ພິທີໄຫວ້ບູຊາພາວະນາໃຫ້ລະດູການຜະລິດໄດ້ຮັບຜົນດີໃນປີນີ້ ຖືກຈັດຂຶ້ນຢູ່ຫໍວັດທະນະທຳບ້ານ ສີຖວ້າຍ ໃນວັນທີ 25 ກໍລະກົດ. ນັບແຕ່ຮຸ່ງເຊົ້າຕົ້ນໄມ້ໄຜ່ໄດ້ຖືກຕັ້ງຂຶ້ນຢູ່ກາງເດີ່ນ, ຢູ່ທາງຂ້າງແມ່ນຮ້ານບູຊາດ້ວຍເຄື່ອງຂອງຖວາຍເທວະດາຟ້າແຖນ ລວມມີ ເຫຼົ້າ, ຕົ້ນໝາກ ໃບພູ, ໝູ, ໄກ່, ເຂົ້າໜຽວ… ພາຍຫຼັງທີ່ເຄືຶ່ອງຂອງໄດ້ກະກຽມເປັນທີ່ຮຽບຮ້ອຍແລ້ວ, ສຽງກອງ ແລະ ສຽງຄ້ອງໄດ້ຖືກດັງຂື້ນ ເພື່ອແນໃສ່ເຊື້ອເຊີນເທວະດາຟ້າແຖນ ແລະ ແຈ້ງໃຫ້ຊຸມຊົນຮັບຊາບ ກ່ຽວກັບການເຂົ້າຮ່ວມພິທີໄຫວ້ບູຊາຢູ່ໝູ່ບ້ານ.
ພາຍຫຼັງລະດູການຜະລິດໃນປີ ແລະ ກ່ອນທີ່ຈະກ້າວເຂົ້າສູ່ລະດູການຜະລິດໃໝ່, ພໍ່ແມ່ພີ່ນ້ອງໄດ້ຈັດພິທີຖວາຍບູຊາເທວະດາຟ້າແຖນ ແລະ ບັນພະບູລຸດ ພາວະນາໃຫ້ມີສຸຂະພາບແຂງແຮງ ດິນຟ້າກາດອຳນວຍຄວາມສະດວກ ລະດູການຜະໄດ້ຮັບຜົນດີ ຄອບຄົວອີ່ມໜຳສະລານ ແລະ ຊາວບ້ານມີຄວາມສາມັກຄີກັນ. ທ່ານ ເຊົາດູນລິງ ເຈົ້າພາບພິທີໄຫວ້ບູຊາພາວະນາໃຫ້ລະດູການຜະລິດໄດ້ຮັບຜົນດີ ຢູ່ບ້ານ ສີຖວ້າຍ ຕາແສງ ຊວັນແຫຼັງ ໃຫ້ຮູ້ວ່າ:
“ພິທີໄຫວ້ບູຊາພາວະນາ ລະດູການຜະລິດ ໄດ້ມີມາຈາກປູ່ຍ່າຕາຍາຍເມື່ອກ່ອນນີ້. ແຕ່ລະປີເມື່ອຮອດເດືອນ 5 ແລະ ເດືອນ 6, ດິນຟ້າອາກາດອຳນວຍຄວາມສະດວກເຮັດໃໃຫ້ການປູກຝັງໄດ້ຮັບຜົນດີ. ນັບແຕ່ກ່ອນເປັນຕົ້ນມາ ມູນເຊື້ອອັນດີງາມນີ້ ໄດ້ຖືກຮັກສາໄວ້ເປັນຢ່າງດີ. ແຕ່ລະປີກໍ່ທຳພິທີໄຫວ້ບູຊາຖືກຕາມຮີດຄອງປະເພນີຂອງຊາວເຜົ່າຕົນ”.
ໃນພິທີໄຫວ້ບູຊາຂອງຊາວເຜົ່າ ບານາ, ບັນດາໝໍພອນຈະປະຕິບັດພິທີກຳສາມຄັ້ງ, ລວມມີ ໄຫວ້ບູຊາເທວະດາຟ້າແຖນ, ໄຫວ້ບູຊາພາວະນາໃຫ້ລະດູການຜະລິດໄດ້ຮັບຜົນດີ ແລະ ໄຫວ້ບູຊາພາວະນາໃຫ້ມີສຸຂະພາບແຂງແຮງ. ພ້ອມກັນນັ້ນກໍ່ເຊື້ອເຊີນບັນພະບູລຸດ,ປູ່ຍ່າຕາຍາຍ ແລະ ບັນດາຜູ້ທີ່ໄດ້ລ່ວງຫຼັບໄປທີ່ມີຄຸນງາມຄວາມດີຕໍ່ໝູ່ບ້ານ ກໍ່ພ້ອມກັນມາຮ່ວມພິທີ. ເຈົ້າເຫຼົ່າ ຫງວຽນຫງອກເຈື່ອງ ໃຫ້ຮູ້ວ່າ: ພິທີໄຫວ້ບູຊາພາວະນາໃຫ້ລະດູການຜະລິດໄດ້ຮັບຜົນດີ ໂດຍໝູ່ບ້ານຈັດຂຶ້ນບົນພື້ນຖານການປະກອບສ່ວນຂອງຊຸມຊົນ. ເຈົ້າເຫຼົ່າ ຫງວຽນຫງອກເຈື່ອງ ໃຫ້ຮູ້ວ່າ:
“ສຳລັບຊາວບ້ານແລ້ວ ເມື່ອເວົ້າເຖິງພິທີໄຫວ້ບູຊາພາວະນາລະດູການຜະລິດໄດ້ຮັບຜົນດີນັ້ນ, ໃຜໆກໍ່ພາກພູມໃຈທຳພິທີເພື່ອການທຳມາຫາກິນໄດ້ຮັບຜົນດີ, ການລ້ຽງໝູ ລ້ຽງໄກ່ ປູກຝັງກໍ່ບັນລຸປະສິດທິຜົນ ຊາວບ້ານມີຄວາມເບີກບານມ່ວນຊື່ນ ແລະ ສົມບູນພູນສຸກ”.
ຢູ່ບ້ານ ສີຖວ້າຍ ບັນດາຄຸນຄ່າວັດທະນະທຳພື້ນເມືອງກໍ່ໄດ້ຮັບການປະຕິບັດ ຮັກສາ ແລະ ຖ່າຍທອດຈາກພໍ່ແມ່ພີ່ນ້ອງຊາວບ້ານ. ພິເສດນັບແຕ່ເມື່ອບ້ານ ສີຖວ້າຍ ໄດ້ຮັບການຮັບຮອງແມ່ນບ້ານວັດທະນະທຳທ່ອງທ່ຽວຊຸມຊົນນັ້ນ, ບັນດາພິທີກຳອັນເປັນປະເພນີຂອງຊາວເຜົ່າ ບານາ ກໍ່ໄດ້ຖືກວາດພາບຕາມຮູບການເວທີສະແດງ ເພື່ອກນະນຳໃຫ້ປະຊາຊົນ ແລະ ແຂກທ່ອງທ່ຽວຮັບຊາບ. ນາງ ລາທິອ໊ຽນ ຊາວເຜົ່າ ບານາ ໃຫ້ຮູ້ວ່າ:
“ເຮົາເອງແມ່ນຊາວເຜົ່າ ບານາ ແລະ ແມ່ນນັກຟ້ອນຢູ່ບ້ານ ສີຖວ້າຍ ຂ້າພະເຈົ້າຈະພະຍາຍາມຮັກສາບົດຟ້ອນ ແລະ ບັນດາວາດຟ້ອນຂອງເຜົ່າຕົນ”.
ສ່ວນທ່ານນາງ ຫງວຽນທຸ້ຍເຟືອງຫຽວ ຮອງຫົວໜ້າພະແນກວັດທະນະທຳ, ກິລາ ແລະ ທ່ອງທ່ຽວ ແຂວງ ດັກລັກ ໃຫ້ຮູ້ວ່າ:
“ທາງພະແນກກໍ່ພວມພ້ອມກັບອຳນາດການປົກຄອງທ້ອງຖິ່ນ ສ້າງແຜນການຜັນຂະຫຍາຍບັນດາໂຄງການແຫ່ງຊາດກໍ່ຄືບັນດາໂຄງການເປົ້າໝາຍອື່ນໆ ເຖິງປີ 2030. ໃນນັ້ນ ຈະພ້ອມກັບບັນດາພະແນກ ຂະແໜງການເລືອກເອົາເປົ້າໝາຍໃຫ້ແກ່ແຕ່ລະເຜົ່າ ເພື່ອອະນຸລັກຮັກສາ ແລະ ເສີມຂະຫຍາຍສີສັນຂອງແຕ່ລະເຜົ່າ
ບັນດາພິທີກຳຂອງຊາວເຜົ່າ ບານາ ຢູ່ ສີຖວ້າຍ ແລະ ຂອງບັນດາເຜົ່າສ່ວນໜ້ອຍອື່ນໆໃນແຂວງ ດັກລັກ ໄດ້ ແລະ ພວມຖືກວາດພາບຟື້ນຟູຫັນເປັນດີຈີຕອນ. ນີ້ເປັນພື້ນຖານສຳຄັນໃຫ້ແກ່ການຮັກສາແນະນຳ ຖ່າຍທອດປະກອບສ່ວນຮັກສາເສີມຂະຫຍາຍຄຸນຄ່າວັດທະນະທຳພື້ນເມືອງຂອງບັນດາເຜົ່າໃນແຂວງ ດັກລັກ.
