ຂໍ້ມູນດັ່ງກ່າວໄດ້ຍົກອອກມາໃນບົດລາຍງານຜົນການຄົ້ນຄວ້າແງ່ຫວັງຂອງວິສາຫະກິດປີ 2026 ຂອງທະນາຄານ UOB, ປະກາດເມື່ອວັນທີ 22 ມິຖຸນາ, ໄດ້ຊີ້ໃຫ້ເຫັນສະພາບການດຳເນີນທຸລະກິດຢູ່ ຫວຽດນາມ ພວມມີສັນຍານທີ່ຕັ້ງໜ້າກວ່າຫຼາຍຢ່າງ. ເມື່ອສຳຫຼວດວິສາຫະກິດຫວຽດນາມ 10 ແຫ່ງ ກໍ ມີ 9 ແຫ່ງ ຫວັງວ່າຜົນການດຳເນີນທຸລະກິດໃນປີນີ້ຈະດີຂຶ້ນ, ພ້ອມທັງຄາດຄະເນວ່າລາຍຮັບຈະເຕີບໂຕແຮງກວ່າ ໃນໄລຍະ 2027 – 2028.
ໜຶ່ງໃນບັນດາບຸລິມະສິດພົ້ນເດັ່ນທີ່ໄດ້ຮັບຮູ້ໃນການສຳຫຼວດປີນີ້ ແມ່ນການຄຸ້ມຄອງພະລັງງານ. ມີເຖິງ 96% ວິສາຫະກິດ ຫວຽດນາມ ຕີລາຄາວ່າ ນີ້ແມ່ນບັນຫາສຳຄັນ, ສູງກວ່າຫຼາຍພໍສົມຄວນ ເມື່ອທຽບໃສ່ລະດັບສະເລ່ຍ 87% ຂອງພາກພື້ນ. ເພື່ອບັນລຸໄດ້ບັນດາເປົ້າໝາຍນີ້, ບັນດາວິສາຫະກິດພວມເພີ່ມທະວີການລົງທຶນເຂົ້າບັນດາມາດຕະການຄື ເຄື່ອງຈັກທີ່ປະຢັດພະລັງງານ ແລະ ພະລັງງານແສງຕາເວັນ, ແນໃສ່ສ້າງຄວາມດຸ່ນດ່ຽງລະຫວ່າງວຽກງານການຄຸ້ມຄອງລາຍຈ່າຍ ກັບຄວາມສາມາດເຄື່ອນໄຫວແບບຍືນຍົງ. ໄປຄຽງຄູ່ກັນນັ້ນ, ບັນດາວິສາຫະກິດ ຫວຽດນາມ ກໍຍູ້ໄວວິວັດທະນາການຫັນເປັນດີຈີອນ, ດ້ວຍປັນຍາປະດິດ (AI) ຄ່ອຍໆຢັ້ງຢືນບົດບາດແມ່ນກຳລັງໜູນການເຕີບໂຕຈຸດສຸມ.
