ເນື່ອງໃນໂອກາດສະເຫຼີມສະຫຼອງ 101 ປີແຫ່ງວັນສື່ມວນຊົນປະຕິວັດ ຫວຽດນາມ, ມີນັກຂ່າວຫຼາຍຄົນມາຈາກໄທ, ລາວ ແລະ ກຳປູເຈຍ ໄດ້ມີໂອກາດເຂົ້າຮ່ວມບັນດາການເຄື່ອນໄຫວພົບປະແລກປ່ຽນວິຊາຊີບ, ວັດທະນະທຳຢູ່ນະຄອນຫ໋າຍຝ່ອງ. ບໍ່ພຽງແຕ່ມີຄວາມປະທັບໃຈຕໍ່ຂະໜາດຂອງບັນດາເຫດການສື່ມວນຊົນທີ່ໄດ້ຈັດຂຶ້ນຢູ່ ຫວຽດນາມເທົ່ານັ້ນ, ບັນດາຜູ້ແທນສາກົນຍັງສະຫງວນຄວາມຮັກແພງໃຫ້ແກ່ນະຄອນທ່າກຳປັ່ນທີ່ມີຄວາມຂະຫຍັນຂັນເຄື່ອນ, ທັນສະໄໝແຕ່ຍັງຄົງຮັກສາບັນດາຄຸນຄ່າວັດທະນະທຳທີ່ເປັມມູນເຊື້ອອັນໂດດເດັ່ນນີ້ອີກດ້ວຍ.
ທ່ານນາງ ຣິນີ ເຣືອງໜູ, ຮອງປະທານສະຫະພັນສື່ມວນຊົນໄທ, ແບ່ງປັນວ່າ ຄະນະຜູ້ແທນໄທ ຮູ້ສຶກປະທັບໃຈຕໍ່ໂສມໜ້າຂອງນະຄອນທ່າກຳປັ່ນ, ຫ໋າຍຝ່ອງ ມີຫຼາຍຈຸດທີ່ຄ້າຍຄືກັນກັບບັນດາຕົວເມືອງໃຫຍ່ຂອງໄທ ຄື: ສີຣາຊາ ແລະ ແຫຼມ ສະບັງ ແຕ່ຍັງມີສີສັນສະເພາະກ່ຽວກັບວັດທະນະທຳ ແລະ ການດຳລົງຊີວິດຂອງທ້ອງຖິ່ນ.
ສຳລັບນັກຂ່າວ ກິດຕິນາວັດຊະຣະ ວະຊິຣາບານກຼາງ, ບັນນາທິການຂ່າວກິລາ ໜັງສືພິມ Thai Post ແລ້ວ, ຫ໋າຍຝ່ອງ ແມ່ນໜຶ່ງໃນບັນດານະຄອນທີ່ເປັນໜ້າສົນໃຈທີ່ສຸດຂອງຫວຽດນາມ ໃນປັດຈຸບັນ. ເຖິງວ່າເປັນຄັ້ງທຳອິດທີ່ໄດ້ມານະຄອນແຫ່ງນີ້, ທ່ານກໍ່ຮູ້ສຶກໄດ້ຢ່າງຈະແຈ້ງເຖິງການພັດທະນາກ່ຽວກັບພື້ນຖານໂຄງລ່າງ, ຄົມມະນາຄົມ, ການທ່ອງທ່ຽວ ແລະ ຄຸນນະພາບໃນການດຳລົງຊີວິດ.
ບໍ່ພຽງແຕ່ບັນດາຜູ້ແທນໄທເທົ່ານັ້ນ, ບັນດານັກຂ່າວມາຈາກລາວ ກໍ່ໃຫ້ຄຳຍ້ອງຍໍຫຼາຍຢ່າງແກ່ນະຄອນທ່າກຳປັ່ນແຫ່ງນີ້ອີກ. ທ່ານ ວິລະກອນ ຈິດຕະກອນ, ສະມາຊິກຄະນະສື່ມວນຊົນລາວ ໃຫ້ຮູ້ວ່າ:
ໃນຂະນະນັ້ນ, ທ່ານ Puy Kea ປະທານສະໂມສອນນັກຂ່າວກຳປູເຈຍ ກໍ່ສະແດງຄວາມຕື່ນຕາຕື່ນໃຈຕໍ່ຄວາມໄວໃນການພັດທະນາຂອງບັນດາເຂດອຸດສາຫະກຳຢູ່ຫ໋າຍຝ່ອງ, ແຕ່ນະຄອນຍັງຮັກສາໄດ້ບັນດາຄຸນຄ່າທາງດ້ານວັດທະນະທຳ ແລະ ການດຳລົງຊີວິດແບບຊຸມຊົນທີ່ເປັນເອກະລັກສະເພາະຂອງນະຄອນ.
“ເມື່ອຂ້າພະເຈົ້າມານະຄອນຫ໋າຍຝ່ອງ ຂ້າພະເຈົ້າມີຄວາມປະທັບໃຈຕໍ່ສອງຢ່າງ. ທີໜຶ່ງແມ່ນການພັດທະນາບັນດາເຂດອຸດສາຫະກຳຂອງນະຄອນ. ທີສອງແມ່ນການຮັກສາບັນດາຈຸດທີ່ເປັນມູນເຊື້ອຂອງຊາວນະຄອນ. ມີຮ້ານອາຫານຂອງປະຊາຊົນຫຼາຍຮ້ານ ເຖິງວ່າຈະນ້ອຍ ແຕ່ເຂົາເຈົ້າຍັງຄ້າຂາຍຢູ່ຄຽງຂ້າງກັນ ຮູ້ສຶກເປັນມິດຫຼາຍ. ຂ້າພະເຈົ້າມີຄວາມຊິນເຄີຍວ່າ ເມື່ອໄປບ່ອນໃດຂ້າພະເຈົ້າກໍ່ຂຽນບົດ,ບັນດາ ບົດວິຈານກ່ຽວກັບການທ່ອງທ່ຽວ, ທິວທັດທຳມະຊາດ, ຊີວິດທາງດ້ານເສດຖະກິດສັງຄົມຂອງປະຊາຊົນຢູ່ບ່ອນນັ້ນ ເພື່ອແນະນຳເຖິງໝູ່ປະຊາຊົນກຳປູເຈຍ”.
ເດີນທາງອອກຈາກຫ໋າຍຝ່ອງ ພາຍຫຼັງຊຸມວັນລົງຕົວຈິງ, ບັນດານັກຂ່າວອາຊຽນ ຖືວ່າ ບັນດາກິດຈະກຳກຄືລາຍການນີ້ບໍ່ພຽງແຕ່ປະກອບສ່ວນເພີ່ມທະວີນ້ຳໃຈສາມັກຄີລະຫວ່າງວົງການສື່ມວນຊົນໃນພາກພື້ນເທົ່ານັ້ນ ຫາກຍັງແມ່ນຂົວເຊື່ອມຕໍ່ວັດທະນະທຳຢ່າງມີປະສິດທິຜົນລະຫວ່າງບັນດາປະເທດໃນພາກພື້ນອີກດ້ວຍ. ເຂົາເຈົ້າຈະນຳບັນດາເລື່ອງລາວກ່ຽວກັບນະຄອນທ່າກຳປັ່ນທີ່ຂະຫຍັນຂັນເຄື່ອນ, ເປີດອົກເປີດໃຈ ແລະ ພວມບືນຕົວຂຶ້ນຢ່າງແຮງເພື່ອແນະນຳເຖິງໝູ່ປະຊາຊົນປະເທດຕົນ. ຜ່ານທັດສະນະຂອງບັນດານັກຂ່າວ, ຫ໋າຍຝ່ອງ ບໍ່ພຽງແຕ່ແມ່ນສູນອຸດສາຫະກຳ, logistics ແລະ ການທ່ອງທ່ຽວສຳຄັນຂອງຫວຽດນາມເທົ່ານັ້ນ ຫາກຍັງແມ່ນນະຄອນທີ່ເຕັມໄປດ້ວຍສີສັນ, ເປັນມິດ ແລະ ເຕັມໄປດ້ວຍແງ່ຫວັງໃນວິວັດການເຊື່ອມໂຍງເຂົ້າກັບພາກພື້ນ ແລະ ສາກົນ.
