ຍຸດທະສາດພັດທະນາການບໍລິການ logistics ຫວຽດນາມໄລຍະ 2025 – 2035, ວິໄສທັດຮອດປີ 2050, ໄດ້ວາງເປົ້າໝາຍບັນລຸລະດັບເຕີບໂຕສະເລ່ຍຂອງຂະແໜງ logistics ໃນແຕ່ລະປີແມ່ນແຕ່ 12% - 15% ຕໍ່ປີ; ຈັດອັນດັບຕາມດັດຊະນີປະສິດທິຜົນ logistics (ໂດຍທະນາຄານໂລກປະກາດ) ໃນກຸ່ມ 40 ປະເທດແລະເຂດແຄວ້ນແຖວໜ້າ.
ຢູ່ຫວຽດນາມ, ວິສາຫະກິດ logistics ພາຍໃນປະເທດສ່ວນຫຼາຍຫາກໍ່ຢຸດຢູ່ລະດັບຫັນຂັ້ນຕອນພື້ນຖານເປັນດີຈີຕອນເທົ່ານັ້ນ. ຈຳນວນຫົວໜ່ວຍໝູນໃຊ້ AI ຢ່າງມີແບບມີແຜນເຂົ້າໃນການໄຈ້ແຍກວິເຄາະຂໍ້ມູນແລ້ວຕັດສິນແມ່ນຍັງຈຳກັດຢູ່. ບັນດານັກຊ່ຽວຊານໄດ້ຍົກອອກຂໍ້ສະເໜີແນະໃຫ້ວິສາຫະກິດຫັນເປັນດີຈີຕອນແລະຫັນຂໍ້ມູນເປັນມາດຖານ. ນີ້ແມ່ນພື້ນຖານທີ່ມີລັກສະນະຕັດສິນຊີ້ຂາດ. ຖ້າບໍ່ມີຂໍ້ມູນທີ່ໜ້າໄວ້ວາງໃຈ, ທຸກການໝູນໃຊ້ປັນຍາປະດິດຈະຢຸດຢູ່ລະດັບພຽງແຕ່ສະແດງdemoເທົ່ານັ້ນ. ທີສອງແມ່ນ, ວິສາຫະກິດຄວນເລີ່ມຕົ້ນດ້ວຍບັນດາໂຄງການທີ່ມີຂອບຂະໜາດນ້ອຍ, ຄັດເລືອກບັນດາພື້ນຖານເຕັກໂນໂລຢີທີ່ມີຢູ່ແລ້ວແທນທີ່ສ້າງຕັ້ງໃໝ່ເພື່ອປະຢັດແຫຼ່ງກຳລັງ. ທີສາມແມ່ນ, ສ້າງກົນໄກຄຸ້ມຄອງບໍລິຫານ. ສ້າງຕັ້ງບັນດາຂັ້ນຕອນກ່ຽວກັບການຮັກສາຄວາມລັບ, ຄຸນສົມບັດແລະການບໍລິຫານຄວາມສ່ຽງເມື່ອເຄື່ອນໄຫວເຕັກໂນໂລຢີໃໝ່. ທ່ານຮສ.ປອຫງວຽນບິ່ງມິງ, ຫົວໜ້າສະຖາບັນເຕັກໂນໂລຢີແລະເສດຖະກິດດີຈີຕອນ, ມະຫາວິທະຍາໄລສັບພະວິຊາຮ່າໂນ້ຍ, ໃຫ້ຮູ້ວ່າ:
“logistics ທັນສະໄໝແມ່ນໂຈດຈັດສັນຂໍ້ມູນແລະຄວາມສ່ຽງໄວ້ວາງໃຈ. AI ຊ່ວຍໃຫ້ພວກເຮົາອ່ານເອກະສານທຸລະກຳ, ປຽບທຽບ, ພົບເຫັນກໍລະນີຢູ່ນອກກົດລະບຽບແລະຍົກອອກຂໍ້ສະເໜີແນະກ່ຽວກັບວິທີການແກ້ໄຂກໍຄືບັນທຶກເຫດຜົນທີ່ຕັດສິນ”.
ມີວິສາຫະກິດ logistics ຫວຽດນາມຈຳນວນໜຶ່ງພວມໝູນໃຊ້ປັນຍາປະດິດຢ່າງແຮງເພື່ອຫັນເປັນອັດຕະໂນມັດ, ຫຼຸດຜ່ອນລາຍຈ່າຍແລະແກ້ໄຂບັນດາກໍລະນີຍາກເຊັ່ນຫຼຸດຜ່ອນໄລຍະທາງຂົນສົ່ງ, ຈັດສິນຄ້າແລະຄຸ້ມຄອງເດີນສາງໃຫ້ໄດ້ຫຼາຍທີ່ສຸດ. ທ່ານຫງວຽນແອັງຢຸງ, ຜູ້ຄຸ້ມຄອງໂຄງການເຕັກໂນໂລຢີຂອງ J&T Express ຫວຽດນາມ, ໃຫ້ຂໍ້ສັງເກດວ່າ:
“ໃນຫຼາຍປີຜ່ານມາ, ພວກຂ້າພະເຈົ້າເຄື່ອນໄຫວໂດຍອີງໃສ່ປະສົບການຕົວຈິງແລະປະຕິບັດຂັ້ນຕອນຕ່າງໆດ້ວຍມື. ແຕ່ເມື່ອຂອບຂະໜາດຕະຫຼາດບັນລຸເຖິງລະດັບທີ່ໃຫຍ່ກວ່າແລ້ວ, ບັນດາປະສົບການລຽບງ່າຍກໍຮອດເວລາຕ້ອງປ່ຽນແປງ, ພວກຂ້າພະເຈົ້າໄດ້ເລີ່ມຮັບຮູ້ປັນຍາປະດິດ (AI) ບໍ່ພຽງແຕ່ແມ່ນການຄັດເລືອກເທົ່ານັ້ນຫາກຍັງແມ່ນປັດໄຈບັງຄັບເພື່ອແກ້ງແຍ້ງ. ປັດຈຸບັນ, ພວກຂ້າພະເຈົ້າໄດ້ເລີ່ມປ່ຽນຈາກ “AI ໜູນຊ່ວຍ” ໄປສູ່ “AI ຄາດຄະເນ” ແລະໃນຊຸມປີຈະມາເຖິງ, AI ຈະມີຄວາມສາມາດ “ຕັດສິນດ້ວຍຕົນເອງ”.
ປັດຈຸບັນ, ຈຳນວນວິສາຫະກິດຫວຽດນາມທີ່ໝູນໃຊ້ “AI ຢ່າງມີໄຫວພິບ” ບໍ່ຮອດ 2%. ເຫດຜົນທຳອິດແມ່ນຍ້ອນແຫຼ່ງກຳລັງລົງທຶນ, ບໍ່ພຽງແຕ່ແມ່ນລາຍຈ່າຍລົງທຶນເປັນຈຳນວນຫຼາຍໃຫ້ແກ່ລະບົບ logistics ອັດສະລິຍະ ໃນເບື້ອງຕົ້ນເທົ່ານັ້ນ, ຫາກຍັງມີການລົງທຶນເພີ່ມເຕີມເພື່ອໄປທັນກັບການພັດທະນາຂອງເຕັກໂນໂລຢີໃໝ່ອີກດ້ວຍ. ທ່ານຫງວຽນຕຽນດົ່ງ, ຜູ້ອຳນວຍການຝ່າຍເຕັກນິກ AI, ກຸ່ມບໍລິສັດ CMC ຖືວ່າ:
“ພວກເຮົາຕ້ອງຕີລາຄາໄດ້ວ່າຕ້ອງມີຄວາມເປັນໄປໄດ້ສູງແລະນຳມາເຊິ່ງມູນຄ່າສູງ. ນັ້ນແມ່ນລະບົບມູນຄ່າແລະຄວາມສາມາດເປັນໄປໄດ້. ມີ 4 ປັດໄຈນ້ອຍແມ່ນມູນຄ່ານັ້ນຈະກ່ຽວຂ້ອງເຖິງມູນຄ່າທີ່ນຳມາກ່ຽວກັບການຫຼຸດຜ່ອນຄ່າໃຊ້ຈ່າຍລົງໃຫ້ໄດ້ຫຼາຍສຸດ, ກ່ຽວກັບຄວາມປອດໄພໃນການເຄື່ອນໄຫວກໍຄືການຍົກສູງຄຸນນະພາບການບໍລິການ. ສ່ວນກ່ຽວຂ້ອງເຖິງລັກສະນະຄວາມສາມາດເປັນໄປໄດ້ແມ່ນລັກສະນະກຽມພ້ອມດ້ານຂໍ້ມູນ, ລັກສະນະກຽມພ້ອມດ້ານຊັບພະຍາກອນມະນຸດທີ່ມີຄວາມສາມາດໝູນໃຊ້ບັນດາເຕັກໂນໂລຢີໃໝ່ໃນປັດຈຸບັນ, ກ່ຽວກັບດ້ານວັດທະນະທຳ ແມ່ນມີຄວາມພ້ອມໝູນໃຊ້ປັນຍາປະດິດເມື່ອທຽບໃສ່ປັດຈຸບັນຫຼືບໍ, ກໍຄືກ່ຽວຂ້ອງເຖິງພື້ນຖານເຕັກໂນໂລຢີເຊິ່ງວິສາຫະກິດພວມມີ. ພາຍຫຼັງທີ່ມີການວິເຄາະແລ້ວ, ອາດຈະຊີ້ອອກບັນດາຂົງເຂດທີ່ພວກເຮົາຄວນລົງທຶນເຂົ້າເພື່ອນຳມາເຊິ່ງມູນຄ່າຕົວຈິງໃຫ້ແກ່ວິສາຫະກິດຢ່າງວ່ອງໄວ”.
ຫວຽດນາມວາງເປົ້າໝາຍຮອດປີ 2035, ມີ 100% ວິສາຫະກິດ logistics ໝູນໃຊ້ການຫັນເປັນດີຈີຕອນ, ແນໃສ່ນຳມາດຕະຖ່ວງລາຍຈ່າຍ logistics ຕໍ່ GDP ຫຼຸດລົງເຫຼືອພຽງແຕ່ 10% ຫາ 12%. ນີ້ແມ່ນເປົ້າໝາຍທີ່ມີຄວາມຕັ້ງຫວັງສູງແຕ່ມີຄວາມສາມາດເປັນໄປໄດ້, ຖ້າປະຊາຄົມວິສາຫະກິດມີຄວາມຕັດສິນໃຈລັດໜ້າກະແສປັນຍາປະດິດ (AI). ຍູ້ແຮງການໝູນໃຊ້ AI ແມ່ນຂໍ້ກຸນແຈທີ່ຈຳເປັນຊ່ວຍຍົກສູງກຳລັງຄວາມສາມາດແກ້ງແຍ້ງຂະແໜງ logistics ຫວຽດນາມໃນເວທີສາກົນ./.
