(ພາບ: Trinh Phong)
85ປີພາຍຫຼັງວັນປະຫວັດສາດນັ້ນ,ກາວບັ່ງໄດ້ປະຕິບັດຂະບວນການໃໝ່,ນັ້ນແມ່ນ:ສ້າງ“ເຂດວັດທະນະທຳໂຮ່ຈີມິນ”,ເພື່ອໃຫ້ມໍລະດົກການປະຕິວັດນີ້ກາຍເປັນແຫຼ່ງກຳລັງພາຍໃນໃຫ້ແກ່ການພັດທະນາ.
ເຂດວັດທະນະທຳໂຮ່ຈີມິນຢູ່ແຂວງກາວບັ່ງໄດ້ຮັບການສ້າງເປັນຮູບປະທຳດ້ວຍວິທີສຳຜັດທີ່ມີລວງເລິກດ້ານການເມືອງ - ສັງຄົມ.ນັ້ນແມ່ນການນຳແນວຄິດ,ຄຸນສົມບັດ,ແບບແຜນຂອງປະທານໂຮ່ຈີມິນໃຫ້ກາຍເປັນສະພາບແວດລ້ອມແຫ່ງການດຳລົງຊີວິດ,ສະພາບແວດລ້ອມການເຮັດວຽກແລະການສຶກສາປະຈຳວັນ.ການເຊີດຊູວິວັດການປະຕິວັດຂອງລຸງໂຮ່ໄດ້ຕິດພັນຢ່າງແໜ້ນແຟ້ນກັບການສ້າງເຂດວັດທະນະທຳທີ່ທັນສະໄໝ,ມີກຳລັງແຜ່ກະຈາຍ,ຊຶມເລິກເຂົ້າໃນຈິດໃຈ,ພິເສດແມ່ນສຳລັບລຸ້ນໜຸ່ມ.ທ່ານເຢືອງມາກກຽນ,ເລຂາຄະນະພັກ, ປະທານສະພາປະຊາຊົນຕາແສງ ເຈື່ອງຮ່າ, ໃຫ້ຮູ້ວ່າ:
“ເຈື່ອງຮ່າ ແມ່ນກົກເຄົ້າເຫງົ້າກໍ່ຂອງການປະຕິວັດ. ເຂດວັດທະນະທຳນີ້ຊ່ວຍໃຫ້ປະຫວັດສາດກາຍເປັນບັນດາບົດຮຽນທີ່ມີຊີວິດຊີວາ, ສຳຜັັດງ່າຍ. ກ່ຽວກັບຄຸນຄ່າດ້ານວັດທະນະທຳ, ຄຸນສົມບັດ, ນີ້ແມ່ນບັນຫາຫຼັກແຫຼ່ງມີຄວາມໝາຍຍາວນານ, ປະກອບສ່ວນເສີມສ້າງບັນດາຄຸນຄ່າດ້ານວັດທະນະທຳ, ຄຸນສົມບັດດີງາມຂອງບັນດາເຜົ່າ ແລະ ປະຊາຊົນ ກາວບັ່ງ. ກ່ຽວກັບຄຸນຄ່າເປັນກຳລັງໜູນໃຫ້ແກ່ການພັດທະນາ, ເມື່່ອວັດທະນະທຳ ກາຍເປັນພື້ນຖານດ້ານຈິດໃຈ, ປະຊາຊົນມີຄວາມເຊື່ອໝັ້ນ, ຄາດຫວັງບືນຕົວຂຶ້ນ; ສ່ວນສຳລັບລຸ້ນໜຸ່ມແລ້ວ, ນັ້ນແມ່ນວິທີການບຳລຸງອຸດົມຄະຕິ, ຄຸນນະທາດເພື່ອຮູ້ບຸນຄຸນອະດິິດຕະການ, ດຳລົງຊິວິດ ແບບມີຄວາມ ຮັບຜິດຊອບໃນປະຈຸບັນ ແລະ ສ້າງສາອະນາຄົດ”.
ເພື່ອໃຫ້ມໍລະດົກບໍ່ພຽງແຕ່ນອນໃນຫໍພິພິທະພັນ, ເພື່ອໃຫ້ປະຫວັດສາດ ບໍ່ພຽງແຕ່ຢຸດຢູ່ໜ້າປື້ມປະຫວັດສາດເທົ່ານັ້ນ, ແຂວງ ກາວບັ່ງໄດ້ເລືອກເຟັ້ນເຂດ ປູຊະນີຍະສະຖານແຫ່ງຊາດພິເສດ ປັກບໍ໋ ແມ່ນແກ່ນສານຫຼັກແຫຼ່ງໃນເຂດ ວັດທະນະທຳ ໂຮ່ຈີມິນ, ພ້ອມນັ້ນ ໄດ້ເປີດກ້ວາງຂອບຂະໜາດການເຊື່ອມຕໍ່ກັບ ບັນດາສາຍທ່ອງທ່ຽວ “ເດີນຕາມຮອຍລຸງໂຮ່” ຈາກຈິງຊີ, ຫຼູງໂຈ(ປະເທດຈີນ) ຜ່ານຫຼັກໝາຍເລກທີ 108 ກັບເມືອ ປັກບໍ໋, ພູ ກາກມາກ, ຕູບ ຂວຍນຳ້...
ຈຸດພົ້ນເດັ່ນທີ່ແຕກຕ່າງກັນຂອງເຂດວັດທະນະທຳໂຮ່ຈີມິນໃນປະຈຸບັນແມ່ນການປະກົດຂອງເຕັກໂນໂລຊີດີຈີຕອນ.ແວ່ນເໝືອນຈິງVRເຮັດໃຫ້ຜູ້ຊົມສາມາດເຂົ້າຮ່ວມໃນຊຸມວັນເດືອນປີທີ່ຫຍຸ້ງຍາກລຳບາດຢູ່ຖຳ້ປັກບໍ໋;ເຕັກໂນໂລຊີ 3 ມິຕິARໄດ້ວາດພາບເຖິງປະຫວັດສາດໃນພື້ນທີ່ຕົວຈິງ;ຮູບຈຳລອງ 3 ມິຕິ,ລະບົບຜູ້ນຳທ່ຽວເໝືອນຈິງ...ທັງໝົດເຫຼົ່ານັ້ນໄດ້ສ້າງສົມໜ້າໃໝ່ໆ.ເມື່ອຮັບຮູ້ກ່ຽວກັບບາດກ້າວປ່ຽນແປງນີ້,ສາດສະດາຈານ,ປອຟ້າມຮົ່ງລອງ(ມະຫາວິທະຍາໄລວິທິຍາສາດສັງຄົມແລະມະນຸດສາດ - ມະຫາວິທະຍາໄລແຫ່ງຊາດຮ່າໂນ້ຍ)ໄດ້ໃຫ້ຂໍ້ສັງເກດວ່າ:
“ຖ້າຫາກພວກເຮົາສົມທົບການຂຸດຄົ້ນກັບບັນດາຄຸນຄ່າສະຖານທີ່ປະຫວັດສາດປະຕິວັດຜ່ານບັນດາລະບົບດີຈີຕອນຄືAR,VRນັ້ນແມ່ນທິດທາງເໝາະສົມທີ່ສຸດ,ພິເສດແມ່ນສຳລັບລຸ້ນໜຸ່ມແລະແຂກທ່ອງທ່ຽວສາກົນ.ເຕັກໂນໂລຊີຊ່ວຍໃຫ້ດ້ານຂໍ້ມູນຂ່າວສານປະຫວັດສາດໄດ້ສຳຜັດງ່າຍກວ່າ,ມີຄວາມຂະຫຍັນຂັນເຄື່ອນກ່ວາ.ກາວບັ່ງໄດ້ສົມທົບກັບນະຄອນໂຮ່ຈີມິນຂຸດຄົ້ຮູບແບບເຕັກໂນໂລຊີດ້ວຍບັນດາຮ່ອງຮອຍສະຖານຕິດພັນກັບປະທານໂຮ່ຈີມິນ,ພ້ອມນັ້ນໄດ້ຂະຫຍາຍຮູບແບບນີ້ໃນບໍລິເວນແຂວງ,ນັ້ນແມ່ນການກະຕຸກຊຸກຍູ້ສຳຄັນໃຫ້ແກ່ການທ່ອງທ່ຽວປະຫວັດສາດປະຕິວັດກາວບັ່ງໃນໄລຍະຈະມາເຖິງ”.
(ພາບ:VOV-Dong Bac)
ບໍ່ພຽງແຕ່ຢຸດຢູ່ຂົງເຂດເຕັກໂນໂລຊີເທົ່ານັ້ນ, ພະລັງຊີວິດຂອງເຂດວັດທະນະທຳໂຮ່ຈີມິນຍັງໄດ້ຜ່ານບັນດາການສຳຜັດພຶດຕິກຳຕົວຈິງອີກດ້ວຍ.ກາວບັ່ງໄດ້ປະສານສົມທົບເຂດວັດທະນະທຳເຂົ້າໃນຊີວິດປະຈຳວັນ,ສົມທົບກັບໂຮງຮຽນ,ກຳລັງປະກອບອາວຸດຈັດຕັ້ງໃຫ້ນັກຮຽນ,ນັກສຶກສາ,ນັກຮົບໄປຊອກຮູ້,ສຳຜັດ.ເມື່ອເວົ້າເຖິງການກຳນົດທິດຂອງຍຸດທະສາດນີ້, ທ່ານ ດ່າວວັນມຸ່ຍ, ຜູ້ອຳນວຍການຄະນະຄຸ້ມຄອງເຂດປູຊະນີຍະສະຖານແຫ່ງຊາດພິເສດ ກາວບັ່ງ, ເນັ້ນໜັກວ່າ:
“ເຂດວັດທະນະທຳ ປະທານ ໂຮ່ຈີມິນ ໄດ້ອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກ ໂຮ່ຈີມິນ. ກາວບັ່ງ ໄດ້ສ້າງແຜນການປະສານສົມທົບເຂດວັດທະນະທຳເຂົ້າໃນບັນດາການເຄື່ອນໄຫວເປັນປະຈຳ; ພ້ອມນັ້ນໄດ້ຍູ້ແຮງການຫັນເປັນດີຈີຕອນ, ໝູນໃຊ້ເຕັກໂນໂລຊີ ເພື່ອແຜ່ກະຈາຍຄຸນຄ່າມໍລະດົກເຖິງພໍ່ແມ່ປະຊາຊົນ ແລະ ແຂກທ່ອງທ່ຽວໃຫ້ຫຼາຍກວ່າອີກ”.
ການສົມທົບລະຫວ່າງທ່ອງທ່ຽວດ້ານຈິດວິນຍານ, ປະຫວັດສາດ ກັບທ່ອງທ່ຽວຊີວະພາບ ບໍ່ພຽງແຕ່ແມ່ນການແຜ່ກະຈາຍຄຸນຄ່າແນວຄິດ ໂຮ່ຈີມິນ ອອກສູ່ໂລກເທົ່ານັ້ນ, ຫາກຍັງແມ່ນການສ້າງວຽກເຮັດງານທຳ, ວິທີຫາເງິນລ້ຽງຊີບໃຫ້ພໍ່ແມ່ປະຊາຊົນເຂດຊາຍແດນອີກດ້ວຍ. ທ່ານ ຫງວຽນກວັກຈູງ, ຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວແຂວງ ກາວບັ່ງ, ໃຫ້ຮູ້ວ່າ:
“ເພື່ອເປີດກ້ວາງເຂດວັດທະນະທຳ ໂຮ່ຈີມິນ ຢູ່ແຂວງ ກາວບັ່ງ, ພວກເຮົາສືບຕໍ່ຫວນຄືນມູນເຊື້ອປະຫວັດສາດ, ບັນດາການອຸທິດສ່ວນຢ່າງໃຫຍ່ຫຼວງຂອງ ປະທານ ໂຮ່ຈີມິນ ທີ່ມີຕໍ່ການປະຕິວັດ ຫວຽດນາມ; ຜ່ານນັ້ນເພີ່ມທະວີການສຶກສາແນວຄິດໃຫ້ແກ່ຊາວໜຸ່ມ, ເຍົາວະຊົນ. ພ້ອມນັ້ນ, ສ້າງບັນດາລາຍການ “ທ່ອງທ່ຽວແດງ”, ຫັນຜະລິດຕະພັນການທ່ອງທ່ຽວ ຕິດພັນກັບມູນເຊື້ອການປະຕິວັດເປັນຫຼາຍຮູບຫຼາຍແບບ, ປະກອບສ່ວນ ພັດທະນາເສດຖະກິດ - ສັງຄົມຂອງທ້ອງຖິ່ນ, ສ້າງວຽກເຮັດງານທຳ ແລະ ອະນຸລັກຮັກສາ, ເສີມຂະຫຍາຍບັນດາຄຸນຄ່າປະຫວັດສາດ, ມໍລະດົກທີ່ລຳ້ຄ່າ ຂອງປະທານ ໂຮ່ຈີມິນ ຢູ່ກາວບັ່ງ”.
(ພາບ:VOV-Dong Bac)
ໂດຍໄດ້ສຸມໃສ່ການ “ຫັນເປັນຄຸນຄ່າ” ແທນທີການວາງສະແດງໃຫ້ຜູ້ມາຊົມ ເທົ່ານັ້ນ, ກາວບັ່ງ ພວມນຳແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານ ໂຮ່ຈີມິນ ກາຍເປັນແຫຼ່ງກຳລັງດ້ານ ຈິດໃຈເທື່ອລະກ້າວ, ເປັນພື້ນຖານໃຫ້ແກ່ການພັດທະນາແບບຍືນຍົງ. ນັ້ນບໍ່ພຽງແຕ່ ແມ່ນບາດກ້າວຍຸດທະສາດ ນຳກາວບັ່ງ ກາຍເປັນສູນການສຶກສາ, ວັດທະນະທຳ ແລະ ຄົ້ນຫາຕົວຈິງມໍລະດົກ ໂຮ່ຈີມິນ ຂອງເຂດ ຫວຽດບັກ ເທົ່ານັ້ນ, ຫາກຍັງແມ່ນການເຄື່ອນໄຫວແທດຈິງເພື່ອຫັນມະຕິເລກທີ 80 –NQ/TW ຂອງກົມການເມືອງ ກ່ຽວກັບການພັດທະນາວັດທະນະທຳ ຫວຽດນາມ - ເພື່ອໃຫ້ແປວໄຟການປະຕິວັດຈາກກົກເຂົ້າເຫງົ້າກໍ່ ປັກບໍ໋ ໄດ້ຮັບການສືບທອດ ແລະ ແຜ່ກະຈາຍຕະຫຼອດການ./.
Duy Thai - Huyen Trang
