ທຳນອງ “ບົດເພງເຂດດິນແດນທາງທິດໃຕ້” ໂດຍນ້ອງ ພົງພິສຸດ ເພັງສຸກ (Pongpisut Pengsuk) ຊື່ຫວຽດແມ່ນ ຕວັນຟອງ ມາຈາກມະຫາວິທະຍາໄລ ຈຸລາລົງກອນ (Chulalongkorn) ສະແດງນັ້ນ ໄດ້ເຮັດໃຫ້ບັນຍາກາດໃນຫໍປະຊຸມຂອງມະຫາວິທະຍາໄລ ສີນະຄະຣິນວິໂຣດ (Srinakharinwirot) ຄຶກຄັກກວ່າ. ບັນດານັກສຶກສາໄທ ໄດ້ເລົ່າເລື່ອງລາວກ່ຽວກັບ ຫວຽດນາມ ຕາມວິທີສະເພາະຂອງຕົນ ຜ່ານສຽງເພງ, ສາຍຕາ ແລະ ຄວາມຕື້ນຕັນໃຈໃນການແຂ່ງຂັນ My Viet Nam Story 2026 – ໂດຍສະຖານທູດ ຫວຽດນາມ ປະຈຳໄທ ຈັດຂຶ້ນເນື່ອງໃນໂອກາດສະເຫຼີມສະຫຼອງ 50 ປີແຫ່ງການພົວພັນທາງການທູດ ຫວຽດນາມ - ໄທ ໄດ້ປະກອບສ່ວນສ້າງກະແສລົມໃໝ່, ເຮັດໃຫ້ນ້ຳໃຈມິດຕະພາບລະຫວ່າງສອງຊາດເລິກເຊິ່ງກວ່າອີກ.
ສິ່ງທີ່ສ້າງຄວາມດຶງດູດພິເສດຂອງການແຂ່ງຂັນບໍ່ແມ່ນລັກສະນະແກ່ງແຍ່ງກັນ, ຫາກແມ່ນຄວາມຮູ້ສຶກທີ່ເລິກເຊິ່ງ. ພາສາຫວຽດ, ຜ່ານການສະແດງຂອງຜູ້ເຂົ້າຮ່ວມການແຂ່ງຂັນ, ມັນບໍ່ແມ່ນພາສາທີ່ແປກປະຫຼາດ ຫາກໄດ້ກາຍເປັນພາຫະນະເພື່ອສະແດງຄວາມຮັກແພງ, ເພື່ອເຂົ້າໃຈ ແລະ ແບ່ງປັນກັນ. ຈາກການສະແດງພິນສາຍດຽວ, ລະຄອນຫຸ່ນເງົາ ທີ່ວາດພາບເລື່ອງນິຍາຍພື້ນເມືອງ “ເຕິມກ້າມ”, ຕະຫຼອດຮອດບັນດາເລື່ອງລາວກ່ຽວກັບນ້ຳປາ ຝູກວັກ ຫຼື ວິຖີດຳລົງຊີວິດຂອງຄອບຄົວ ຫວຽດ - ທຸກສິ່ງທຸກຢ່າງເບິ່ງຄືວ່າປະສົມປະສານກັນກາຍເປັນຮູບພາບວັດທະນະທຳ ທັງໃກ້ຊິດສະໜິດສະໝົມ ທັງໃໝ່ອ່ຽມ.
ບັນດາຄົນໜຸ່ມທີ່ເຂົ້າຮ່ວມການແຂ່ງຂັນ - “ທູດວັດທະນະທຳ” ບໍ່ມີຖານະນາມທີ່ມາຈາກ 8 ມະຫາວິທະຍາໄລ ທີ່ມີຂະແໜງພາສາຫວຽດ ຢູ່ໄທ ຄື: ຈຸລາລົງກອນ (Chulalongkorn), ທຳມະສາດ (Thammasat), ສີນະຄະຣິນວິໂຣດ (Srinakharinwirot), ນະເຣສວນ (Naresuan), ຊຽງໃໝ່ (Chiang Mai)… ແມ່ນພະຍານຫຼັກຖານທີ່ມີຊີວິດຊີວາກ່ຽວກັບກຳລັງແຜ່ກະຈາຍຂອງນ້ຳໃຈມິດຕະພາບ ຫວຽດນາມ - ໄທ. ເມື່ອພາສາໄດ້ສະແດງອອກດ້ວຍໝາກຫົວໃຈ, ມັນຈະຂ້າມຜ່ານສິ່ງທີ່ກີດຂວາງທຸກປະການໄດ້. ຍ້ອນເຫດນັ້ນ, ພາສາຫວຽດ ຈຶ່ງມີຄວາມໃກ້ຊິດ, ຕິດພັນໃນຊີວິດປະຈຳວັນ ແລະ ຈະປະກົດຕົວໃນອະນາຄົດຂອງນັກສຶກສາໄທ ຫຼາຍຄົນ ຄື ຕວັນຟອງ ແລະ ຫັດທະຣັກ ເຜືອກໂສພາ (Huttharak Phueaksopha):
“ນ້ອງເຫັນວ່າຄົນຫວຽດນາມ ແລະ ຄົນໄທ ຄືກັນຫຼາຍ, ລ້ວນແຕ່ເປັນຄົນໃຈດີ. ພາຍຫຼັງຮຽນຈົບນ້ອງຈະໄປຮຽນຕໍ່ຢູ່ ຫວຽດນາມ, ຫຼັງຈາກນັ້ນຈຶ່ງກັບເມືອໄທ ເພື່ອສອນພາສາຫວຽດ ໃຫ້ລຸ້ນໜຸ່ມ ໄທ”.
“ເມື່ອຍັງຮ່ຳຮຽນຢູ່ໂຮງຮຽນ ຂ້າພະເຈົ້າ ແລະ ໝູ່ເພື່ອນເຄີຍຫຼິ້ນເກມແບບງ່າຍໆນັ້ນແມ່ນ ຫຼິ້ນ ແຊ້ມກາໂລ້. ພຽງແຕ່ໃຊ້ເຈ້ຍໃບໜຶ່ງ ແລະ ບິກ ກໍ່ສາມາດຫຼິ້ນໄດ້. ແຕ່ແທນທີ່ຫຼິ້ນແບບທົ່ວໄປ, ພວກຂ້າພະເຈົ້າຫຼິ້ນແບບລົມດ້ວຍພາສາຫວຽດ”.
ຈາກແງ່ມູມທີ່ກວ້າງກວ່າ, ບັນດາກິດຈະກຳຄື “My Viet Nam Story 2026” ສະແດງໃຫ້ເຫັນການຫັນປ່ຽນໃນການສ້າງການພົວພັນສາກົນ. ຖ້າການທູດການເມືອງສ້າງເປັນພື້ນຖານ, ການທູດປະຊາຊົນຈະແມ່ນຈິດວິນຍານ. ບັນດາການພົວພັນໄດ້ສ້າງຂຶ້ນຈາກໂຮງຮຽນ, ຈາກບັນດາກິດຈະກຳ ຫຼື ການການໄປທັດສະນະສຶກສາ… ນັ້ນ ແມ່ນເສັ້ນຝ້າຍທີ່ໜຽວແໜ້ນທີ່ສຸດລະຫວ່າງສອງປະເທດ. ເພາະສະນັ້ນ, ການຮ່ວມເດີນທາງຂອງສະຖານທູດຫວຽດນາມປະຈຳໄທ ພ້ອມກັບບັນດາມະຫາວິທະຍາໄລ ໄດ້ສ້າງເປັນ “ສະຖານທີ່ພົບປະ” ທີ່ເຕັມໄປດ້ວຍຄວາມໝາຍ, ບ່ອນທີ່ເມື່ອພາສາຫວຽດ ດັງຂຶ້ນ, ວັດທະນະທຳຫວຽດນາມ ຈະແຜ່ກະຈາຍ ແລະ ນ້ຳໃຈເພື່ອນມິດກໍ່ໄດ້ສ້າງຂຶ້ນ. ນັ້ນແມ່ນວິທີເຊິ່ງ “ພະລັງອ່ອນ” Soft Power ໄດ້ຫຼໍ່ລ້ຽງ - ອ່ອນໂຍນ ແຕ່ເລິກເຊິ່ງ. ທ່ານນາງ ລິງຈີ ອາຈານ ມະຫາວິທະຍາໄລ ຈຸລາລົງກອນ (Chulalongkorn) ໃຫ້ຮູ້ວ່າ:
50 ປີແມ່ນໄລຍະທາງທີ່ຍາວພໍສົມຄວນເພື່ອຫວນຄືນ, ແຕ່ກໍ່ແມ່ນຈຸດເລີ່ມຕົ້ນໃຫ້ແກ່ວິວັດການໃໝ່. ການພົວພັນ ຫວຽດນາມ - ໄທ ໃນມື້ນີ້ບໍ່ຖືກຈຳກັດໃນຂອບເຂດທີ່ມີມາກ່ອນເ, ຫາກຍັງໄດ້ເປີດກວ້າງດ້ວຍການປະດິດຄິດສ້າງ ແລະ ຄວາມສຸດຈິດສຸດໃຈຂອງໄວໜຸ່ມ. ບັນດາເລື່ອງລາວທີ່ເລົ່າດ້ວຍພາສາຫວຽດ ຢູ່ບາງກອກ ບໍ່ພຽງແຕ່ຢຸດຢູ່ການແຂ່ງຂັນເທົ່ານັ້ນ ຫາກຍັງສືບຕໍ່ໄດ້ຂຽນຕໍ່ໃນອະນາຄົດ - ຢູ່ໂຮງຮຽນ, ໃນວຽກງານ ແລະ ໃນການພົວພັນຂ້າມຊາຍແດນ.
