ການຫັນເປັນດີຈີຕອນ ພວມສ້າງບັນດາການປ່ຽນແປງຢ່າງແຮງໃນຫຼາຍຂົງເຂດຂອງຊີວິດປະຈຳວັນ, ໃນນັ້ນມີຂົງເຂດຄົມມະນາຄົມ. ຢູ່ຮ່າໂນ້ຍ, ການຜັນຂະຫຍາຍບັນດາບ່ອນຝາກລົດອັດສະລິຍະ ດ້ວຍລະບົບຈົດລະບຸປ້າຍລົດແບບອັດຕະໂນມັດ, ການຊຳລະບໍ່ໃຊ້ເງິນສົດ ແລະ ການຄຸ້ມຄອງຂໍ້ມູນດີຈີຕອນ ບໍ່ພຽງແຕ່ນຳມາເຊິ່ງຄວາມສະດວກໃຫ້ແກ່ປະຊາຊົນເທົ່ານັ້ນ ຫາກຍັງປະກອບສ່ວນຍົກສູງປະສິດທິຜົນໃນການຄຸ້ມຄອງບໍລິຫານ, ຄວາມໂປ່ງໃສໃນການເຄື່ອນໄຫວຂຸດຄົ້ນ ແລະ ສ້າງຕົວເມືອງອັດສະລະຍະເທື່ອລະກ້າວ.
ຢູ່ສະຖານທີ່ຝາກລົດຫຼາຍແຫ່ງໃນບໍລິເວນ ຮ່າໂນ້ຍ, ແທນທີ່ຕ້ອງລໍຖ້າເອົາປີ້ເຈ້ຍຄືເມື່ອກ່ອນ, ປັດຈຸບັນພຽງແຕ່ລໍຖ້າ 1 – 2 ວິນາທີ, ກອງຖ່າຍຈະລະບຸປ້າຍລົດແບບອັດຕະໂນມັດ, ບັນທຶກເວລາຝາກລົດ ແລະ ເປີດ barie ໃຫ້ພາຫະນະໄປຜ່ານ. ເມື່ອເອົາລົດອອກ, ເຈົ້າຂອງພາຫະນະ ພຽງແຕ່ scan QR ຫຼື ຊຳລະແບບເອເລັກໂຕນິກເທົ່ານັ້ນ. ທຸກຂັ້ນຕອນໄດ້ດຳເນີນຢ່າງວ່ອງໄວ, ລູກຄ້າບໍ່ຕ້ອງລຽນແຖວຖ້າ ຫຼືກະກຽມເງິນສົດ. ທ່ານນາງ ຫງວຽນບາວງອກ, ຜູ້ຄຸ້ມຄອງໂຄງການເຂດພາກເໜືອ Hikvision ຫວຽດນາມ ໃຫ້ຮູ້ວ່າ ມາດຕະການຈັດບ່ອນຈອດລົດອັດສະລິຍະ ໄດ້ຜັນຂະຫຍາຍພາຍໃຕ້ການປະສານສົມທົບຂອງລະບົບກ້ອງວົງຈອນຕິດຕາມ, ກ້ອງວົງຈອນອັດສະລິຍະ ແນະນຳການຈອດລົດ ແລະ ຊອບແວຄຸ້ມຄອງສະຖານທີ່ຈອດລົດແບບອັດສະລິຍະ.
ມາດຕະການຈັດ mapparking ຈະແກ້ໄຂບັນດາຂໍ້ຄົງຄົງຂອງສະຖານທີ່ຝາກລົດແບບເກົ່າ ຄື ຜູ້ນຳໃຊ້ຕ້ອງຊອກຫາສະຖານທີ່ຝາກລົດ, ຊຳລະດ້ວຍເງິນສົດ, ຈາກສິ່ງນັ້ນ ໄດ້ຊ່ວຍໃຫ້ຄະນະຄຸ້ມຄອງບໍລິຫານມີປະສິດທິຜົນກ່ວາ, ສະດວກກວ່າ ແລະ ຍົກສູງການປະພຶດຕົວຈິງຂອງຜູ້ນຳໃຊ້.
ຕາມທ່ານ ດັ້ງວັນຈິງ, ຜູ້ຕາງໜ້າຄະນະຮັກສາຄວາມປອດໄພ 1, ສູນການຄ້າ ຢູ່ຕາແສງ ຕືລຽມ ແລ້ວ, ການໝູນໃຊ້ເຕັກໂນໂລຢີ, ການຫັນເປັນດີຈີຕອນ ບໍ່ພຽງແຕ່ຊ່ວຍໃຫ້ປະຊາຊົນມີຄວາມສະດວກ່ວາ, ຫາກຍັງຊ່ວຍໃຫ້ຫົວໜ່ວຍຄຸ້ມຄອງຄວບຄຸມການເຄື່ອນໄຫວທັງໝົດຂອງສະຖານທີ່ຈອດລົດ. ນັບແຕ່ຈຳນວນລົດພວມຝາກ, ເວລາຈອດ, ລາຍຮັບຕະຫຼອດຮອດປະຫວັດການທຸລະກຳ ລ້ວນແຕ່ໄດ້ອັບເດດບົນລະບົບຂໍ້ມູນເອເລັກໂຕນິກ. ສິ່ງນີ້ຊ່ວຍຫຼຸດຜ່ອນການຮົ່ວໄຫຼຫຼາຍພໍສົມຄວນ, ຍົກສູງລັກສະນະໂປ່ງໃສ ແລະ ປະສິດທິຜົນການຂຸດຄົ້ນໄດ້ສູງສຸດ.
ເມື່ອທຽບໃສ່ກັບການຝາກລົດແບບເກົ່າແລ້ວ ການຜັນຂະຫຍາຍແບບອັດຕະໂນມັດ ທີ່ພວມໄດ້ໝູນໃຊ້ຢູ່ສູນການຄ້າ, ພວກເຮົາເຫັນວ່າມີຄວາມສະດວກກວ່າຫຼາຍໃຫ້ແກ່ລູກຄ້າ. ຍ້ອນມີເຕັກໂນໂລຢີແບບອັດຕະໂນມັດ, ລະບົບຊ່ວຍຄຸ້ມຄອງຈຳນວນລົດຝາກຫຼາຍສູງສຸດ, ຫຼຸດເວລາຊອກລົດລົງ. ໃນກໍລະນີລືມວ່າລົດຂອງຕົນຈອດຢູ່ໃສ, ຂ້າພະເຈົ້ານຳໃຊ້ຊອບແວເພື່ອຊອກບ່ອນທີ່ລົດພວມຈອດຢູ່.
ເລື່ອງ ຮ່າໂນ້ຍ ຍູ້ແຮງການໝູນໃຊ້ເຕັກໂນໂລຢີຂໍ້ມູນ, ປະຕິບັດການຊຳລະເອເລັກໂຕນິກ ແມ່ນເພື່ອແນໃສ່ສ້າງຮາກຖານຂໍ້ມູນຄົມມະນາຄົມທີ່ເປັນເອກະພາບ, ຮັບໃຊ້ວຽກງານບໍລິຫານຕົວເມືອງ. ເມື່ອຂໍ້ມູນຈາກບັນດາສະຖານທີ່ຝາກລົດ ໄດ້ເຊື່ອມຈອດກັນ, ອົງການຄຸ້ມຄອງອາດສາມາດຕິດຕາມຈຳນວນພາຫະນະ, ອັດຕາສ່ວນການຂຸດຄົ້ນ, ຄວາມຕ້ອງການຝາກລົດຕາມແຕ່ລະເຂດເພື່ອຍົກອອກມາດຕະການດັດສົມໃຫ້ເໝາະສົມ. ພ້ອມກັນນັ້ນ, ປະຊາຊົນໃນອະນາຄົດ ອາດສາມາດຊອກຫາສະຖານທີ່ຝາກລົດທີ່ຍັງມີບ່ອນຝາກ, ຈອງກ່ອນ ແລະ ຊຳລະທາງໄກໄດ້ໃນໂປຼແກຼມດຽວ. ເຖິງຢ່າງໃດກໍຕາມ, ຕາມທ່ານ ຫງວຽນງອກກວາງ ນັກຊ່ຽວຊານຄົມມະນາຄົມຕົວເມືອງແລ້ວ, ເພື່ອໃຫ້ວິວັດການຫັນເປັນດີຈີຕອນໄດ້ດຳເນີນຢ່າງຄົບຊຸດ ຍັງມີຫຼາຍວຽກທີ່ຕ້ອງໄດ້ເຮັດ, ນັບແຕ່ຂັ້ນຕອນບູລະນະພື້ນຖານໂຄງລ່າງເຕັກໂນໂລຢີ ຕະຫຼອດຮອດການເຊື່ອມຕໍ່ຖານຂໍ້ມູນລະຫວ່າງບັນດາຫົວໜ່ວຍຂຸດຄົ້ນ.
ການຫັນເປັນຂໍ້ມູນເປັນດີຈີຕອນ ແລະ ມຸ່ງໄປເຖິງການຄຸ້ມຄອງທັງໝົດດ້ວຍລະບົບເອເລັກໂຕນິກແມ່ນດີທີ່ສຸດ. ເຖິງຢ່າງໃດກໍຕາມ, ໃນຕົວຈິງ ຍັງມີຫຼາຍກໍລະນີທີ່ຈຳເປັນ ເຂົາເຈົ້າຍັງຕ້ອງຊຳລະດ້ວຍເງິນສົດ. ນີ້ແມ່ນປັດໄຈຕ້ອງໄດ້ຄິດໄລ່ກ່ອນ ໃນບັນຫາການຄຸ້ມຄອງ.
ບັນດານັກຊ່ຽວຊານໃຫ້ຂໍ້ສັງເກດວ່າ ການຄົມມະນາຄົມອັດສະລິຍະບໍ່ພຽງແຕ່ແມ່ນເສັ້ນທາງທີ່ທັນສະໄໝ ຫຼື ລະບົບກ້ອງວົງຈອນຕິດຕາມເທົ່ານັ້ນ ຫາກຍັງລວມມີທັງການຄຸ້ມຄອງບັນດາສະຖານທີ່ຝາກລົດຢ່າງມີປະສິດທິຜົນນຳອີກ. ເມື່ອບ່ອນຈອດລົດແຕ່ລະບ່ອນໄດ້ຫັນເປັນດີຈີຕອນ, ແຕ່ລະທຸລະກຳລ້ວນແຕ່ໂປ່ງໃສ ແລະ ຂໍ້ມູນໄດ້ອັບເດດຢ່າງຕໍ່ເນື່ອງ, ນະຄອນຈະມີເຄື່ອງມືຕື່ມອີກເພື່ອຫຼຸດຜ່ອນລົດຕິດ, ຈຳກັດສະພາບການຈອດລົດແບບຜິດກົດໝາຍ ແລະ ຍົກສູງປະສິດທິຜົນໃນການນຳໃຊ້ພື້ນຖານໂຄງລ່າງ.
