ທາດຍ້ານ ສູງເກືອບ 24 ແມັດ ຖືກກໍ່ສ້າງດ້ວຍດິນຈີ່ເຜົ່າທີ່ເປັນເອກະລັກຂອງຊາວເຜົ່າຈຳ ໃນທ້າຍສະຕະວັດທີ XI ແລະ ຕົ້ນ ສະຕະວັດທີ XII. ທາດຍ້ານ ແມ່ນໜຶ່ງໃນຈຳນວນໜ້ອຍກິດຈະກຳສະຖາປັດຕະຍະກຳເຜົ່າຈຳ ທີ່ຍັງຖືກຮັກສາໄວ້ເໝືອນເດີມຢູ່ພາກກາງ ຫວຽດນາມ ໃນປັດຈຸບັນ. ແຕ່ລະປີໃນກາງເດືອນ 3 ໄລ່ຕາມຈັນທະປະຕິທິນ, ພິທີໄຫວ້ບູຊາດວງວິນຍານຂອງເຈົ້າແມ່ໄດ້ຖືກຈັດຂຶ້ນຢູ່ທີ່ນີ້ ອັນໄດ້ດຶງດູດຊາວທ້ອງຖິ່ນ ແລະ ແຂກເຂົ້າຮ່ວມຢ່າງຫຼວງຫຼາຍ. ນັກຄົ້ນຄວ້າປະຫວັດສາດ ແລະ ວັດທະນະທຳ ຫງວຽນແຢັງແຮັ້ງ ຢູ່ຕາແສງ ຕຸຍຮວ່າ ແຂວງ ດັກລັກ ໃຫ້ຮູ້ວ່າ:
“ທາດຍ້ານບູຊາເຈົ້າແມ່ ໂປນີນາກາ ໄລຍະຕໍ່ມາຊາວ ຫວຽດນາມ ເອີ້ນວ່າ ເຈົ້າແມ່ ທຽນອີອານາ. ເຈົ້າແມ່ແມ່ນໜຶ່ງໃນຈຳນວນເຈົ້າຖິ່ນເຈົ້າຖານ ໄດ້ຮັບຖືວ່າ ແມ່ນເຈົ້າຖິ່ນຄຸ້ມຄອງດິນແດນແມ່ນ້ຳທະເລທັງໝົດຢູ່ແຫ່ງນີ້”.
ໂດຍຖືກຕັ້ງຢູ່ກາງຕົວເມືອງແຄມທະເລທີ່ສັກສິດ, ທາດຍ້ານ ໄດ້ເປັນຂີດໝາຍພິເສດສຳລັບແຂກທ່ອງທ່ຽວຫຼາຍຄົນ ເມື່ອມາຢາມເຂດທາງທິດຕາເວັນອອກແຂວງ ດັກລັກ. ນາງ ຕົ໊ງທິຫ໋າຍອ໊ຽນ ແຂກທ່ອງທ່ຽວມາຈາກແຂວງ ຝູເຖາະ ໃຫ້ຮູ້ວ່າ:
“ຂຶ້ນມານີ້, ຂ້າພະເຈົ້າຮູ້ສຶກສະຫວາດສະເຫວີຍ. ນີ້ແມ່ນດິນແດນທີ່ສັກສິດຢູ່ກາງນະຄອນທີ່ມີຊຸມຊົນໜາແໜ້ນ ແລະ ທັນສະໄໝ. ນີ້ເປັນເທື່ອທຳອິດທີ່ຂ້າພະເຈົ້າໄດ້ເຫັນດ້ວຍຕາກິດຈະກຳໜຶ່ງທີ່ຍັງຄົງຕົວມາແຕ່ສະຕະວັດທີ XI ແລະ ຍັງຄົງສວຍງາມ ແລະ ຖືກຮັກສາໄວ້ເໝືອນເດີມ”.
ໃນຊຸມປີມໍ່ໆມານີ້ບໍລິເວນ ທາດຍ້ານ ໄດ້ຮັບການບູລະນະປະຕິສັງຂອນເປີດກວ້າງບໍລິເວນທິວທັດທຳມະຊາດ ອັນໄດ້ສ້າງຄວາມສະດວກໃຫ້ແກ່ຊາວທ້ອງຖິ່ນ ແລະ ແຂກທ່ອງທ່ຽວມາຢ້ຽມຊົມ ແລະ ທັດສະນະສຶກສາ. ຈຳນວນແຂກທ່ອງທ່ຽວມາຢ້ຽມຊົມ ທາດຍ້ານ ນັບມື້ນັບຫຼາຍຂຶ້ນ ເປັນຕົ້ນແມ່ນຍາມລະດູຮ້ອນ ແລະ ໃນໂອກາດຈັດງານບຸນຕ່າງໆ. ມີແຂກທ່ອງທ່ຽວເພດຍິງຄົນໜຶ່ງ ເປີດເຜີຍວ່າ:
“ຢູ່ທີ່ນີ້ໃນປັດຈຸບັນແຕກຕ່າງເມື່ອທຽບໃສ່ເມື່ອກ່ອນຫຼາຍແລ້ວ, ໄດ້ຮັບການບູລະນະປະຕິສັງຂອນໃຫ້ສວຍງາມກວ່າເກົ່າ ເພື່ອຕ້ອນຮັບແຂກທ່ອງທ່ຽວມາຢ້ຽມຊົມ. ໃນລະດູຮ້ອນຢູ່ທີ່ນີ້ກໍ່ມີແຂກທ່ອງທ່ຽວຍິງຫຼາຍຂຶ້ນ. ພິເສດໃນໂອກາດວັນບຸນໃຫຍ່”.
ໃນການກຳນົດທິດພັດທະນາການທ່ອງທ່ຽວຂອງແຂວງ ດັກລັກ ພາຍຫຼັງໂຮມແຂວງເຂົ້າກັນ, ບໍລິເວນທາງທິດຕາເວັນອອກກໍ່ມີທ່າໄດ້ປຽບທາງທະເລ, ມໍລະດົກວັດທະນະທຳ ແລະ ທິວທັດທຳມະຊາດພວມໄດ້ຮັບການຢັ້ງຢືນ ແມ່ນເຂດພັດທະນາການທ່ອງທ່ຽວທີ່ສຳຄັນ. ດັ່ງນັ້ນ ທາດຍ້ານ ໄດ້ຮັບຖືວ່າ ແມ່ນສະຖານທີ່ພົ້ນເດັ່ນເຊື່ອມຕໍ່ລະຫວ່າງການທ່ອງທ່ຽວວັດທະນະທຳ, ທ່ອງທ່ຽວຈິດວິນຍານ ແລະ ການຄົ້ນຫາທິວທັດທທຳມະຊາດເຂດຕົວເມືອງແຄມທະເລ. ທ່ານ ນາງ ເຈິ່ນທິບື໊ ຮອງຫົວໜ້າຮັບຜິດຊອບຄະນະຄຸ້ມຄອງປູຊະນີຍະສະຖານ - ພະແນກວັດທະນະທຳ, ກິລາ ແລະ ທ່ອງທ່ຽວ ແຂວງ ດັກລັກ ໃຫ້ຮູ້ວ່າ:
“ພາຍຫຼັງຮັບຄຸ້ມຄອງປູຊະນີຍະສະຖານ ທາດ ຍ້ານ ນັ້ັ້ນ, ຄະນະຄຸ້ມຄອງໄດ້ບູລະນະສ້ອມແປງລະບົບຮົ້ວອ້ອມຮອບ ທາດຍ້ານ ເພື່ອຮັບປະກັນຄວາມປອດໄພໃຫ້ແກ່ແຂກທ່ອງທ່ຽວ. ແຕ່ລະປີຄະນະຄຸ້ມຄອງປູຊະນີຍະສະຖານກໍ່ຍັງມີລາຍການບູຊາດວງວວິນຍານເຈົ້າແມ່ ເພື່ອຮັບບັນດາຄະນະນັກທ່ອງທ່ຽວທີ່ມີຄວາມຕ້ອງການມາຈູບທູບທຽນໄຫວ້ບູຊາເຈົ້າແມ່ຢູ່ ທາດຍ້ານ”.
ໂດຍແມ່ນປູຊະນີຍະສະຖານທີ່ເຂັ້ມຂົ້ນໄປດ້ວຍສີສັນ ແລະ ສະຖາປັດຕະຍະກຳທີ່ເປັນເອກະລັກຂອງວັດທະນະທຳຈຳປາບູຮານ, ທາດຍ້ານ ໃນປັດຈຸບັນຍັງຄົງປາກົດຕົວໃນທ່າມກາງເຂດຕົວເມືອງທີ່ທັນສະໄໝ ດ້ວຍລັກສະນະທີ່ເກົ່າແກ່. ນີ້ແມ່ນສະຖານທີ່ທ່ອງທ່ຽວທີ່ເປັນເອກະລັກ ດຶງດູດແຂກທ່ອງທ່ຽວໃນການເດີນທາງຄົ້ນຫາຢູ່ເຂດທາງທິດຕາຕາເວັນອອກແຂວງ ດັກລັກ.
