ຢູ່ເຂດຊາຍແດນແຂວງ ລາຍເຈົາ, ມີສະມາຊິກພັກຄົນໜຶ່ງ ເຊິ່ງແມ່ນຊາວເຜົ່າລາຫູ ຍັງຄົງມີຄວາມເປັນຫ່ວງໃນແຕ່ລະວັນໄດ້ໄປຮອດແຕ່ລະຄອບຄົວ ແລະ ເຂົ້າຮ່ວມກອງປະຊຸມໝູ່ບ້ານແຕ່ລະຄັ້ງ ເພື່ອຂົນຂວາຍພໍ່ແມ່ປະຊາຊົນລົບລ້າງຮີດເກົ່າຄອງເດີມ, ເອົາໃຈໃສ່ເຖິງການທຳມາຫາກິນ, ຮັກສາປ່າໄມ້, ຮັກສາເຂດຊາຍແດນ. ສຳລັບພໍ່ແມ່ພີ່ນ້ອງຢູ່ແຫ່ງນີ້ແລ້ວ ເຈົ້າເຫຼົ່າ ລີຊາປູ່ ບໍ່ພຽງແຕ່ແມ່ນຜູ້ທີ່ມີອິດທິພົນຊື່ສຽງເທົ່ານັ້ນ ຫາກຍັງແມ່ນຜູ້ຮັກສາຄວາມເຊື່ອໝັ້ນຢູ່ບັນດາໝູ່ບ້ານຊາວເຜົ່າລາຫູ
ໃນເຮືອນຫຼັງໜຶ່ງຢູ່ບ້ານ ຟາບູ່ ຕາແສງ ປ່າອູ່, ການໂຄສະນາເຜີຍແຜ່ໃນມື້ນັ້ນ ກໍ່ຄຶກຄື້ນມ່ວນຊື່ນກວ່າປົກກະຕິ. ຜູ້ເຖົ້າຜູ້ແກ່, ໄວໜຸ່ມ, ແມ່ຍິງ, ເດັກນ້ອງ ກໍ່ນັ່ງອ້ອມຮັບຟັງເຈົ້າເຫຼົ່າ ລາຊາປູ່ ໂອ້ລົມເລື່ອງ. ເຈົ້າເຫຼົ່າໄດ້ໄຈ້ແຍກໃຫ້ພໍ່ແມ່ພີ່ນ້ອງໃຫ້ມີຄວາມເຂົ້າໃຈວ່າ ເປັນຫຍັງຕ້ອງຫັນເນື້ອທີ່ປູກເຂົ້ານາທາມ ທີ່ບັນລຸປະສິດທິຜົນຕ່ຳມາປູກຕົ້ນຢາສະໜູນໄພ ເພື່ອເປີດທິດທາງຫຼຸດພົ້ນອອກຈາກຄວາມທຸກຍາກໃຫ້ແກ່ປະຊາຊົນເຂດພູສູງ. ເຈົ້າເຫຼົ່າ ລີຊາປູ່ ໃຫ້ຮູ່ວ່າ:
“ຕ້ອງພະຍາຍາມຢ່າງສຸດຂີດ ເພື່ອຂົນຂວາຍ ພໍ່ແມ່ພີ່ນ້ອງໃຫ້ມີຄວາມເຂົ້າໃຈ, ທຸກສິ່ງທຸກຢ່າງທີ່ເຮັດໄດ້ ແລະ ຍັງບໍ່ທັນເຮັດໄດ້. ເພື່ອຮັບປະກັນຊີວິດການເປັນຢູ່ໃຫ້ແກ່ປະຊາຊົນໄດ້ຮັບການປົວແປງເທື່ອລະກ້າວ, ດັ່ງນັ້ນ ເຮົາພຽງແຕ່ພະຍາຍາມຂົນຂວາຍພໍ່ແມ່ປະຊາຊົນທຳມາຫາກິນ, ອອກແຮງງານທຳການຜະລິດ ເພື່ອໃຫ້ພໍຢູ່ພໍກິນ”.
(ພາບ: VOV)
ນັບແຕ່ປີ 2020 ມາຮອດປັດຈຸບັນ ເຈົ້າເຫຼົ່າ ລີຊາປູ່ ໄດ້ເຂົ້າຮ່ວມການໂຄສະນາເຜີຍແຜ່ນັບຮ້ອຍຄັ້ງຢູ່ໝູ່ບ້ານຕ່າງທີ່ເຂດພູສູງຊາຍແດນ. ບັນດາຄຳເວົ້າອະທິບາຍທີ່ລຽບງ່າຍ ແຕ່ເຕັມໄປດ້ວຍຄວາມຮັບຜິດຊອບຂອງເຈົ້າເຫຼົ່າ ໄດ້ປະກອບສ່ວນເຮັດໃຫ້ພໍ່ແມ່ພີ່ນ້ອງເຜົ່າລາຫູ ປ່ຽນແປງລະດັບຄວາມຮັບຮູ້. ປັດຈຸບັນບັນດາໝູ່ບ້ານ ຟາປູ່, ຫຍູມາ, ຫວາປູ່ ຫຼື ເຕິ່ນບຽນ ກໍ່ມີຫຼາຍຄອບຄົວໄດ້ຮູ້ວິທີປູກເຂົ້ານາທາມ, ລ້ຽງສັດ, ປູກຕົ້ນຢາສະໜູນໄພ, ນຳໃຊ້ໂທລະສັບມືຖືສະມາດໂຟນ ເພື່ອແລກປ່ຽນຊື້ຂາຍສິນຄ້າ. ເດັກນ້ອຍກໍ່ໄດ້ໄປໂຮງຮຽນ.
ໂດຍໄດ້ຮັບຟັງຕາມຄຳຂົນຂວາຍຂອງເຈົ້າເຫຼົ່າ ລີຊາປູ່, ອ້າຍ ຟານເລຊາ ໄດ້ກ້າຫານຫັນມາປູກຕົ້ນຢາສະໜູນໄພ. ພາຍຫຼັງປະຕິບັດເປັນເວລາສອງສາມປີ ຄອບຄົວອ້າຍ ຟານເລຊາ ກໍ່ໄດ້ມີລາຍຮັບປົກກະຕິສາມາດຫຼຸດພົ້ນອອກຈາກຄວາມທຸກຍາກ. ອ້າຍ ຟານເລຊາ ໃຫ້ຮູ້ວ່າ:
“ລຸງ ປູ່ ແມ່ນຜູ້ສຸດຈິດສຸດໃຈຕໍ່ໝູ່ບ້ານ. ຍາມໃດກໍ່ລົງຮອດແຕ່ລະໝູ່ບ້ານເພື່ອຂົນຂວາຍ ປຸກລະດົມໃຫ້ກຳລັງໃຈຊ່ວຍເຫຼືອປະຊາຊົນ. ລຸງຍາມໃດກໍ່ຊີ້ບອກໃຫ້ຊາວບ້ານທຸກສິ່ງທຸກຢ່າງທີ່ດີ ແລະ ຂົນຂວາຍພໍ່ແມ່ພີ້ນ້ອງ ສ້າງຂະບວນການສັງຄົມໃຫ້ເປັນຢ່າງດີ”.
ບໍ່ພຽງແຕ່ແມ່ນຜູ້ມີອິດທິພົນຊື່ສຽງໃນວົງຄະນາຍາດເທົ່ານັ້ນ ເຈົ້າເຫຼົ່າ ລີຊາປູ່ ຍັງແມ່ນຂົວເຊື່ອມຕໍ່ລະຫວ່າງອຳນາດການປົກຄອງກັບປະຊາຊົນ. ທ່ານ ດ່າວວັນທຶກ ຮອງປະທານສະພາປະຊາຊົນ ຕາແສງ ປ່າອູ່ ແຂວງ ລາຍເຈົາ ໃຫ້ຮູ້ວ່າ:
“ລຸງ ລີຊາປູ່ ແມ່ນຜູ້ທີ່ພົ້ນເດັ່ນໃນບັ້ນຂົນຂວາຍພໍ່ແມ່ປະຊາຊົນ ສ້າງຊີວິດເປັນປົກກະຕິ. ຂົນຂວາຍພໍ່ແມ່ປະຊຊົນເຮັດອະນາໄມໃນໝູ່ບ້ານ ພັດທະນາເສດຖະກິດ. ຄອບຄົວຂອງລຸງກໍ່ແມ່ນຄອບຄົວເປັນແບບຢ່າງໃນການພັດທະນາເສດຖະກິດ. ປັດຈຸບັນລຸງຍັງສືບຕໍ່ຂົນຂວາຍປະຊາຊົນຫັນປ່ຽນຈາກການປູກເຂົ້າທີ່ມີປະສິດທິຜົນຕ່ຳໄປສູ່ການປູກຕົ້ນຢາສະໝູນໄພ ທີ່ໃຫ້ມູນຄ່າເສດຖະກິດສູງ”.
ເກີດປີ 1954 ເຈົ້າເຫຼົ່າ ລີຊາປູ່ ແມ່ນໜຶ່ງໃນຈຳນວນສະມາຊິກພັກທຳອິດຂອງພໍ່ແມ່ພີ່ນ້ອງເຜົ່າລາຫູ ຢູ່ຕາແສງ ປ່າອູ່. ປັດຈຸບັນເຖິງວ່າອາຍຸສູງແລ້ວກໍ່ຕາມ ແຕ່ເຈົ້ົ້າເຫຼົ່າ ລີຊາປູ່ ຍັງຄົງເອົາໃຈໃສ່ລົງແຕ່ລະໝູ່ບ້ານ ເພື່ອໂຄສະນາຂົນຂວາຍປະຊາຊົນທຳການອອກແຮງງານພັດທະນາເສດຖະກິດ ຮັກສາປ່າໄມ້ ຮັກສາໝູ່ບ້ານເຂດຊາຍແດນ.
