(ພາບ: SCMP)
ວັນທີ 24 ກັນຍາ, ທ່ານ Donald Trump, ປະທານາທິບໍດີ ອາເມລິກາ ແລະ ທ່ານ ສີຈິ້ນຜິງ, ປະທານປະເທດ ຈີນ ໄດ້ພົບປະກັນຂັ້ນສຸດຍອດ ຢູ່ວໍຊິງຕັນ ດີຊີ, ສືບຕໍ່ຢືນຢັນຄືນໃໝ່ເລື່ອງຮັກສາສະຖຽນລະພາບທາງດ້ານຍຸດທະສາດໃນການພົວພັນສອງຝ່າຍ, ພ້ອມກັນນັ້ນ, ຊຸກຍູ້ຄວາມເຫັນດີເຫັນພ້ອມ ແລະ ການສົນທະນາໃນບັນຫາຫຼັກແຫຼ່ງຈຳນວນໜຶ່ງທີ່ກ່ຽວຂ້ອງເຖິງດ້ານການຄ້າ ແລະ ເຕັກໂນໂລຊີ.
ການພົບປະຂັ້ນສຸດຍອດ ອາເມລິກາ - ຈີນ ດຳເນີນໃນວັນທີ 24 ກັນຍາ ຢູ່ ວໍຊິງຕັນ ດີຊີ ສ້າງຂີດໝາຍການພົບປະແບບເຊິ່ງໜ້າຄັ້ງທີສອງລະຫວ່າງການນຳ ອາເມລິກາ ແລະ ຈີນ ໃນເວລາບໍ່ຮອດເຄິ່ງປີ ພາຍຫຼັງກອງປະຊຸມສຸດຍອດທີ່ ຈັດຂຶ້ນຢູ່ ປັກກິ່ງ, ປະເທດ ຈີນ ໃນເດືອນ ພຶດສະພາ. ນີ້ກໍ່ແມ່ນການຢ້ຽມຢາມເປັນຄັ້ງທຳອິດຂອງທ່ານປະທານປະເທດ ຈີນ ສີຈິນຜິງ ໄປ ອາເມລິກາ ພາຍຫຼັງໄລຍະ 11 ປີ.
ຮັກສາສະຖຽນລະພາບທາງດ້ານຍຸດທະສາດ
ການພົບປະລະຫວ່າງການນຳຂອງສອງພື້ນຖານເສດຖະກິດໃຫຍ່ສຸດໃນໂລກ ໄດ້ດຶງດູດຄວາມສົນໃຈ ເມື່ອໃນວັນທີ 23 ກັນຍາ ທ່ານປະທານາທິບໍດີ Donald Trump ໄດ້ໄປຮອດຂັ້ນໄດຂອງເຮືອບິນເພື່ອຕ້ອນຮັບປະທານປະເທດ ຈີນ ທ່ານ ສີຈິ້ນຜິງ ຢູ່ທີ່ຖານທີ່ໝັ້ນກອງທັບອາກາດ Andrews (ລັດ Maryland). ນີ້ແມ່ນການກະທຳຕ້ອນຮັບທີ່ຫາຍາກໃນປະຫວັດສາດຂອງປະທານາທິບໍດີ ອາເມລິກາ ສະໄໝຕ່າງໆ. ຕາມວົງການນັກສັງເກດການແລ້ວ, ການຕ້ອນຮັບຢ່າງສົມກຽດຂອງປະເທດ ອາເມລິກາ ຕໍ່ກັບການນຳ ຈີນ ໃນຂະນະທີ່ ຈີນ ກໍ່ເຄີຍໃຫ້ການຕ້ອນຮັບທ່ານປະທານາທິບໍດີ Donald Trump ເຊັ່ນດຽວກັນກ່ອນນີ້, ແຕ່ດ້ານອື່ນກໍໍ່ສອງແສງໃຫ້ເຫັນເຖິງການຖືເປັນສຳຄັນພິເສດຂອງ ທຳນຽບຂາວຕໍ່ຄວາມສຳຄັນຂອງການພົບປະຂັ້ນສຸດຍອດໃນການຄຸ້ມຄອງ ການພົວພັນທີ່ສັບສົນທີ່ສຸດ ແລະ ຜົນສະທ້ອນລະຫວ່າງ ອາເມລິກາ ແລະ ຈີນ.
ໃນການເຈລະຈາທີ່ຈັດຂຶ້ນໃນຕອນບ່າຍຂອງວັນທີ 24 ກັນຍາ (ເວລາທ້ອງຖິ່ນ ອາເມລິກາ), ການນຳທັງສອງທ່ານ ໄດ້ເນັ້ນໜັກເຖິງ ສະຖຽນລະພາບທາງດ້ານຍຸດທະສາດ. ທ່ານປະທານ ສີຈິ້ນຜິງ ຢືນຢັນວ່າ ອາເມລິກາ ແລະ ຈີນ ລ້ວນແຕ່ແມ່ນສອງຊາດທີ່ຍິ່ງໃຫຍ່ ສາມາດໜູນຊ່ວຍເຊິ່ງກັນ ແລະ ກັນ, ສະນັ້ນ ອາເມລິກາ ແລະ ຈີນ ຕ້ອງມຸ່ງໄປເຖິງການຮ່ວມຊີວິດໃນສັນຕິພາບ. ໃນຂະນະນັ້ນ, ທ່ານປະທານາທິບໍດີ Donald Trump ໄດ້ຍ້ອງຍໍທ່ານປະທານ ສີຈິ້ນຜິງ ວ່າເປັນ "ເພື່ອນຜູ້ຍິ່ງໃຫຍ່" ຂອງທ່ານ ແລະ ອາເມລິກາ - ຈີນ ມີຄວາມສາມາດບົ່ມຊ້ອນຮ່ວມມືຍິ່ງກວ່າ ການສູ້ຢັນກັນ.
“ຖ້າພວກເຮົາສຸມໃສ່ຜົນປະໂຫຍດລວມນັ້ນ, ຂ້າພະເຈົ້າມີຄວາມແນ່ນອນວ່າ ພວກເຮົາສາມາດບັນລຸບັນດາຜົນງານທີ່ຍິ່ງໃຫຍ່ກວ່າ. ເລື່ອງເດີນຕາມບັນດາຜົນປະໂຫຍດຮ່ວມນັ້ນ ໄດ້ຮັດແໜ້ນການພົວພັນສອງປະເທດໂດຍບໍ່ຫົວຊາຕໍ່ບັນດາມະຫາສະໝຸດອັນກວ້າງໃຫຍ່, ໄລຍະທີ່ຫ່າງໄກດ້ານພູມສາດ ແລະ ຄວາມແຕກຕ່າງກັນຫຼາຍຢ່າງ, ຊ້ຳບໍ່ໜຳຍັງນຳພວກເຮົາກາຍເປັນພັນທະມິດ ໃນສົງຄາມໂລກຄັ້ງທີສອງອີກດ້ວຍ."
ການນຳ ອາເມລິກາ ແລະ ຈີນ ກໍ່ໄດ້ປຶກສາຫາລືກ່ຽວກັບບັນຫາຮີບດ່ວນ ກ່ຽວຂ້ອງກັບຄວາມໝັ້ນຄົງ, ເຕັກໂນໂລຊີ ແລະ ປັນຍາປະດິດດີເລີດ (SI) - ເຊິ່ງເປັນຄຳສັບທີ່ປະທານາທິບໍດີ ອາເມລິກາ ນຳໃຊ້ເພື່ອເວົ້າເຖິງ ປັນຍາປະດິດ (AI). ທັງສອງຝ່າຍລ້ວນແຕ່ມີຄວາມສາມາດ ແລະ ຄວາມຮັບຜິດຊອບໃນການພັດທະນາ ແລະ ຄຸ້ມຄອງ AI ເພື່ອຈຸດປະສົງທີ່ດີງາມ, ພ້ອມກັນນັ້ນກໍ່ຮັບປະກັນວ່າ ການພັດທະນາ AI ຍາມໃດກໍ່ຢູ່ພາຍໃຕ້ການຄວບຄຸມຂອງມະນຸດ ແລະ ຮັບໃຊ້ສະຫວັດດີການຂອງ ປະຊາຊົນ.
ສັນຍານຕັ້ງໜ້າ
ບູລິມະສິດຂອງການຮັກສາການພົວພັນອາເມລິກາ ແລະ ຈີນ ໃຫ້ມີສະຖຽນລະພາບ ຍັງໄດ້ສະແດງໃຫ້ເຫັນຜ່ານ ຂໍ້ຕົກລົງສຳຄັນ ຈຳນວນໜຶ່ງທີ່ບັນລຸໄດ້ກ່ອນນັ້ນ, ເຖິງແມ່ນວ່າບໍ່ມີລັກນະສະບຸກທະລຸ. ສິ່ງທີ່ໜ້າສົນໃຈແມ່ນ ໃນຈຳນວນນີ້ ເລື່ອງສອງຝ່າຍຕໍ່ກຳນົດເວລາຢຸດຕິສົງຄາມດ້ານການຄ້າໃນວັນທີ 23 ກັນຍາ. ລະອຽດແມ່ນ, ຕາມທ່ານ Scott Bessent, ລັດຖະມົນຕີກະຊວງການການເງິນ ອາເມລິກາ ແລ້ວ, ອາເມລິກາ ແລະ ຈີນ ໄດ້ຕໍ່ກຳນົດເວລາຕື່ມອີກສອງເດືອນສຳລັບຂໍ້ຕົກລົງ ຫຼຸດຜ່ອນຄວາມເຄັ່ງຕຶງທີ່ບັນລຸໄດ້ໃນປີ 2025 ຢູ່ Busan (ສ.ເກົາຫຼີ), ຜ່ານນັ້ນແກ່ຍາວຂໍ້ຕົກລົງແຕ່ວັນທີ 10 ພະຈິກ 2026 (ຄາດວ່າຈະແມ່ນວັນໝົດຜົນສັກສິດ) ຮອດວັນທີ 10 ມັງກອນ 2027. ທ່ານນາງ Ruby Osman, ທີ່ປຶກສາຂັ້ນສູງກ່ຽວກັບພູມສາດການເມືອງສະເພາະດ້ານ ຈີນ ຢູ່ສະຖາບັນ Tony Blair ກ່ຽວກັບການປ່ຽນແປງທົ່ວໂລກ, ໃຫ້ຂໍ້ສັງເກດວ່າ:
"ຂ້າພະເຈົ້າບໍ່ຖືວ່ານີ້ແມ່ນຂໍ້ຕົກລົງຢຸດຕິສົງຄາມທີ່ຈະແກ້ໄຂບັນຫາທັງໝົດ ໃນການພົວພັນນີ້, ແຕ່ຂ້າພະເຈົ້າເຊື່ອໝັ້ນວ່າ ເລື່ອງທັງສອງຝ່າຍລ້ວນແຕ່ປາດຖະໜາມີການຢຸດຕິສົງຄາມໃດໜຶ່ງ, ເຖິງຈະບໍ່ສົມກໍ່ຕາມ, ແຕ່ກໍ່ສະແດງໃຫ້ເຫັນວ່າ ພວກເຈົ້າເຂົາເຫັນໄດ້ ຄວາມເສຍຫາຍເຊິ່ງແຕ່ລະຝ່າຍອາດສາມາດສ້າງຂຶ້ນຕໍ່ກັນ. ພວກເຮົາໄດ້ເຫັນສິ່ງນີ້ໃນຈຸດເວລາເຄັ່ງຕຶງທີ່ສຸດໃນສົງຄາມດ້ານພາສີໃນປີ 2025, ແລະ ຂ້າພະເຈົ້າຄິດວ່າ ຢ່າງໜ້ອຍໃນໄລຍະສັ້ນ, ບໍ່ມີຝ່າຍໃດຢາກຟື້ນຟູສົງຄາມນັ້ນ."
ເບິ່ງລວມແລ້ວ, ການພົບປະຂັ້ນສຸດຍອດ ອາເມລິກາ -ຈີນ ຄັ້ງນີ້ບໍ່ສ້າງຄວາມບາດກ້າວບຸກທະລຸໃດໆ, ສິ່ງທີ່ວົງການນັກສັງເກດການກໍ່ໄດ້ຄາດຄະເນໄວ້ແລ້ວ, ເຖິງຢ່າງໃດກໍ່ຕາມ, ສອງຝ່າຍຍັງໃຫ້ບຸລິມີສິດຮັກສາການພົວພັນໃຫ້ມີສະຖຽນລະພາບ ແລະ ຊອກຫາຂໍ້ຕົກລົງແມ່ນບັນດາສັນຍານທີ່ຕັ້ງໜ້າໃນການພົວພັນລະຫວ່າງ ອາເມລິກາ -ຈີນ ເວົ້າສະເພາະ ແລະ ພູມສັນຖານພູສາດການເມືອງ, ເສດຖະກິດໂລກເວົ້າລວມ.
