ເພື່ອນ Didarul Iqbal ໄດ້ສົ່ງຈົດໝາຍມາຈາກບັງກາລະເທດ ໂດຍໄດ້ຂຽນວ່າ: ໃນຫຼາຍປີຜ່ານມາ, ສຳລັບພວກຂ້າພະເຈົ້າແລ້ວ ວິທະຍຸກະຈາຍສຽງ ຫວຽດນາມ ບໍ່ພຽງແຕ່ແມ່ນວິທະຍຸກະຈາຍສຽງສາກົນເທົ່ານັ້ນ, ຫາກຍັງແມ່ນຂົວເຊື່ອມຕໍ່ມິດຕະພາບນຳ ຫວຽດນາມ ຫຍັບເຂົ້າໃກ້ກັບຜູ້ຟັງບັງກາລະເທດຫຼາຍກວ່າ, ປະກອບສ່ວນເພີ່ມທະວີຄວາມເຂົ້າໃຈ ແລະ ນ້ຳໃຈລະຫວ່າງປະຊາຊົນສອງປະເທດອີກດ້ວຍ.
ທ່ານ José Ignacio Cos Lezama ມາຈາກແອັດສະປາຍ ໄດ້ຂຽນວ່າ: ຂ້າພະເຈົ້າໄດ້ຕິດຕາມບັນດາບົດຂຽນ ແລະ ເອກະສານກ່ຽວກັບ ປະທານໂຮ່ຈີມິນ ເນື່ອງໃນໂອກາດສະເຫຼີມສະຫຼອງວັນເກີດຂອງເພິ່ນ ຄົບຮອບ 136 ປີ. ນີ້ແມ່ນໂອກາດເພື່ອພ້ອມກັນຫວນຄືນບັນດາຜົນສຳເລັດເຊິ່ງ ຫວຽດນາມ ບັນລຸໄດ້ໃນເສັ້ນທາງພັດທະນາເພື່ອຄວາມຜາສຸກ ແລະ ການດຳລົງຊີວິດຂອງປະຊາຊົນ.
ຈາກແອັດສະປາຍ, ທ່ານຜູ້ຟັງ Juan Diez ຖືວ່າ: ອາຊີຕາເວັນອອກສ່ຽງໃຕ້ແມ່ນເຂດທີ່ມີຄວາມງາມພິເສດ. ຫວຽດນາມ ມີຄວາມເປັນກຽດນອນໃນຈຳນວນສະຖານທີ່ທ່ອງທ່ຽວເຊິ່ງແຂກທ່ອງທ່ຽວນິຍົມທີ່ສຸດ. ຫວຽດນາມ ພວມຢັ້ງຢືນຖານະບົດບາດແມ່ນໜຶ່ງໃນບັນດາຈຸດນັດພົບຂອງ ອາຊຽນ, ດ້ວຍບັນດາວິວັດການທີ່ເປັນໜ້າຈັບໃຈ, ຄ່າໃຊ້ຈ່າຍເໝາະສົມ ແລະ ມີນາໆຄວາມງາມທີ່ເປັນໜ້າຈົດຈຳ.
ທ່ານ ຄຳສິງ ວິໄລວົງ ຢູ່ແຂວງວຽງຈັນ ໄດ້ໂທມາຫາລາຍການດ້ວຍຄຳຖາມກ່ຽວກັບ Festival ເຫ້ວ. ເພື່ອນຢາກຮູ້ວ່າ ວັນບຸນນີ້ໄດ້ຈັດຂຶ້ນຄືແນວໃດ ແລ ປີນີ້ ໄດ້ຈັດຂຶ້ນຈັກມື້?
ເພື່ອນ ຄຳສິງ ວິໄລວົງ ທີ່ຮັກແພງ, Festival ເຫ້ວ 2026 ສືບຕໍ່ໄດ້ຈັດຂຶ້ນຕາມຮູບແບບ Festival ສີ່ລະດູ, ດ້ວຍບັນດາການເຄື່ອນໄຫວ, ລາຍການ, ເຫດການວັດທະນະທຳ, ສິລະປະ, ກິລາທີ່ເຂັ້ມຂຸ້ນໄປດ້ວຍຈຸດວັດທະນະທຳທີ່ເປັນເອກະລັກສະເພາະຂອງເຂດເມືອງເກົ່າ, ປະສານສົມທົບກັບພົບປະແລກປ່ຽນສາກົນ, ເຊິ່ງໄດ້ດຳເນີນໃນຕະຫຼອດປີ. ຜ່ານນັ້ນ ໄດ້ສ້າງບັນຍາກາດວັນບຸນທີ່ຟົດຟື້ນ, ອົບອຸ່ນ, ປະກອບສ່ວນເພີ່ມການລົງຕົວຈິງໃຫ້ແກ່ປະຊາຊົນ ແລະ ແຂກທ່ອງທ່ຽວເມື່ອມາເຫ້ວ. ໃນນັ້ນ, ວັນບຸນລະດູບານໃໝ່ໄດ້ແກ່ຍາວເປັນເວລາ 3 ເດືອນຕົ້ນປີ, ດ້ວຍຈຸດເດັ່ນແມ່ນລາຍການປະກາດ Festival ເຫ້ວ 2026 ແລະ ວາດພາດຫວນຄືນວັນບຸນ ບ້ານຊອັກ ລາດຊະວົງຫງວຽນ, ພ້ອມກັບຫຼາຍການເຄື່ອນໄຫວວັດທະນະທຳບຸນເຕັດເຫ້ວ ທີ່ອຸດົມສົມບູນ, ຫວນຄືນບັນຍາກາດບຸນເຕັດທີ່ເປັນມູນເຊື້ອປະສານສົມທົບກັບບັນດາລາຍການສະແດງສິລະປະຍຸກສະໄໝ.
ແຕ່ເດືອນເມສາ ຫາເດືອນມິຖຸນາ ແມ່ນວັນບຸນລະດູຮ້ອນ, ເອົາສັບປະດາ Festival ເຫ້ວ 2026 ດ້ວຍຫົວຂໍ້ “ມໍລະດົກວັດທະນະທຳດ້ວຍການເຊື່ອມໂຍງ ແລະ ພັດທະນາ” ແມ່ນຈຸດເດັ່ນ. ບັນດາເຫດການຈຸດສຸມຈະເຕົ້າໂຮມບັນດາລັກສະນະທີ່ເປັນເອກະລັກສະເພາະຂອງມໍລະດົກວັດທະນະທຳ ເຫ້ວ ພ້ອມກັບສີສັນຂອງຄະນະສະແດງສິລະປະ ພາຍໃນປະເທດ ແລະ ສາກົນ, ໂດຍຈັດຢູ່ບັນດາສະຖານທີ່ມໍລະດົກທີ່ໄດ້ຮັບການຟື້ນຟູ, ສ້າງການພົບປະແລກປ່ຽນ ແລະ ການລົງຕົວຈິງໃໝ່ໃຫ້ແກ່ມະຫາຊົນ.
ບັນດາວັນບຸນລະດູໃບໄມ້ຫຼົ່ນ ແລະ ລະດູໜາວສືບຕໍ່ໄດ້ຈັດຂຶ້ນດ້ວຍຫຼາຍການເຄື່ອນໄຫວວັດທະນະທຳ, ສິລະປະ, ວັນບຸນພື້ນເມືອງ, ວັນບຸນປະເພນີ ແລະ ບັນດາລາຍການລະຫຼິ້ນບັນເທິງ, ປະກອບສ່ວນເຮັດໃຫ້ຊີວິດທາງດ້ານວັດທະນະທຳອຸດົມສົມບູນຂຶ້ນຕື່ມ, ຊຸກຍູ້ການພັດທະນາການທ່ອງທ່ຽວ ແລະ ເສດຖະກິດ - ສັງຄົມທ້ອງຖິ່ນ. Festival ເຫ້ວ 2026 ມີຄວາມໝາຍສຳຄັນພິເສດໃນສະພາບການເຫ້ວສຸມໃສ່ສ້າງ ແລະ ພັດທະນານະຄອນຂຶ້ນກັບສູນກາງ, ບົນພື້ນຖານອະນຸລັກຮັກສາ, ເສີມຂະຫຍາຍຄຸນຄ່າມໍລະດົກເຂດເມືອງເກົ່າ ແລະ ສີສັນວັດທະນະທຳເຫ້ວ, ຕິດພັນກັບການກຳນົດທິດພັດທະນາສີຂຽວ, ເປັນມິດກັບສິ່ງແວດລ້ອມ ແລະ ອັດສະລິຍະ.
ເພື່ອນ ບົວສອນ ພິມມາລາວັນ ໄດ້ສົ່ງອີເມວມາຍັງລາຍການດ້ວຍເນື້ອໃນ: ອາທິດຜ່ານມາ, ຂ້າພະເຈົ້າໄດ້ອ່ານຂາວໃນເວັບໄຊຂອງລາຍການ ແລະ ເຫັນຂ່າວກ່ຽວກັບຜະລິດຕະພັນ OCOP ຂອງແຂວງເຊີນລາ, ຂ້າພະເຈົ້າມີຄວາມເອົາໃຈໃສ່ທີ່ສຸດຕໍ່ຂໍ້ມູນນີ້. ຫວັງວ່າ ບັນດາບັນນາທິການລາຍການພາກພາສາລາວ ຈະໃຫ້ຮູ້ຕື່ມກ່ຽວກັບບັນດາຜະລິດຕະພັນ OCOP ມາຈາກແຂວງເຊີນລາ. ຂໍຂອບໃຈ.
ເພື່ອນ ບົວສອນ ທີ່ຮັກແພງ, ຄືດັ່ງທີ່ເພື່ອນໄດ້ຮູ້, ພາຍຫຼັງເວລາກວ່າ 8 ປີທີ່ຜັນຂະຫຍາຍ, ມາຮອດປັດຈຸບັນ, ແຂວງເຊີນລາ ມີ 214 ຜະລິດຕະພັນ OCOP, ລວມມີ 5 ໝວດຫຼັກແມ່ນອາຫານການກິນ, ເຄື່ອງດື່ມ, ຢາສະໝູນໄພ, ເຄື່ອງທີ່ລະນຶກ ແລະ ການບໍລິການທ່ອງທ່ຽວເຂດຊົນນະບົດ. ໃນນັ້ນ ມີຜະລິດຕະພັນ 5 ດາວ 1 ຜະລິດຕະພັນ; 4 ດາວ 62 ຜະລິດຕະພັນ; 3 ດາວ 151 ຜະລິດຕະພັນ. ການສ້າງບັນດາຜະລິດຕະພັນ OCOP ໄດ້ສ້າງກຳລັງກ້າວກະໂດດໃຫ້ແກ່ກະສິກຳ, ຊົນນະບົດ ແລະ ຊາວກະສິກອນໃນແຂວງ, ເສີມຂະຫຍາຍລັກສະນະປະດິດຄິດສ້າງຂອງຊາວກະສິກອນສ້າງບັນດາລະບົບເຊື່ອມຕໍ່ໃນການຜະລິດ, ການຈຳໜ່າຍ, ເປັນຕົ້ນແມ່ນການຍູ້ແຮງການໂຄສະນາ, ການຈຳໜ່າຍຜະລິດຕະພັນຜ່ານບັນດາພື້ນຖານດີຈີຕອນ. ພົ້ນເດັ່ນແມ່ນອາດເວົ້າເຖິງຜະລິດຕະພັນຈຳນວນໜຶ່ງຄື: ແປ້ງກາເຟ, ຊາເປືອກກາເຟ, ຊາຈ້ອງງວຽນ, ຊາແຊງໄມ, ຊາ ແຊນຈາ, ເຫັດລິນຈື່, ໂສມງອກລິງ, ຊາ ຊານພິເສດ… ບັນດາຜະລິດຕະພັນໄດ້ຂຸດຄົ້ນທ່າໄດ້ປຽບສູງສຸດຈາກທຳມະຊາດ ແລະ ພູມປັນຍາທ້ອງຖິ່ນ.
