ໃນວາລະໄຂກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດຊຸດທີ X ທີ່ໄດ້ດຳເນີນໃນທ້າຍເດືອນມີນາຜ່ານມາ, ລາວໄດ້ຮັບຮອງເອົາເປົ້າໝາຍຍຸດທະສາດໃຫ້ໄລຍະ 5 ປີຈະມາເຖິງຢ່າງເປັນທາງການ ດ້ວຍຄວາມຕັດສິນໃຈບັນລຸລະດັບການເຕີບໂຕ GDP ແຕ່ 6% ຫາ 7%. ນີ້ບໍ່ພຽງແຕ່ແມ່ນແຜນການເສດຖະກິດເທົ່ານັ້ນ ຫາກຍັງແມ່ນຄຳຢັ້ງຢືນກ່ຽວກັບເຈດຈຳນົງສ້າງຄວາມເຂັ້ມແຂງດ້ວຍຕົນເອງຂອງປະເທດລາວໃນຄວາມມານະພະຍາຍາມບຸກທະລຸເພື່ອຫຼຸດພົ້ນອອກຈາກບັນຊີລາຍຊື່ບັນດາປະເທດດ້ອຍພັດທະນາອີກດ້ວຍ. ແຜນການພັດທະນາເສດຖະກິດສັງຄົມແຫ່ງຊາດ ໄລຍະ 5 ປີຈະມາເຖິງຂອງລັດຖະບານລາວ ໄດ້ວາດພາບຮູບພາບສັງລວມ ຈາກສິ່ງທ້າທາຍທີ່ເຄັ່ງຄັດໃນອະດີດ ຕະຫຼອດຮອດຄວາມມຸ່ງຫວັງວັດທະນາຖາວອນໃນອະນາຄົດ.
ຫວນຄືນໄລຍະທາງທີ່ຜ່ານມາ, ພື້ນຖານເສດຖະກິດລາວຕ້ອງປະເຊີນໜ້າກັບຜົນຮ້າຍຈາກໂລກພະຍາດໂຄວິດ 19 ແລະ ການຜັນຜວນຂອງລາຄາພະລັງງານທົ່ວໂລກ. ສະພາບລະບົບຕ່ອງໂສ້ການສະໜອງຖືກຂາດວັກຂາດຕອນ ບວກກັບຄວາມກົດດັນຈາກໜີ້ສາທາລະນະ ໄດ້ສ້າງເປັນວົງຈອນແຫ່ງຄວາມຫຍຸ້ງເຫຍືອງ, ເຮັດໃຫ້ການບໍລິຫານນະໂຍບາຍເງິນຕາສັບສົນທີ່ສຸດ, ໃນຂະນະນັ້ນການດຳລົງຊີວິດຂອງປະຊາຊົນຢູ່ເຂດຫ່າງໄກສອກຫຼີກ ພັດຖືກຜົນກະທົບໂດຍກົງຈາກຄ່າຄອງຊີບທີ່ເພີ່ມຂຶ້ນ.
ເຖິງຢ່າງໃດກໍຕາມ, ລາວໄດ້ພິສູດໃຫ້ເຫັນກຳລັງທົນທານຢ່າງກ້າແກ່ນເມື່ອຮັກສາໄດ້ທ່າເຕີບໂຕ. ຢັ້ງຢືນກ່ຽວກັບບັນດາໝາກຜົນທີ່ມີລັກສະນະບາດລ້ຽວ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ເນັ້ນໜັກວ່າ:
ເພື່ອສ້າງການບຸກທະລຸຢ່າງແທ້ຈິງ, ລາວບໍ່ພຽງແຕ່ຢຸດຢູ່ການລົງທຶນໃຫ້ຂົງເຂດຄົມມະນາຄົມຂົນສົ່ງເທົ່ານັ້ນ ຫາກຍັງສຸມແຮງໃສ່ການປ່ຽນແປງໂຄງປະກອບພື້ນຖານເສດຖະກິດຕາມທິດຍືນຍົງ. ລັດຖະບານພວມມານະພະຍາຍາມຫັນບັນດາຄວາມສາມາດບົ່ມຊ້ອນທຳມະຊາດທີ່ມີຢູ່ແລ້ວ ໃຫ້ເປັນຊັບພະຍາກອນການເງິນໄລຍະຍາວ ໂດຍຜ່ານການພັດທະນາບັນດາໂຄງການພະລັງງານທົດແທນທີ່ມີຂອບຂະໜາດໃຫຍ່.
ກ່ຽວກັບການໝູນໃຊ້ວິທະຍາສາດເຕັກນິກ ແລະ ການຫັນເປັນດີຈີຕອນ ໃນບັນດາຂະແໜງການຜະລິດປາຍແຫຼມຄື ກະສິກຳ ແລະ ການທ່ອງທ່ຽວຊີວະພາບ ພວມໄດ້ຮັບຖືວ່າແມ່ນເສັ້ນທາງສັ້ນທີ່ສຸດເພື່ອຍົກສູງສະມັດຕະພາບແຫ່ງຊາດ. ກ່ຽວກັບວິໄສທັດນີ້, ທ່ານນາຍົກລັດຖະມົນຕີ ສອນໄຊ ສີພັນດອນ ໃຫ້ຮູ້ວ່າ:
ເພື່ອຫັນຄວາມມຸ່ງຫວັງນີ້ໃຫ້ປະກົດຜົນເປັນຈິງ, ລັດຖະບານລາວໄດ້ຜັນຂະຫຍາຍລະບົບມາດຕະການກ່ຽວກັບການເງິນ ແລະ ການຄຸ້ມຄອງບໍລິຫານຢ່າງຄົບຊຸດ. ການຫັນເປັນດີຈີຕອນໃນການຄຸ້ມຄອງລັດ ແລະ ນຳໃຊ້ບັນດາຊັບພະຍາກອນ ແຫ່ງຊາດທີ່ພວມໄດ້ຮັບບຸລິມະສິດແຖວໜ້າໃຫ້ດີທີສຸດ ເພື່ອສ້າງລະບົບບໍລິຫານຮັບໃຊ້ປະຊາຊົນ ແລະ ວິສາຫະກິດໃຫ້ດີກວ່າເກົ່າ. ລາວກໍ່ສຸມໃສ່ການສ້າງສະພາບແວດລ້ອມສະເໝີພາບ, ສົ່ງເສີມບັນດາພາກສ່ວນເສດຖະກິດ ເຂົ້າຮ່ວມບັນດາໂຄງການຈຸດສຸມຜ່ານຮູບແບບຮ່ວມມືພາກລັດ - ເອກະຊົນ (PPP). ເປົ້າໝາຍສູງສຸດແມ່ນສ້າງພື້ນຖານເສດຖະກິດໂປ່ງໃສ ເຊິ່ງແມ່ນບ່ອນທີ່ທຸກແຫຼ່ງກຳລັງລ້ວນແຕ່ໄດ້ສຸມໃສ່ການສ້າງ ແລະ ພັດທະນາປະເທດຊາດ. ທ່ານນາຍົກລັດຖະມົນຕີ ສອນໄຊ ສີພັນດອນ ຢັ້ງຢຶນວ່າ:
ໄປຄຽງຄູ່ກັບເສດຖະກິດ, ມາດຕະການກ່ຽວກັບການພັດທະນາການລົງທຶນໃຫ້ມະນຸດ ແລະ ເຕັກໂນໂລຢີໄດ້ຮັບຖືວ່າ ແມ່ນກຳລັງໜູນຫຼັກແຫຼ່ງໃຫ້ແກ່ຄວາມຍືນຍົງ. ລາວໃຫ້ຄຳໝັ້ນສັນຍາລົງທຶນຢ່າງແຮງເຂົ້າຂົງເຂດການສຶກສາວິຊາຊີບ, ສຸມໃສ່ທັກສະດີຈີຕອນ ແລະ ປັນຍາປະດິດ ເພື່ອທ່ວງທັນກັບທ່າອ່ຽງທົ່ວໂລກ. ດ້ວຍການປະສານສົມທົບລະຫວ່າງກຳລັງພາຍໃນ ກັບການຮ່ວມມືສາກົນ, ລາວພວມກ້າວເດີນຢ່າງໝັ້ນແກ່ນບົນເສັ້ນທາງຢັ້ງຢືນຖານະບົດບາດໃໝ່, ຕັດສິນໃຈຫຼຸດພົ້ນອອກຈາກປະເທດດ້ອຍພັດທະນາ ເພື່ອນຳຄວາມວັດທະນາຖາວອນທີ່ແທ້ຈິງມາໃຫ້ປະຊາຊົນ.
