ວິຫານຕາຝູ ໄດ້ຮັບການກໍ່ສ້າງນັບແຕ່ປີ 1683 ເພື່ອບູຊາເຈົ້າເສນາອາມາດສະໄໝລາດຊະວົງ ເລ ທີ່ມີຄຸນງາມຄວາມດີປົກປັກຮັກສາເຂດຊາຍແດນ ແລະ ບຸກເບີກພື້ນທທີ່ສ້າງຕະຫຼາດ ກີ່ເລື່ອ. ໃນຫຼາຍສະຕະວັດທີ່ຜ່ານມາ, ວິຫານ ຕ່າຟູ໋ ຍັງຄົງຕົວຢູ່ຫັນ ເຖິງວ່າມີການຜັນປ່ຽນຂອງປະຫວັດສາດກໍ່ຕາມ ແຕ່ວິຫານນັ້ນຍັງຄົງເປັນແຫ່ງເພື່ອໃຫ້ປະຊາຊົນຈາກທຸກສາລະທິດມາຢ້ຽມຊົມ ໄຫວ້ບູຊາ ແລະ ອາໄລຫາບູລຸດຜູ້ມີຊື່ສຽງຂອງຊາດ ຫວຽດນາມ. ທ່ານ ດັ້ງມິງຖ້ວນ ຄະນະປະຈຳຄຸ້ມຄອງວິຫານ ຕ່າຟູ໋ ຕາແສງ ກີ່ເລື່ອ ແຂວງ ລ້າງເຊີນ ໃຫ້ຮູ້ວ່າ:
“ວິຫານ ຕ່າຟູ໋ ບູຊານາຍພົນເສນາອາມາດຄົນໜຶ່ງໃນສະໄໝລາດຊະວົງ ເລ. ໄລຍະເພິ່ນຢູ່ແຂວງ ລ້າງເຊີນ ຄຸນງາມຄວາມດີຂອງເພິ່ນແມ່ນໃຫຍ່ຫຼວງທີ່ສຸດ ທັງປົກປັກຮັກສາເຂດຊາຍແດນ ທັງບຸກເບີກພື້ນທີ່ສ້າງຕະຫຼາດ ກີ່ເລື່ອ”
ເມື່ອເວົ້າເຖິງວິຫານຕາຝູ, ຫຼາຍຄົນຍັງຈື່ດີເຖິງງານບຸນ ກີ່ກຸ່ງ - ຕ່າຟູ໋ ເຊິ່ງແມ່ນງານບຸນໃຫຍ່ທີ່ສຸດໃນແຂວງ ລ້າງເຊີນ ຖືກດຳເນີນແຕ່ວັນທີ 22 ຫາ 27 ເດືອນຈຽງ ໄລ່ຕາມຈັນທະປະຕິທິນໃນແຕ່ລະປີ. ງານບຸນແມ່ນການເຊື່ອມຕໍ່ລະຫວ່າງວິຫານ ກີ່ກຸ່ງ ແລະ ວິຫານ ຕ່າຟູ໋ ຜ່ານພິທີແຫ່ວໍເຈົ້າເສນາອາມາດ ຕ່ວນແຈັງ ຂຶ້ນເຖິງວິຫານ ຕ່າຟູ໋ ເພື່ອສົມມະນາຄຸນຕໍ່ເຈົ້າເສນາອາມາດ. ອ້າຍ ໂງກວກວິງ ແຂກທ່ອງທ່ຽວມາຈາກ ຮ່າໂນ້ຍ ແບ່ງປັນວ່າ:
“ວິຫານນີ້ ຖືກກໍ່ສ້າງຢ່າງສວຍງາມໃຫຍ່ໂຕ, ມີສະຖາປັດຕະຍະກຳຕາມອາຊີຕາເວັນອອກ ຖືກກໍ່ສ້າງດ້ວຍຫີນ ແລະ ໄມ້ ເຊິ່ງເປັນການຢັ້ງຢືນວ່າ ວິຫານແຫ່ງນີ້ໄດ້ຮັບການສະໜັບສະໜູນຈາກປະຊາຊົນ ແລະ ມີຄວາມສັກສິດທີ່ສຸດ”.
ປີ 1993 ວິຫານ ຕ່າຟູ໋ ພ້ອມກັບວິຫານ ກີ່ກຸ່ງ ໄດ້ຮັບການຢັ້ງຢືນແມ່ນບູຊະນີຍະສະຖານລະດັບຊາດ. ເຖິງປີ 2015 ງານບຸນ ກີ່ກຸ່ງ - ຕ່າຟູ໋ ໄດ້ຮັບການຮັບຮອງແມ່ນມໍລະດົກວັດທະນະທຳບໍ່ເປັນວັດຖຸລະດັບຊາດ. ເພື່ອເປີດກວ້າງເຂດວັດທະນະທຳຈິດວິນຍານ, ເພື່ອດຶງດູດແຂກທ່ອງທ່ຽວມາຊອກຮູ້ວັດທະນະທຳປະຫວັດສາດແຂວງ ລ້າງເຊີນ ຕື່ມອີກ, ອຳນາດການປົກຄອງທ້ອງຖິ່ນໄດ້ ແລະ ພວມຜັນຂະຫຍາຍຫຼາຍວິທີການ. ທາງນາງ ໂຮ່ທິໂຕ໊ອຽນ ຮອງປະທານຄະນະກຳມະການປະຊາຊົນຕາແສງ ກີ່ເລື່ອ ແຂວງ ລ້າງເຊີນ ໃຫ້ຮູ້ວ່າ:
“ເພື່ອພັດທະນາເຂດປູຊະນີຍະສະຖານໄລຍະທີ່ຈະມາເຖິງ ອຳນາດການປົກຄອງທ້ອງຖິ່ນ ໄດ້ມີການລົງທຶນຢ່າງລະອຽດ. ພວກຂ້າພະເຈົ້າກໍ່ໄດ້ມີການພັດທະນາໃໝ່ໃນໄລຍະທີ່ຈະມາເຖິງ ໃນນັ້ນມີການອະນຸລັກຮັກສາ ເສີມຂະຫຍາຍສີສັນ ແລະ ເປີດກວ້າງເຂດປູຊະນີຍະສະຖານ”.
ສ່ວນທ່ານ ປະລິນຍາໂທ ຫງວຽນກວາງຈຸງ ຜູ້ຊ່ຽວຊານດ້ານການກໍ່ສ້າງ ແລະ ພັດທະນາການທ່ອງທ່ຽວວັດທະນະທຳຈິດວິນຍານ ມີຄຳເຫັນດັ່ງນີ້:
“ສຳລັບງານບຸນ ກີ່ເລື່ອ ໃນວິຫານ ຕ່າຟູ໋ ກໍ່ຕ້ອງສົມທັບກັບບັນດາພະແນກຂະແໜງການຕ່າງໆ, ສຳລັບຜູ້ຄຸ້ມຄອງວິສາຫະກິດ, ນັກຊ່ຽວຊານພິເສດແມ່ນຊຸມຊົມຢູ່ທ້ອງຖິ່ນ ກໍ່ຄວນຮ່ວມແຮງຮ່ວມໃຈ ເພື່ອອະນຸລັກມໍລະດົກ ຕ້ອງຮັກສາສິ່ງທີ່ເປັນອະລິຍະທຳ, ວັດທະນະທຳ, ອະນຸລັກຄຸນຄ່າປະຫວັດສາດຂອງຊາດ ຜ່ານບັນດາງານບຸນ”.
ໃນທ່າມກາງການດຳລົງຊີວິດທີ່ທັນສະໄໝ, ວິຫານ ຕ່າຟູ໋ ຍັງຄົງຕົວຢູ່ຫັ້ນ ປຽບເໝືອນພິຍານຫຼັກຖານຂອງການເວລາກ່ຽວກັບວິຫານບູຮານແຫ່ງໜຶ່ງຖືກຕັ້ງຢູ່ກາງຕະຫຼາດ ກີ່ເລື່ອ ເຊິ່ງເປັນການເຊື່ອມຕໍ່ຄວາມຊົງຈຳວັດທະນະທຳ ໃນທ່າມກາງການດຳລົງຊີວິດໃນວັນນີ້ ທັງແມ່ນແຫ່ງເພື່ອໃຫ້ທຸກໆເມື່ອມາຢາມແຂວງ ລ້າງເຊີນ ສາມາດເຂົ້າໃຈກວ່າກ່ຽວກັບປະຫວັດສາດຂອງດິນແດນທີ່ສັກສິດຢູ່ເຂດຊາຍແດນຂອງປະເທດຊາດ.
