ເດືອນ ກຸມພາ ປີ 1985 ອ້າຍບ່າວ ຫງວຽນວັນຈ່າ ໄດ່ເຂົ້າຖັນແຖວກອງທັບປະຕິບັດພັນທະສາກົນຢູ່ສະໜາມຮົບ ກຳປູເຈຍ. ຮອດເດືອນ ມິຖຸນາ ປີ 1987 ໃນການເຄື່ອນທັບຄັ້ງໜຶ່ງ,ທ່ານ ຈ່າ ໄດ້ຢຽບໝາກມິນ ແລະ ໄດ້ຖືກເສຍຂາເບື້ອງໜຶ່ງ ພ້ອມກັບຄວາມບາດເຈັບຢູ່ຫຼາຍບ່ອນໃນຮ່າງກາຍ. ພາຍຫຼັງປິ່ນປົວເປັນເວລາ 3 ປີທ່ານໄດ້ກັບຄືນສູ່ຊີວິດປະຈຳວັນ ດ້ວຍອັດຕາບາດເຈັບເກືອບ 80%. ທ່ານໃຫ້ຮູ້ວ່າ:
“ຄາວນັ້ນຍັງທຸກຍາກລຳບາກຢູ່. ໄລຍະເກືອບ 3 ປີ ຂ້າພະເຈົ້າຢູ່ໃນສູນປິ່ນປົວ ແລ້ວກໍ່ກັບຄືນຢູ່ພະແນກທະຫານເສຍອົງຄະ”.
ຢູ່ບ້ານເກີດຂອງທ່ານມີດິນທຳການຜະລິດໜ້ອຍ ດັ່ງນັ້ນສອງຜົວເມຍທ່ານໄດ້ໄປເຂດປ່າ ອູມິງ ເພື່ອເບີກສ້າງອາຊີບ. ທ່ານໄດ້ຮັບທີ່ດິນປະທານ 7 ເຮັກຕາ ໃນນັ້ນມີ 5 ເຮັກຕາ ແມ່ນປູກຕົ້ນໄມ້ປ່າ ແລະ 2 ເຮັກຕາ ທຳການຜະລິດກະສິກຳ. ຄາວນັ້ນດິນປ່າ ແມ່ນເນື້ອທີ່ດິນທີ່ຮົກເຮື້ອຖືກຕິດສົ້ມຢ່າງໜັກ ດັ່ງນັ້ນການຜະລິດກະສິກຳປະສົບກັບຄວາມຫຍຸ້ງຍາກຫຼາຍຢ່າງ. ທ່ານ ຈ່າ ຫວນຄືນວ່າ:
“ສອງຜົວເມຍພວກຂ້າພະເຈົ້າໄປເຮັດກະສິກຳຮັບຈ້າງ ເຮັດທຸກສິ່ງທຸກຢ່າງ. ຮອດຕອນຄ່ຳໄປຕຶກປາ ຕອນເຊົ້າຕື່ນມາໄປເຮັດນາ ແລະ ເອົາຟືນໄປຂາຍ”.
ແຕ່ດ້ວຍຄຸນທາດຂອງອ້າຍທະຫານ, ອ້າຍ ຈ່າ ບໍ່ຫວາດຫວັ່ນຕໍ່ຄວາມຫຍຸ້ງຍາກລຳບາກ ແລະ ດ້ວຍຕັດສິນໃຈຂອງສອງຜົວເມຍທ່ານ ຈ່າ, ເຂດດິນຖືກຕິດສົ້ມຄ່ອຍໆໄດ້ຮັບການປົວແປງ ແລະ ໃຫ້ລາຍຮັບນັບມື້ນັບສູງ. ປັດຈຸບັນຄອບຄົວຂອງທ່ານມີດິນປູກຕົ້ນ ອາກາເຊຍ ແລະ ຕົ້ນຄາມ ປະມານ 5 ເຮັກຕາ. ທ່ານຍັງຊອກຮູ້ຮູບແບບປູກໜໍ່ໄມ້ຢູ່ອ້ອມບ້ານ ເພື່ອເພີ່ມລາຍຮັບ. ນອກຈາກນັ້ນສອງຜົວເມຍທ່ານຍັງເປີດຮ້ານຊັບພະສິນຄ້າໜ້ອຍ ເພື່ອຊ່ວຍຄົວຄອບຫາເງິນລ້ຽງຊີບ. ກໍ່ຍ້ອນແນວນັ້ນແຕ່ລະປີຄອບຄົວຂອງທ່ານກໍ່ມີແຫຼ່ງລາຍຮັບນັບຮ້ອຍລ້ານ ເສດດຖະກິດນັບມື້ນັບໄດ້ຮັບການປົວແປງໃຫ້ດີຂຶ້ນ. ທ່ານ ຈ່າ ໃຫ້ຮູ້ວ່າ:
“ຂ້າພະເຈົ້າປູກກ້ວຍກໍ່ໄດ້ຂາຍກ້ວຍພ້ອມກັບໃບກ້ວຍ, ລາຍຮັບຈາກການປູກກ້ວຍ, ເຮັດນາ, ປູກຕົ້ນຄາມ, ປີໜຶ່ງກໍ່ມີແຫຼ່ງລາຍຮັບປະມານ 300 ລ້ານດົ່ງ”.
ບໍ່ພຽງແຕ່ຕັ້ງໜ້າເຂົ້າຮ່ວມພັດທະນາເສດຖະກິດເທົ່ານັ້ນ ສອງຜົວເມຍທ່ານ ຈ່າ ຍັງຕັ້ງໜ້າລ້ຽງດູລູກເຕົ້າ, ມາຮອດປັດຈຸບັນ ລູກສອງຄົນຂອງທ່ານລ້ວນແຕ່ໄດ້ສ້າງຄອບຄົວ ແລະ ມີການກດຳລົງຊີວິດເປັນປົກກະຕິ. ຈາກຄອບຄົວໜຶ່ງທີ່ທຸກຍາກ ມາຮອດປັດຈຸບັນຄອບຄົວທ່ານ ຈ່າ ໄດ້ບືນຕົວຂຶ້ນກາຍເປັນຄອບຄົວນອນໃນເປົ້າໝາຍທີ່ດີ ຕັ້ງໜ້າເຂົ້າຮ່ວມບັນດາຂະບວນການຢູ່ທ້ອງຖິ່ນ ເປັນຕົ້ນແມ່ນຂະບວນການຮ່ວມແຮງຮ່ວມໃຈກໍ່ສ້າງຊົນນະບົດໃໝ່. ທ່ານ ໂຮ່ມິງກວ່ຽນ ຫົວໜ້າສະມາຄົມນັກຮົບເກົ່າບ້ານ ສິບ ຕາແສງ ຫງວຽນຟິກ ແຂວງ ກ່າເມົາ ຕາລາຄາວ່າ:
“ທ່ານ ຈ່າ ມີຄວາມພະຍາຍາມທີ່ສຸດໃນການດຳລົງຊີວິດ. ເຂດດິນນີ້ຕິດສົມມານັບຕັ້ງແຕ່ກ່ອນມາ, ດັ່ງນັ້ນກໍ່ສ້າງຄວາມຫຍຸ້ງຍາກທີ່ສຸດ. ພາຍຫຼັງມາຍ້ອນການປູກຕົ້ນໄມ້, ທ່ານ ຈ່າ ໄດ້ພະຍາຍາມຕັ້ງໜ້າອອກແຮງງານຈຶ່ງສາມາດປູກໄດ້. ທ່ານ ຈ່າ ຍັງຫ້າວຫັນເຂົ້າຮ່ວບັນດາການເຄື່ອນໄຫວໃນສະມາຄົມ”.
ດ້ວຍຄວາມມານະພະຍາຍາມໃນການເຂົ້າຮ່ວມພັດທະນາເສດຖະກິດຄອບຄົວ, ເຂົ້າຮ່ວມບັນດາການຢູ່ທ້ອງຖິ່ນເປັນຢ່າງດີ, ທ່ານ ຫງວຽນວັນຈ່າ ໄດ້ຮັບໃບຍ້ອງຍໍຫຼາຍໃບຈາກບັນດາຂະແໜງການຂັ້ນຕ່າງໆ, ພິເສດໃນເດືອນ ກໍລະກົດ ປີ 2024 ທ່ານມີກຽດກາຍເປັນໜຶ່ງໃນ 4 ຄົນ ທີ່ມີຄຸນງາມຄວາມດີຂອງແຂວງ ກ່າເມົາ ໄດ້ຮັບການເລືອກເຟັ້ນເຂົ້າຮ່ວມກອງປະຊຸມຜູ້ມີຄຸນງາມຄວາມດີຕໍ່ການປະຕິບວັດອັນດີເດັ່ນທົ່ວປະເທດປີ 2024 ຢູ່ນະຄອນຫຼວງ ຮ່າໂນ້ຍ. ນີ້ແມ່ນການຮັບຮູ້ຍ້ອງຍໍຊົມເຊີຍແບບຢ່າງດີເດັ່ນຂອງອ້າຍທະຫານເສຍອົງຄະ ເຊິ່ງໄດ້ຜ່ານຜ່າຄວາມຫຍຸ້ງຍາກ ບືນຕົວຂຶ້ນໃນການດຳລົງຊີວິດ.
