ໂດຍເຄີຍດຳລົງຊີວິດຢູ່ແບບກະແຈກກະຈາຍໃນເຂດທີ່ມີຄວາມສ່ຽງເກີດດິນເຊາະເຈື່ອນ, ນໍ້າຖ້ວມ, ຫຼາຍຄອບຄົວຂອງຊາວເຜົ່າ ຢ້າວ ຢູ່ບ້ານ ນ້ຳຢ້າງ, ຕາແສງ ມິງຄາຍ, ແຂວງ ກາວບັ່ງ ໄດ້ຍ້າຍໄປຢູ່ເຂດຕັ້ງຖິ່ນຖານຄົງທີ່ຄືນໃໝ່ທີ່ມີໄຟຟ້າ, ນໍ້າປະປາ ແລະ ທາງຄົມມະນາຄົມທີ່ສະດວກສະບາຍກວ່າ. ພ້ອມກັບແຫຼ່ງກຳລັງລົງທຶນຂອງລັດ, ຄວາມເຫັນດີເຫັນພ້ອມຂອງປະຊາຊົນໄດ້ປະກອບສ່ວນເຂົ້າໃນການກໍ່ສ້າງເຂດດຳລົງຊີວິດໃໝ່ໃຫ້ແກ່ບັນດາຄອບຄົວ.
"ການດຳລົງຊີວິດໃນເມື່ອກ່ອນປະສົບກັບຄວາມຫຍຸ້ງຍາກຫຼາຍ, ຫຼາຍຄອບຄົວເຄເຄີຍຢູຕາມຮອມພູ,ຫ້ວຍຮອງ, ບໍ່ມີໄຟຟ້າແລະ ນໍ້າປະປາໃຊ້, ຕ້ອງຂ້າມຫ້ວຍນ້ຳເພື່ອໄປມາ. ແຕ່ສອງປີມານີ້, ຄອບຄົວໄດ້ປູກຕົ້ນແຄ່, ຊີວິດກໍ່ດີຂຶ້ນຫຼາຍ. ໄຟຟ້າ, ນໍ້າ ໃຊ້ກໍ່ມີຢ່າງພຽງພໍແລ້ວ".
ນັ້ນແມ່ນຄຳແບ່ງປັນຂອງອ້າຍ ຈ້ຽວວັນຟຸ້ງ,ຢູ່ບ້ານ ນ້ຳຢ້າງ, ເມື່ອເວົ້າເຖິງບ່ອຍຢູ່ອາໄສແຫ່ງໃໝ່.
ກ່ອນທີ່ຈະກໍ່ສ້າງເຂດຕັ້ງຖິ່ນຖານຄົງທີ່ໃໝ່, ມີຫຼາຍຄອບຄົວຊາວ ເຜົ່າຢ້າວ ຢູ່ ນ້ຳຢ້າງ ດຳລົງຊີວິດແບບກະແຈກກະຈາຍຢູ່ລຽບຕາມຫ້ວຍຮອງ ແລະ ເນີນພູ. ເສັ້ນທາງໄປມາປະສົບກັບຄວາມຫຍຸ້ງຍາກ, ໄຟຟ້າ, ນ້ຳໃຊ້ຍັງຂາດເຂີນ, ເຮັດໃຫ້ເລື່ອງພາເດັກນ້ອຍໄປໂຮງຮຽນ, ໄປກວດພະຍາດ ຫຼື ຂົນສົ່ງສິນຄ້າກະສິກຳປະສົບກັບຄວາມຫຍຸ້ງຍາກຫຼາຍຢ່າງ. ເມື່ອຮອດລະດູຝົນ, ປະຊາຊົນກໍອາໄສຢູ່ໃນເຮືອນ ນອນຢູ່ເຂດທີ່ມີຄວາມສ່ຽງເກີດດິນເຊາະເຈື່ອນ,ນໍ້າຖ້ວມຂຶ້ນສູງ. ໃນປີ 2021, ໂຄງການຈັດສັນເຂດຊຸມຊົນທີີ່ຖືກໄພທຳມະຊາດຢູ່ ນ້ຳຢ້າງ, ປໍ່ລ່າງ ໄດ້ຮັບການອະນຸມັດ. ໂຄງການນີ້ໄດ້ຮັບການຈັດແບ່ງທຶນຈາກງົບປະມານສູນກາງ ແລະ ບັນດາໂຄງການເປົ້າໝາຍແຫ່ງຊາດ, ເພື່ອຍົກຍ້າຍປະຊາຊົນອອກຈາກເຂດທີ່ມີຄວາມສ່ຽງຈາກໄພທຳມະຊາດ, ສ້າງເງື່ອນໄຂຮັກສາການດຳລົງຊີວິດທີ່ເປັນປົກກະຕິ.
ທ່ານ ຈຽວວັນເຊີນ, ອະດີດເລຂາໜ່ວຍພັກ, ອະດີດປະທານບ້ານ ນ້ຳຢ້າງ, ໃຫ້ຮູ້ວ່າ:
“ພວກຂ້າພະເຈົ້າໄດ້ປະຕິບັດການສຳຫຼວດແລ້ວ ແລະ ຂໍຄວາມເຫັນຂອງພໍ່ແມ່ປະຊາຊົນ. ຂ້າພະເຈົ້າໄດ້ຖາມປະຊາຊົນໂດຍກົງວ່າ ເຂດໃດກວ້າງຂວາງແມ່ນຈະຂົນຂວາຍໃຫ້ປະຊາຊົນຈົ່ງບໍລິຈາກທີ່ດິນ. ສຳລັບເຂດດິນໃນປະຈຸບັນ, ພໍ່ແມ່ປະຊາຊົນທຸກຄົນລ້ວນແຕ່ເຫັນດີ ຍ້ອນລັດໄດ້ກໍ່ສ້າງໃຫ້ແກ່ປະຊາຊົນຢູ່ອາໄສ”.
ມີກວ່າ 10 ຄຄອບຄົວສະໝັກໃຈບໍລິຈາກທີ່ດິນເພື່ອກໍ່ສ້າງເຂດຕັ້ງຖິ່ນຖານຄົງທີ່ຄືນໃໝ່. ໃນນັ້ນ, ຄອບຄົວຂອງອ້າຍ ຈ້ຽວວັນຢຸງ ໄດ້ມອບເນື້ອທີ່ດິນປູກຝັງ 7.000 ຕາແມັດ.
“ໃນຈຸດເວລານັ້ນ, ທ່ານປະທານບ້ານກໍ່ບອກວ່າ ໂຄງການນີ້ໄດ້ຮັບການໜູນຊ່ວຍຈາກລັດ ໃຫ້ແກ່ພໍ່ແມ່ປະຊາຊົນ, ສະນັ້ນ ຂ້າພະເຈົ້າຈຶ່ງບອກກັບເມຍວ່າ ຄອບຄົວຂອງພວກເຮົາກໍ່ກະກຽມທີ່ດິນເພື່ອບໍລິຈາກໃຫ້ພໍ່ແມ່ປະຊາຊົນໃນບ້ານທຸກຄົນເພື່ອພ້ອມກັນໄດ້ຊົມໃຊ້ຜົນປະໂຫຍດ. ພໍ່ແມ່ປະຊາຊົນພວກເຮົາໄດ້ມີຄວາມສະຫງົບສຸກ, ການໄປມາກໍສະດວກ, ການທຳມາຫາກກິນກໍສະບາຍ, ສິນຄ້າກໍ່ຂາຍໄດ້ດີກວ່າ”.
ນັບແຕ່ປີ 2023, ປະຊາຊົນໄດ້ເລີ່ມນຳໃຊ້ເຂດຕັ້ງຖິ່ນຖານຄົງທີ່ຄືນໃໝ່ ນ້ຳຢ້າງ. ເສັ້ນທາງຄົມມະນາຄົມ, ໄຟຟ້າ, ນ້ຳປະປາໄດ້ຮັບການລົງທຶນ; ປະຊາຊົນສາມາດໃຊ້ໂທລະສັບ ແລະ ອິນເຕີເນັດໄດ້. ທ່ານ ຈ້ຽວວັນເລີມ, ປະທານບ້ານ ນ້ຳຢ້າງ, ໃຫ້ຮູ້ວ່າ:
"ປະຈຸບັນ, ການດຳລົງຊີວິດຂອງປະຊາຊົນມີຄວາມສະດວກສະບາຍຫຼາຍຂຶ້ນເມື່ອທຽບໃສ່ກ່ອນນີ້. ເສັ້ນທາງໄປມາໄດ້ຮັບການກໍ່ສ້າງ ,ອັນໄດ້ສ້າງຄວາມສະດວກໃນຫຼາຍດ້ານໃຫ້ແກ່ພໍ່ແມ່ປະຊາຊົນ, ພໍ່ແມ່ປະຊາຊົນທັງຄ້າຂາຍ, ໄປມາ ແລະ ການພາລູກຫຼານໄປໂຮງຮຽນລ້ວນແຕ່ສະດວກ, ພໍ່ແມ່ປະຊາຊົນມີຄວາມພາກພູມໃຈຫຼາຍ. ພື້ນຖານໂຄງລ່າງໄດ້ນຳເຂົ້າໃຊ້ການຢູ່ເຂດຕັ້ງຖິ່ນຖານຄົງທີ່ຄືນໃໝ່, ຄື: ໄຟຟ້າ, ນໍ້າປະປາ, ເຄື່ອຂ່າຍໂທລະສັບ, ອິນເຕີເນັດ... ລ້ວນແຕ່ໄດ້ເຄື່ອນໄຫວເປັນປົກກະຕິ".
ບໍ່ພຽງແຕ່ມີບ່ອນຢູ່ອາໄສໃໝ່ເທົ່ານັ້ນ, ບັນດາຄອບຄົວຢູ່ທີ່ນີ້ ໂດຍເຄີຍອີງໃສ່ ເສດຖະກິດຂອງພູຜາປ່າໄມ້, ປະຈຸບັນ ຕາແສງ ມິງຄາຍ ໄດ້ໜູນຊ່ວຍເບ້ຍໄມ້, ສັດລ້ຽງ, ປຸ໋ຍ ແລະ ແນະນຳດ້ານເຕັກນິກອີກດ້ວຍ. ທ່ານ ນົງຫາຍຮຸ່ງ, ຮອງປະທານຄະນະກຳມະການປະຊາຊົນຕາແສງ ມິງຄາຍ, ໃຫ້ຮູ້ວ່າ:
“ໃນຊຸມປີຜ່ານມາ, ຈາກບັນດາໂຄງການໜູນຊ່ວຍການພັດທະນາການຜະລິດແລ້ວ ປະຊາຊົນກໍ່ໄດ້ລົງທຶນພັດທະນາຕົ້ນຢາງພາລາ ແລະ ຕົ້ນແຄ່ກວ່າ 80 ເຮັກຕາ, ໃນເບື້ອງຕົ້ນໄດ້ສ້າງລາຍຮັບຢ່າງໝັ້ນຄົງ. ຊີວິດການເປັນຢູ່ຂອງຫຼາຍຄອບຄົວກໍ່ດີຂຶ້ນ, ກໍ່ສ້າງເຮືອນທີ່ໃຫຍ່ໂຕໂອຖົງ, ສາມາດຊື້ເຄື່ອງຂອງຮັບໃຊ້ການດຳລົງຊີວິດໄດ້ຫຼາຍຢ່າງ”.
ບ່ອນຢູ່ອາໄສແຫ່ງໃໝ່ບໍ່ພຽງແຕ່ຊ່ວຍໃຫ້ບັນດາຄອບຄົວຫຼີກລ່ຽງຄວາມສ່ຽງຈາກໄພພິບັດເທົ່ານັ້ນ, ຫາກຍັງສ້າງເງື່ອນໄຂສະດວກຮັບປະກັນການດຳລົງຊີວິດໃຫ້ແກ່ປະຊາຊົນອີກດ້ວຍ. ຈາກເນືິອທີ່ດິນທີ່ປະຊາຊົນສະໝັກໃຈປະກອບສ່ວນ ຕະຫຼອດຮອດພື້ນຖານໂຄງລ່າງເຊິ່ງລັດໄດ້ລົງທຶນກໍ່ສ້າງ, ເຂດຕັ້ງຖິ່ນຖານຄົງທີ່ຄືນໃໝ່ພວມຄ່ອຍໆຕອບສະໜອງຄວາມຕ້ອງການດ້ານທີ່ຢູ່ອາໄສ ແລະ ການດຳລົງຊີວິດໃນໄລຍະຍາວຂອງປະຊາຊົນເປັນເທື່ອລະກ້າວອີກດ້ວຍ.
