ ສີຂຽວ - ສະອາດ - ງາມຕາ” ຈະມີກຳລັງແຜ່ກະຈາຍຢ່າງແຮງໃນທົ່ວສັງຄົມ; ປະກອບສ່ວນສ້າງສາປະເທດ ຫວຽດນາມ ພັດທະນາຢ່າງວ່ອງໄວ, ຍືນຍົງ, ວັດທະນະທຳມະນຸດ ແລະ ວັດທະນາຖາວອນ.”
